انت فرحي اللي عاش يا عنيه ..وانت ..انت اللي خايفه عليا

انت فرحي اللي عاش يا عنيه ..وانت ..انت اللي خايفه عليا

Thursday, November 22, 2007

خد بالك.....حااااااسب

بوست في السريع كده
وانا غطسانه في بحر النت
لقيت كلام شدني
وزي عادتي اخدته وبعته لكل اللي بحبهم
بس قولت طب ما نخلي الفايده تعم
واالكل يبقوا واعييين
ما دا دورنا
ولا ايه رايكم؟؟
اسيبكم تقروا وتعلقوا
وربنا يرحمنا ويحمينا
*************
هذه الحادثة حصلت في باريس، وقد تحصل في اي وقت بأي مكان
بالتحديد في السينما في باريس، احست احدى الفتيات بوخز في المقعد، وعندما قامت ،وجدت ابرة مغروزة في المقعد
ملصق بها ورقه مكتوب عليها
(لقد حقنت بفايروس الايدز )
مركز الحماية من الامراض أو السيطرة على الأمراض أبلغ عن وقوع هذه الحادثة في مدن أخرى غير باريس
وبعد فحص الابر وجد انها حاملة فعلا لفايروس الايدز
كما أنها حصلت في لبنان
كما ابلغ المركز بان هذا النوع من الابر وجد في الصراف الآلي
ونطالب من الجميع توخي الحذر عند مواجهة مثل هذه المواقف
يجب التمعن والتدقيق في المقاعد قبل الجلوس عليها، كما يجب ايصال هذه الرسالة إلى جميع من تعرفونه
وكل من يهمكم امرهم وخاصة أفراد العائلة الصغير قبل الكبير.
مؤخراً، صرح دكتور في الهند، حيث أن هذه الحادثة حصلت لأحدى مرضاه، أيضاً في السينما بنيودلهي
كانت فتاه مخطوبة، على وشك الزواج، وجدت الابرة بعد أن وخزتها وقد كان ملصق بها ورقة مكتوب عليها
( اهلاً بك في عالم الإيدز )
الدكتور اخبر عائلتها بأن مفعول الفايروس لن يبدأ إلا بعد 6 أشهر
وعادةً المصاب يعيش مابين 5 إلى 6 سنوات، ولكن الفتاة توفت بعد 4 أشهر
يجب جميعاً أن نتوخى الحذر
******
الايدز مرض العصر فحافظ على نفسك كى تامن منه

28 comments:

Unknown said...

حسبى الله ونعم الوكيل
هى الحكايه ناقصه
ربنا يسترها معانا
مش كفايه الحقن الملوثه اللى كانت منتشره والحمد لله بطلت دلوقتى
ادى فايده التليفزيون بقى
الواحد على الاقل يبقى ضامن الكنبه اللى مريح عليها وهو بيأزأز لب
مصيبه لا يكون اللب كمان بيعمل حاجه
شوفيلنا كده يا زمرده الله يسترك
جزاكى الله خير على الموضوع ده حقيقى

Hannoda said...

عمري ما يخطر على بالي ان مريض بمرض -هو أكتر الناس ادراك لألمه- انه يفكر في عز همومه بهذا المرض انه ينقله لشخص آخر

يا بنت ده أكيد بدافع الحقد
وأنا حقا لم أفهم عمري طبيعة الحقد
ولم أصدقها ابدا

يا رب احمي الانسانية من شرورها و مما تبتدعه كل يوم من أنواع الشرور و أشكالها

harmless said...

والله اتعجب كثيرا منا ونحن المثقفون الدارسون المتعلمون
نتلقف اى كلام على انه حقائق لا يأتيها الباطل وننشرها ونروج لها حتى بدون ان نفكر ما فى هذه القصص من عوار وعدم منطقيه تجعلها فى حكم الاستحاله

يجيئنى عشرات من الايميلات التى تحكى قصص ما انزل الله بها من سلطان هدفها ان نمصمص الشفايف او نتعظ او نخاف الله او نأخذ حذرنا
لا مانع
ولكنها ايضا قصص ساذجه لا تصلح الا لمستويات سنيه او ثقافيه معينه ولكن ان تناقشها عقول مثقفين وحاملى الشهادات العليا فهذا والله من العجب العجاب

يا اختى العزيزة بدون الدخول فى تفصيلات علميه عن فيروس الايدز الضعيف جدا والذى لا يعيش الا فى دم الضحيه او فى حقن معقمه فى معامل معقمه جدا وبالتاكيد لا يحتمل الخروج الى السينمات والمسارح

بعيدا عن هذا كله
لكن اى مثقف او متابع لحركه الميديا العالميه يفهم ويعرف ان اى حادثه من هذه الحوادث لو حدثت لتلقفتها وسائل الاعلام والتليفزيونات والسى ان ان والبى بى سى ولقامت الدنيا ولم تقعد ولصارت حديثا مكررا فى جميع برامج التوك شو فى جميع انحاء العالم

لكن ان يكون كل نصيبها ايميل آخره عيارة أمانه فى عنقك ليوم الدين ان تنشرها او انشرها ستجد خيرا كثيرا واذا لم تفعل ستقع على رأسك بلكونه فالمنطقى فى نظرى ان نحول هذا الى الـ
junk

Rosa said...

زمرده مرسي على تحزيرك دا
جزاك الله خيرا
في ناس بتكون نفوسها ضعيفه كدا
وربنا يستر يا رب

بسمه عبدالباسط said...

شكرا على التحذير الهام والمفيد
وجزاكى الله كل خير

تحياتى لكى

Anonymous said...

يا ستير يا رب

بس ف مصر صعب جدا الكلام ده لان حتي المصابين موصلوش لمرحلة انهم يقتلوا انسان تاني بحقدهم ده

بس ميمنعش اننا ناخد حذرنا بس الحياة هتبقي صعبة اوي لو بقينا حذرين من كل حاجة

اسكندراني اوي said...

انا وصلتني القصه دي عبر احد الاميلات برضه من فتره طويله

لا ادري ما مدى صحه القصه

ولكن اتمنى ان يكون الجميع على حذر
وقانا الله واياكم شرور الامراض كلها

DoMaLaYs said...

لا حول و لا قوة الا بالله

هي الناس ناقصه افكار شيطانية من مرضى نفسيين ؟! بجد حاجه تجنن

على العموم ان شاء الله ربنا يحمينا

و كمان هناخد بالنا من الحاجات دي

و شكراً ليكي يا صدلانية هانم

بس ايه ده

صيدلة و اسكندريه

ممتاز و الله

بس ممكن يا دكتورة اذا كنتي فاضية شوية

تزوري

www.sayadla.com

موقع جميل و لذيذ

و شكراً ليكي على التوبيك الجامد ده بجد

الصديق المخلص said...

زمردة
بعد الشر علاكى مفيش موت قرب ولا حاجة الأعمار بيد الله مفيهاش توقعات يا زمردة
وربنا يكون فى عون الناس اللى عندهم امراض بالشكل دة
على فكرة انا كان عندى صديق عندة مرض خطير كدة بس الله يرحمة كلنا زعلنا علية ولحد دلوقتى زعلنين علية
خلى بالك من نفسك و ربنا يبعن عندك و عن امة المسلمين الأمراض دى
زمردة
انا فى مشكلة و تعبت منها ومش عارف حلها
صديقتى اللى حكات عنها فى البوست مش عارف ارضيها ازاى احنا اصدقاء جدآ و عرفين عن بعض كل حاجة مبقتش عارف ارضيها كصديقة ولا حبيبة استغنى عن حبها لتدوم الصداقة ولا اعمل اية تعبت بجد و مش لاقى حل

الطائر الحزين said...

جزاك الله خيرا

ممكن الاحباط يفعل ما هو اخطر

بس لابد ان لا يتشكك الانسان فى كل ما حولة و الا اصاب بالهلاوس

الطائر الحزين said...

لكن المواضيع لا تكون بهذه البساطة حسب اعتقادى

احمد الجيزاوى said...

الحمد الله انا مبروحش سينما بس انتى هتقلقى الواحد له كفايه اى ماشى الف حولين نفسى

احمد الجيزاوى

احمد الجيزاوى said...

على فكرة انا شفت اسكندرنيه كتير بس مشفتش مدونه زيك متاثرة بهذة الطريقه بى الاسكندريه ورمنسيه البحر
بجد انتى متفوقه
احمد الجيزاوى

روح said...

الحمد لله علي نعمة الاسلام وكفا بها نعمة
جزاكم الله عنا كل الخير
ونسأل الله لنا ولكم ولجميع
المسملمين السلامة
مدونتك جميلة
وتقبلي تحياتي

Unknown said...

زمردتى
بسرعه كده يا حبيبتى ف شوية اكسير تفاؤل فاضوا منى تعالى خديلك شويه
مستنياكى فى المدونه عندى
تعالى بسرعه متتاخريش

Hannoda said...

زمردتي
وحشتيني
خدي دول مش عارفة ليه
لأ عارفة بس مش حاقول
عاوزاك تحسيني و بس


أنا قلبي برج حمام
هج الحمام منه
ياللي عنيك كلام
ليه الضلوع أنوا

أنا محتجااااااااااكي
قوي

اسكندراني في الغربة said...

صباح الخير زمردة
ربنا يشفي كل مريض
بس القصة دى و زيها كتير كانت بتجيلي على الميل من سنة 1999
و اكتر من كدة جاتلي نفس القصة بتغير بسيط ان السينما كانت امير في الاسكندرية
تخيلي انت بقا احنا اد اية شعب طيب و بنصدق اي حاجة
تحياتي

زُمُرده said...

*****لماضة*****

ازيك يا لماضه
متلامضتيش يعني المره دي
ربنا يرحمنا ويحمينا
على رايك الكنبه ليها فوايد كتيييييير
--------------------
اكيد طبعا جايه الحق اكسير التفاؤل
بس خبيلي شويه
لحسن امة لا اله الا الله محتاجه اوي
وهيقطعوني لما آآجي

___________________________________

*****Hannoda *****

الحقد يا جميل يعمل اكتر من كده بس انت قلبك طاهر ونقي
علشان كده عمرك ما هتعرفي الحقد بيعمل ايه
-----------
فاكره زمان في ثانوي اخدنا قصيده لشاعر مش متذكره اسمه
دعا على كل العشاق انهم ما يتهنواوان السما متمطرش مادام هو مش طايل الهنا في حبه
شفتي .....بتحصل من زمان
-----------

أخدتهم وفهمتهم وحسيتهم مووووت
آآآه لو بايدي اكون وياك
ولو بايدي افديك
وامسح دموع عينيك
حتى لو دمي ..ما يغلى عليك



___________________________________

*****harmless*****

عزيزي هارملس
شكرا على كلامك وان كان ساعات كتير
نسمع اشياء ولا نصدقها ولا تستوعبها عقولنا إلا عندما نتاكد بعين اليقين من حدوثها
مثال وليس للحصر : من سنوات قالوا ان طوابع البريد فيها وفيها
كل الناس في الأول مصدقتش
الى ان ثبت ذلك
وهنخصر ايه لو فتحنا عيونا شويه
وبقينا حذرين
مش لازم بالطريقه دي..ززبس الشيطان لن يعجز ان يوجد افكار جهنميه

شكرا على افادتك ورايك

___________________________________

*****Rosa*****

حمدلله ع سلامتك
ربنا يقينا شر النفوس الضعيفه
ويحمي امة محمد

___________________________________

*****bos bos*****

جزاك الله خيرا
وربنا يديم الحب والصحه

___________________________________

*****مصراوي أوي*****

مصر أم الدنيا
آآآه بس اللي عايشين فيها مش ملائكه
ايه رايك في موضوع أكياس الدم الفاسد
اللي كانت بتتنقل للمرضى؟؟

___________________________________

*****اسكندراني اوي*****

انا معرفش ان كانت حقيقه ولا لأ
بس ليه الناس متبقاش حذره
في كل عياده ومستشفى وصيدليه
في نقل الدم ليهم ولا في اي سرنجه ولا عيادة اسنان

___________________________________

*****DoMaLaYs*****

شكرا ع المرور الجميل ده
ربنا يحمينا ويحمي المسلمين اجمعين
اكيييد طبعا هفضي نفسي
ولو مفيش وقت ....تدبر ونشوف الموقع

نورنا دايما يازميلي
وشكرا على الإفاده الجميله

___________________________________

*****الصديق المخلص*****

الموت بايد الله وكله مكتوب
ومش شر صدقني
ده خير كبير

اصبح من الصعب انك تلاقي عيله لم يهاجم اي مرض خبيث كده شخص فيها
وانا والحمدلله كتيييييير

الموضوع التاني ده هجيلك المدونه نشوفه
بس عليك واحد نسكافيه وايس كريم وشكولاته وانا تحت امرك

___________________________________

*****الطائر الحزين*****

مرحبا بتشريفك
بس آآه لو متبقاش حزين

عندك حق الأحباط بيعمل الهوايل
لما واحد يحس انه ضايع ضايع
ومفيش امل وغيره عايش يتمتع ومش حاسس بالنعم اللي هو فيها
يحصل ويحصل

___________________________________

*****مدونه انا بحبك يا مصر*****

نورتونا ومبروك الخطوبه
وربنا يكرمكم ويفرحكم دايما

استاذ /احمد
متلفش حوالين نفسك
جمد قلبك وتوكل على الله
-------------
احرجتني جدا بكلامك الجميل
بس بجد البحر ده الصاحب الوحيد اللي ياخد منك هموم وميديش
جربه وهتشوف

___________________________________

*****ro7*****

اللهم آآميين
ربنا يرحمنا
وشكرا لذوقك كتيييير
ونورينا دايما

___________________________________

*****اسكندراني في الغربة*****

عارف هتفضل تتبعت لحد 9999
ايوه شعب طيب وبنصدق
بس الدنيا حوالينا مش حلوه اوي
ولا القلوب بقت صافيه
ولا الناس ملايكه
وفي الزمن ده كله ممكن
يبقى ناخد حذرنا
سواء بالطريقه دي او غيرها
وخصوصا في التعامل مع اي حقنه واي جرح
وربنا يرحمنا

الصديق المخلص said...

بس كدة نسكافية و شيكولاتة و ايس كريم
انتى تأمرى و نبعتهم لحد عندك كمان بس نلاقى حل انا محتاج رايك ضرورى كمان مش آدر اكتب حاجة نفسى اكتب و مش عارف يا زمردة

Unknown said...

شوفى يا زمردتى انا مش اكبر منك بكتير فى التدوين بس خبرة بيوم يعنى تقدرى تقولى عليا فى كى جى 2 شهاده يا ناس
شوفى يا ستى التاج ده عباره عن مجموعه من الاسئله بتجاوبى عليها باللى انتى حساه ومقتنعه بيه وبيعبر عنك
بس التاج اللى انا بعتهولك ده مختلف شويه
يعنى انتى المفروض تاخدى كلمه اكسير تفاؤل او تفاؤل بشكل عام
وتكتبى اللى انتى حساه من معانى تحت الكلمه دى او بيخليكى تتفائلى
ممكن تدخلى مدونة علا اللى بعتتلى التاج وتشوفى اجابتها واجابات الناس اللى جاوبت عليه كل واحد جاوب بالطريقه اللى يحسها
يعنى ايه كلمة تفاؤل عندك
كده يعنى
عدد الجمل مش محدود تقدرى تكتبى زى ما تحبى
التاج ده مش محدد بعدد معين
يلا بقى ورينا شطارتك يا دوك
وورينا شوية الاكسير اللى معاكى هتعملى بيهم ايه
وانا فى الخدمه لو اى استفسار تانى
المهم ابوس ايدك جاوبى عليه
متكسفينيش
سلام يا قمر

Desert cat said...

انا شوفت القصة دى قبل كدا كذا مرة بس مش عارفه ليه حاسه انها من نسج خيال
مش عارفه ايه الهدف من كدا
لله فى خلقه شئون
ولو كان الخبر صحيح
ربنا يكفينا شر كل قلب حقود
محبتى

الصديق المخلص said...

انتى فان يا زمردة انا قلت انتى اول واحدة حتعلق على البوست و تقليلى رايك فى الصور
متغبيش علانة و طمنينا علاكى

سندباد said...

جميلة اوي شكل مدونتك والاجمل ان فيها كلام جميل وبوستات جميلة
تحياتي
لكي جدا

شقاوة شعب said...

الله اعلم ايه مدى صحة القصة دى
لان اليويمن دول بنستقبل على النت قصص غريبة
بس بعيدا عن القصة ففى حاجة اسمها حرب الفيروسات وفى مافيا هى المسؤلة عنها ومتخصصة فيها وبتكسب من وراها مليارات واكتر

فربنا يحفظ المسلمين جميعا من كل سوء

زُمُرده said...

*****sendbad *****
اشكرك على ذوقك وكلامك العسل ده
والحمدلله ان المدونه بما فيها لاقت استحسانك

زُمُرده said...

*****شقاوة شعب *****
اللهم آآمين
ربنا يحمي المسلمين ويحفظهم

مش كل القصص حقيقيه بس علينا
ناخد بالنا ونحرص لأن اصحاب النفوس الضعيفه كتييييييييير
شكرا على الزياره الجميله ونورنا دايما

مجلة سيكولوجية مصرية said...

مشكورة يا زمرده

انا سمعت القصة برضه من زمان

عموما انا بعتقد انها مجرد اشاعة

لانها لو بدات تحصل فعلا

وخصوصا فى بلدنا بلد (الريادة والرياديين )يبقى ربنا يستر علينا


تحياتى
أحمد مصطفى

زُمُرده said...

*****أحمد مصطفى *****

والله عندك حق يا احمد
دي هتبقى هيصه وهايصه
بس مفيش مشكله لو ركزنا خصوصا لو في مستشفى ولا في نقل دم
انا قصدي الناس تحرص في كله مش اكتر
ربنا يكفي المسلمين اجمعين