انت فرحي اللي عاش يا عنيه ..وانت ..انت اللي خايفه عليا

انت فرحي اللي عاش يا عنيه ..وانت ..انت اللي خايفه عليا

Friday, December 19, 2008

زُمُرُدةُ يشتهيها الطامعون


تكملة لمسيرة سابقه ابتدت في بوست بقايا زُمُرُده(1) من الردود الجميله اللي عجبتني كان رد احمد سكر
وتم نشر رد احمد في بوست وعوووود وردي عليه
طبعا السكر كله رد تاني وانا مش هسكت ما انا زمرده المُتمرده وآدي ردودنا

احمد سكر قال
**********
وهل لى غير حبك

وهل احيا دون عشقك

حبيبتى لا تكونى قاسية على قلبى

وارحم لوعة حبى

وبقربك خففى من المى

نعم فأنا فى بعادك اتألم

اقسم لكى انى اتألم واتالم

واتجرع يوميا من كأس فراقك

اتجرع يوميا كؤس العذاب

اتجرع العذاب الوان

حبيبتى ارحمى قلبى المشتاق

حبيبتى احبــــــك

نعم احبـــــك ولم اخجل فى ان اقولها ذليل

فكفى بى من ايام كنت بها عليل

واعاهدك انى لكى ساصون

ولكى سأكون ذلك العاشق المجنون

ولعيونك ساكون دائما المفتون

تعالى نبعد عن هؤلاء الحاقدون

الذين يوما فرقو بيننا بعد ان كنا اسعد عاشقين

تعالى نبدأ صفحة للحب

نرويها بعشق ودأب

نرويها اخلاصا وحب

صفحة تظل خالدة داخل القلب

حبيبتى احبــــــــــــك



*************
جه وقت ردي انا...اهوووو
*************

حبيبي يا من أحببتك

أمازلت تهواني؟

افارقت نسياني؟

أصدقاً كلماتك؟

أحقا لوعاتك؟

أرى دمعاتك

تحرقني ذلاتك

أتألم في بعادك

اتعذب من عذاباتك

كم احببت اشتياقك

كم انتظرت لمساتك

كم ناجيت طيفك

كم طال ليل انتظارك

كم طيبت علاتك

كم ابحرت في عينيك

احرقت فيهم أشرعتيّ

وبعت فيهم ماضيّ

أغرقت أحزاني

وإليك فتحت أحضاني

من أجلك خاصمت مُعجبيّ

ولأجلك تناسيت مُحبيّ

أقمت لهم بساتيني أشواكاً

وأعتمت لهم ضيّ بسماتي

وأنذرت الساع ِ لدقاتي

وكحلت عيوني بنيراني

وجندت جميع حُراسي

كل ذلك من أجلك حبيبي

وما كان منك غير دمعاتي

وظنونا أدمت نبضاتي

نيران شك اغتالتني

نظرات قسوة أبادتني

جعلتني شجرة عاريه تتفحصها العيون

حكاية عشق يتناقلها المحبون
...
...

زُمُرُدةُ يشتهيها الطامعون


أميرة بلا حارس يصون

فاتنة يُغويها العاشقون

أو ذلك ما ابتغاه الحاقدون؟

ولم كنت لهم من السّماعون؟

حللتَ غزل السُنون

ولم تسأل قلبك المفتـُون

عن حبيبة اسقتك حبها بجنون

واذاقتك العشق رغم الظنون

وعاهدتك دوما أن لن تخون

ومازالت تتعطر لك بهمسات الحنين

تأمل أن تـُطيب قلبها المسكين

وتـُسكن نبضات الشرايين

زارعا الورد والفل والياسمين
*******************
تحديث 1: فرحت جدا جدا بتعليق وصلني
رغم ظروف النت اللي تصادف مع البوست
وهو تعليق الفنان الرومانسي الحساس اوووي
د.عمرو فاروق الشهير ب
واسيبكم مع تعليقه الجميل اووي
*******


كثر الكلام


ما بين حب وملام


هوا ما زال يهوى


ام انه هجر الغرام


وهى مازالت تتألم


ما زالت تحلم بالماضى


مازالت ترجو المستقبل


ان يصبح فى يوما ماضى


فالخوف صديق لازمها


فى لحظة ضيق


والخوف صديق


فى لحظة فرحك يبكيك


هى حقا تهوى


لكن الحب المجنون يعذبها


والشك رسول


يهمس دوما ان من راح وتركها


لم يهواها


عشق هواها


وتسلى يوما وحين مل


تركها ونساها


القلب يعاند فى الم


ويقول اصدق دقاتى


فحبيبى ماضى هو اتى


سيعود يصون عهود الحب


يعاهدنى حتى مماتى


وهوا مازال يحدثها


ان الحب بداخله


بركان ثائر


يهمس فى اذنيها ان ترحم


قلب حائر


عشق الحب على قدميها


عصفور طائر


يطير يطير يجوب الدنيا


ليعود على كتفيها


وينام


فرغ الكلام


والسلام ختام

----------------------------

تحديث 2: عجبني رد ميرا المصريه

وتعليقها ع البوست وقررت اضيفه

واتمنى يعجبكم

*****

أميرتى:
لولا ارتياب نظراتك

لما عرف القلب طعم الاخفاق


لولا أنتظارك له

لما عرف طعم الأشتياق


لولا فرحه عينيكى

لما كانت لهفه اللقاء


ولكن
...
لولا إرتوائك من الامك

لما وصف الصبر بالاحتراق


لولا شده حبك له

لما احترقوا من جفائك العشاق


وان كانوا يلتفوا بأسوار مملكتك

متلهفون لأطلاله..لنور صباحهم الاشراق


لولا لهفتك عليه

لما عرفوا لقصتهمالعذاب والفراق


عزيزتى
:
لولا انك الأميره

لما كان الفارس على الجواد


لولا حبك له

لما كان هو فى الفؤاد


عزيزتى...لا تريت
!!
فإنك تغزلين عقد ثمين


فبرغم الامك واحزانك

إلا انك بالكاد تصلين


بقلاده سحريه قليله مع الاخرين

ماسات تصلينها حتى تصبحين


ملكه متوجه لما اّتى من سنين

فعقدك من
:
اخفاق النبضات

جموح النظرات

لقاء بالفرحات

الاخلاص له
..
مهما كانت الاغراءات


عزيزتى
:
فعبد جوهره قلبك تحتاجين


فارس على ابيض الجواد


وليس فارس يهوى البعاد


لاميره اليوم وملكه ماهو اّت

Sunday, December 7, 2008

عيد سعيد ويا خروف العيد




كل عام وانتم بخير وربنا يتقبل منكم صالح الاعمال

ويجمعنا سويا في الفردوس الاعلى

اتمنى لكم

عيد سعيد

ويا خروف العيد

تبقى الصحه حديد

والفرح يزيد
والعمر مديد
------------------------
فين عديتي
حته لحمه ولا ورك خروف
هههههههههههههههههه

Saturday, November 22, 2008

دوامه



دواااامه بتلف بينا
غصب عنا مش بإدينا
لا قادرين نفضل ونتحمل
ولا عنها نستغنى ونكمل
قدرنا نفضل نتألم
والصمت جوانا بيعلم


*******

*****************

كان نفسي انزل بوست سعيد بس

حتى المسوده مش راضيه تطلع حاجه

فيها ريحه الفرح
--------------------------
تحديث::: البوست ملوش اي علاقه بصحتي
لاني الحمدلله بخيييييير

Monday, November 17, 2008

مبروك لمصر






مبروووووووووووووك لمصر وللنادي الأهلي كأس افريقا




وعقبال كأس العالم........أه كل شيء ممكن




ولا الاحلام كمان بالطابور




طبعا مفتنيش اصور بعض مظاهر احتفال السكندريين بالفوز




ومفيش احسن من شط البحر يحتفلوا عليه




المفروض كان ينزل البوست امبارح




بس النت ربنا يخليه لينا حرمني




اسيبكوا تتفرجوا وتقولولي رأيكم


*****************

شكر خاص وكبييييييييييييييييييرجدا جدا جدا جدا للصديق العزيز


اللي تعب جدا جدا جداويايا بسبب الفلاش


علشان ننزل الفيديوهات ومهانش عليه ينام من غير


ما يطمن وهو


احمد فهمي




وانتيمه اللي ساعدنا من غير ما يعرفني


Che ahmad


صاحب مدونه





ربنا يخليكوا ليا وميحرمكوش مني ابدا

هههههههههههه


































Tuesday, November 11, 2008

الحمدلله





مش عارفه ابدأ منين


بس انتم وحشتوني جدا جدا جداااااااا


محتاره اوووووي


يمكن المدونات مش مكان ننقاش حياتنا الشخصيه


بس يمكن يكون حقكم عليا اقول انا فين


وسبب غيابي خصوصا اني باينلي قلقتكم عليا اوووي ولسه هغيب شويه


وآدي الحكايه...ومش عايزين قلق ودموع
إطلالالالالالالالالالالاقاً
علشان مزعلش وانا زعلي وحححححش


قدر الله اني اعمل عمليه جراحيه وتنجح


بنسبه 50% (الحمدلله على كل حال) ومقدرش آجي اطل عليكم


ولا ازوركم وده تاعبني اووووي


والحل اني هعمل عمليتين تانين غالبا


(الحمدلله....لاني بشيل من سيئاتي وبزود رصيد حسناتي)
انا بخير وسعيده وناقصني الاقيني بينكم


ياريت تعذروني لاني مش هنزل بوستات غير


لما اكون قادره ازوركم واعلق وارد على تعليقاتكم


وبجد كل اللي سالوا عليا مش لاقيه كلمه شكر ليهم توفيهم حقهم


بس اقدر ادعي ربنا يقدرني اكون جنبهم دايما


ويرضيهم ويجمعنا في جنته


والى لقاء قريب باذن الله


زُمُرُده

Tuesday, September 30, 2008

عيد فطر سعيد

كل سنه وكل المدونين بخيروصحه وسلامه
وربنا يتقبل منكم ومنا رمضان ويبلغنا رمضان مقبل
بتمنى حال الامه الاسلاميه يتغير للاحسن
وربنا يجعل لينا دور كبييييييير فيه
ياااااااااااااااااااااااااااااااااااااااااارب
العيد فرررررررررررررررررخه
هههههههه
يلا العيديه أهي
كل واحد ورقه واحده بببببببببببس
انا شيفاكم


وأخيييييييييييييييييييييييييرا

كحك العيد
كل سنه وانتم بمليووووووووووووووووووون الف خير
ودايما قلوبكم صافيه ومليانه حب وخير وأمل
اتفضلواااااااااا


Tuesday, September 9, 2008

عدت سنه

بوست روعة الإحساس
_______________

*****
عمرك جربت الإحساس ده
تبقى لوحدك من غيره
قاعد بترتب هدومه وتحط فنجانه
ونظارته وحاجاته
تشم أنفاسه ويغمرك عطره
يملاك دفأه وتحن لعطفه
ياخدك الحنين ويرجعك سنين
تلقاه وياك تاني في نفس المكان
تضمك نظراته وايديه بتملس على شعرك
وشفايفه بترسم حنيته على خدك
تسمع كلماته تدوب في حروفه
ويسكنك عشقه.. يحوطك الحنان
وتملك الأمان في حضنه
تنسى الزمان والمكان...تعوم في حبه
كل لحظه يوحشك اكتر واكتر
تعبيرات ملامحه تملى عيونك لحظه
وتووه سنين وترسى تاني على شطه
وتفتح عيونك.....تلقى هدومه جوا حضنك
!!!راااح فين؟؟ معقوله كان هنا
ولا ده طيف..!! معقوله يسبني بالسرعه ده
أبداً...ده أكيد راح يجيبلي هديه
مهو مش معقوله يكون راح تاني
أصل اللي بيروح مره مبيرجعش تاني
استحاله يقدر على القسوه والبعد
ده هو نبع العطف والحنان
وإزاي يسبني شريد !!...في الدنيا وحيد
ده أكيد زياره سريعه....تصبيره ليوم اللقا
ده وحشني أوي...تعبيرات ملامحه لسه بتعاكسني
لسه سمعا رنة ضحكته
لسه بتنفس أنفاسه ..لسه دفء لمسته
لسه نار حبه في عروقي ساكنه
لسه بتداعبني همساته...ده لسه وحشني مووت
بيزيد عليا الشوق...ويغلبني موج الحنين
اضم نظارته وفنجانه وأبوس هدومه
وأجري أدور على كل ذكرى في كل شارع
!!يمكن.... يجييني تاني
هنا ضحكنا........وهنا بكينا
هنا لعبنا.......وهنا غنينا
هنا هزرنا ....وهنا دموعنا هزتنا
هنا عاكسني....وهنا ضمني لحضنه
هنا خاصمني......وهنا صالحني
...هنا وهنا وهنا
وترميني موجه ورا موجه.. لموجه
وألف شوارع شافت حنيني له ..شافت فكري بيه
شافت قلبي بيدور عليه....شافت لوعة عيوني
شافت حزن فتتني....شافت رحله هدتني
شافت سواد الدنيا في عيوني ...لحظة ما يخاصمني
عرفتني الأماكن وعرفته.....شافتني ولا شافته
قالتلي : خلاص.... ما لكيش غير جنة الذكريات
ودعوه لرب العباد...يرحمك من كتر السهاد
!!!!!!ويقربك لحبيبك في جنة الخلد
خلاااااااااص يا عطر الحياه وشمس الأمان
خلااااص يا أغلى ما في الوجود
هتفضل في دمي وأنفاسي
هتمسح دموعي
هعيش بيك..وأستنى ألاقيك
في كل مكان وزمان
حتى تجمعنا الفردوس الأعلى
يارب العالمين


*****
الحمدلله
*****

الزمان: 2007/9/9


التوقيت :12 ظهرا

المكان: الاسكندريه - في سيبر ما


الحدث: كانت البدايه من 365 يوم


يومها اخدت القرار ونزلت اول بوست وكان بعنوان روعة الإحساس

(اللي قريتوه فوق)
كان جويا افكار كتييييييير ومشاعر اكتر بكتييييير


وتساؤلات اكتر واكتر ...أهمها ، هل ممكن ييجي يوم ويتلامس عالمنا الخيالي بواقعنا؟؟


وده أجمل ما حصل


يومها وبالضبط الساعه 1ظهرًا ل 1 ونص تقريبا


الجو قلب فجأه وتشششششششش


مطر آآآه والله مطر جامد كمان وفي سبتمبر


حسيت إن السما والكون.. ويايا فرحانين بيا


هتقوله مجنونه...وماله


مش انا كنت مزأططه بالشتا


وقضيت الوقت كله تحت المطر


أتاري حبات المطر كانت شيلالي أفراح كتييييير وأحزان كتيييييير



وصداقات وتفاعلات مع مدونين كتييييير


بحبكم أوووووووي


وانتم أملي في بكره

********************
تحديث : بعتذر اني اتاخرت في الرد عليكم في البوستين اللي فاتوا
والحمدلله رديت خلالالالالالالاص

Saturday, August 30, 2008

مفيش فايده



بيجي الحزن بنعيش فيه.... ونرضى غصب عننا بيه


مفيش فايده هنتألم .... هنتعب لما نتكلم


ولازم نرضى ونسلم ..... ولو في قلوبنا نار قايده

Sunday, August 24, 2008

أصعب كلام



ماهو أصعب كلام يُقال؟؟
الحب ...الغدر...الفراق...الرحيل...الغرام...المجاملات
...النفاق...العشق...الوله...الكذب...الصمت
قالوا زمان اذا كان الكلام من فضة ... فالسكوت من ذهب
وده أصعب كلام

قالوا ... تكلم حتى أعرفك
وقالوا ... تكلم إذا اشتهيت الصمت ،واصمت اذا اشتهيت الكلام
الصمت بيضفي نوع من الغموض على الشخصيه
وساعات حكمه و وقار ... واحساس بالترقب والتيقظ لمن ينتظر الحروف
كتير بيكون الصمت صفه أو طبع أو تطبع أو حاله
ياترى ليه الصمت أصعب كلام؟؟؟؟
لأن البعض يصمت عند الألم ... الغضب ... الحب ... الخوف ... الحزن
كثيرا ما تلمع أعيوُنُنا بالدموع الراقصه ونجاهد لنخبئها في سراديب الجفون
ونرسم أروع البسمات ونطلق الضحكات وننشر البهجه في الآفاق
ونحفر صمت الاحساس
وما أن ننزوي للحظات ... فتداعبنا الآلام و الأحزان
هذا جرح حبيب ... وهذا غدر صديق ... وهذا فراق عزيز
وهذه اساءة أخ ... وهذا ظُلم عادل
وهذه خيانه ... وهذه لامبالاه
... وهذه اساءه وهذه طعنات
و...و......و......و....و......ونصمت

ولم نصمت؟؟؟؟
أضعف منا ... أم اساءه تصرف؟؟؟
أم عجز عن رد فعل سريع؟؟؟
أم قلة ثقة بالنفس والتشكك الدائم؟؟؟
أم قوه قادرة على رد الفعل..يحكمها عقل واع؟؟؟
أم خوف ممن جرحونا أن يزيدوا الجراح؟؟؟
أم تراه ذلك القلب المحب النابض؟؟؟

أتخشى يا قلب أن تعاتب أو تلوم؟؟؟ فيصيبك جرح أخر
أو تصيب أحبابك بلومك وعتابك فتألم مرة أخرى لألمهم؟؟؟

كثيرا ما ترتجف الكلمات على الشفاه وتتحجر الدموع
وتتجمد كل المشاعر والاحاسيس
وتشعر بأن شيئا يتساقط داخلك رويدا رويدا حُطاما ً لا تقوى على حمله
فإذا شعرت أن قلبك أضعف من أن يحتمل مزيدا من العذاب والألم
وفقد قدرته على الابتسام والمرح...فاصمت
واخطف قلبك سريعاً وانزوي بعيداً وابكي كثييييييييييراً
وافرغ آهاتك وأناتك
وعد من جديد ... بقلب ينبض دفئا ، يفوح مرحا ً سعيد
ليضم من الأحباب الكثير ويداوي من جراحهم العديد

*******
زُمُرُده
*******
تحديث: *اتمنى اعرف رأيكم في شكل المدونه
البوست لا يعبر عن حالة فرح او حزن**
هو مجرد رأي شخصي

Saturday, August 9, 2008

طلب اجازه

ازيكواااااااااا


يلا غمضوا عنيكم


وسموا بالله واضغط اللينك


لقراءة البوست


طلب اجازه


واضغط لتكبير الصوره


وزي العاده الاغنيه مهداه مع البوست

......

تحديث: أغنيه ... راحل ومفارق الأحباب ... لعمرو دياب


حساها اوي الاغنيه دي

Sunday, July 13, 2008

دنيا دايره


حساها اوي الاغنيه دي

يوم يجر أيام
والدنيا تابوت مليان
جراح وعذاب وآلام
ما عرفت ليك طعم
غير الغم وشيل الهم
والألوان بقت أحلام
دُنيا سايره من غير لجام
ثار سُكاتي ونفسي اتكلم
فيها الشوك ملا كل مكان
والفرح ودعني من زمان
البسمه على شفايفي احتضرت
والدمعه في قلبي سكنت
والحرقه ويايا ما فارقت
وبعدهالك يا سنيني
تعبت من لهيب دموعي
مبقتش قادره اتحمل
وخلاص مش عايزه اكمل
في غابه كلها ديابه
عايشه على الغلابه
بالسُلطه بقت سلطه
وضمير اغتالوه بواسطه
دي بُكره تدور الدايره
على كل نفس جايره
وديتها كفن في تربه
ورحمات عنها مفارقه
حسبي الله ونعم الوكيل
معرفش غيرها مداويه


*********

كأني طير مقصوص جناحه قصّ

قلقان ومش شبعان نظر ولا بصّ

وإزاي يطير والكون بحاله قفصّ

قفص وله أبواب مقفوله

ما بينه وبين الأحباب
م.منير..............................

Saturday, June 28, 2008

*فُراق مكاني *






سلالالالالالالالالالام يا بحر

هتوحشني اوووووووي

مكتوب الفراق

كل الأحلام سراب


******

تحديث : تم فتح التعليقات لأنه واضح ان البوست قلقكوا

شكرا على اهتمامكم

يلا عايزه تعليقات سخنه

كل تعليق بفسحه على شط اسكندريه

Sunday, June 22, 2008

وعوووود







من الردود الجميله اللي عجبتني اوي في بوست بقايا زُمُرُده(1) كان
تعليق
احمد سكر وأنا قررت انشره وانشر ردي عليه
اسيبكوا بقى وياه

*****

وهل فى بعادك راحتك
وهل ستسعدى بالاامك

سيدتى
ارجوكى لا تبتعدى

لا تختارى الرحيل من قلبى

لا تبعدى من تحت سمائى

سيدتى احبك
نعم احبك واحبك واحبك

بل اعشقك حتى الثماله

لا تحاسبينى على ايام كنت انا فيها ضائع

ايام كنت فيها تائه
لا اعلم من الحبيب من الحقيقى

لا اعلم من عشقتنى عشق حقيقى
سيدتى ارجوكى

لا ترحلى ولنبدأ معا طريقا جديدا
طريقا للامل

طريقا للحب

طريقا للحنان
واعاهدك بقلبى ان تكونى انتى كل ذذاتى

******
سكر

******
وده ردي عليه

******

الآن تتساءل وتنهار

تناجي قلبي المحتار

وتسألني الاقتراب
لأتجرع آلام العذاب

بك خاصمت فرحي
واستعذبت آلامي
بك فنت راحتي

وصاحبت وحدتي

والآن تتوسلني البقاء
بمبرراتك الزيفاء

تُعلن حُبا قد ملكك

تنشد قلبا قد تركك

يا من كنت اتنفس انفاسك
وتحترق وجناتي بنظراتك

وتضطرب حروفي بلمساتك
واتلهف لأشعارك

أ ُصبح وأغفى على همساتك

الآن تسألني الطريق..؟
وأي طريق هذا ..؟

طريقا لدموعي وآمالك
طريقا لحبك وحنانك

تعاهدني بقسوة قلبك
تُعلنني سيدة ذاتك

كم أخشى أن تنثر بقاياي وتتلاقفها العيون

وتٌصر أنك لن تخون

فليكن ما يكون

إليك أعلن قراراتي

وعليك النزول لرغباتي

إحييني بصدق العيون

وارويني من عطش السنون

وغفيني بين الجفون

واسحرني بألوان الجنون

وعدني بأن تصون
****
زُمُرده

Friday, June 13, 2008

(2)بقايا زُمُرُده





ازيكوا يا حبايبي يا حلوين والله وحشتووووووني اوي اوي
ونفسي في وقت كتييييييير وآجي ازور واحد واحد
بعدت لأسباب مش كلها غصب عني
ومش معنى كده اني رجعت ههههه
بس أهمها

اني اتصدمت في ناس كتير في عالم التدوين
بالإضافه إن ظروفي الحياتيه ملخبطه حبتين
شويه الشغل وضغطه وشويه لما سبته ونفسيتي
وشويه في مكان تاني

والأهم إني فاضيه 10 ساعات في اليوم
مفروض اقوم بكل احتياجات البشر فيها
بالإضافه للمذاكرهوما أدراكم ما المذاكره
وإني أنزل بوستات وارد على التعليقات وأزوركوا
واقرا زي ما اتعودت للي بين السطور واعلق باستفاضه

واصل اللي يوصلني واللي يبعد كمان لأني بحب كده
وللاسف وقتي الضيق أثر جامد وناس كتير نسيتني
بس انا لسه فاكره
اما اللي افتكروني واطمنوا عليا مفيش كلمة شكر توفيهم حقهم عندي
وربنا يقدرني أكون جنبهم دايما
وللاسف جيت على نفسي وصحتي كتير
وكتير مقدروش وكتير ميعرفوش وزعلوا مني
---------
توضيح صغير ع البوست اللي فات
خاطبت النوم بصيغه الحبيب علشان اترك مجال اوسع للخيال
ولأن مفيش حد مش بيحب ينام وساعات بيحمله سعاده اوامل في بكره
وساعات بيهرب بيه من النهارده
وفي عز الضلمه بيجافينا النوم
ولما نستنى فرحة بكره يهرب منا ويطول الانتظار علينا
اما الالوان للفت الانتباه والتاكيد على معان حملتها الحروف
واظهار التناقض والحيره
أما بقايا اللي ضايقت ناس كتيييييييييييييييير
مش كل البقايا بتكون صالحه ومش كلها طالحه
ربما ما تبقى خليط من كلاهما وليس بالضرور ه أيهما
ممكن نقول لحظه حزن اتمنيت اكون انسانه اخرى
بدون مميزات ولا نقط ضعف ولا حسنات
مجرد ذكرى انسان

---------------
التعليقات رديت عليها
متاخر اوي ....بس السبب ضيق الوقت
في تعليقات كتير عجبتني واثرت فيا
واخترت ارد على م/ احمد سكر بطريقته في التعليق
بس ده البوست اللي جاي باذن الله
والتاجات بعدها لو في العمر بقيه
سلام يا حلوين

Sunday, April 20, 2008

(1)بقايا زُمُرُده


...أرجوك

دعني وشأني

ارحل عني

اتركني....لاتزد مُعاناتي

يكفيك إلحاحاً يُؤرقني

أنفاسك ما تزال تُؤلمُني

ما عادت مُراوداتُك تجرفُني

ثق أني أملكُني

وأنك لن تُغويّني

فقد أدرك قلبي طريقي

وامتلأ عقلي بيقيني

فاليوم أ ُحدثك أنبائي

بأني سأرافق أحزاني

وسأقبع وحيده مع آلامي

أتجرع كأس دمعاتي

وأ ُحجّر بالقلب دقاتي

أروي الليل بيأسي

أ ُجفف براعم صبري

ابتعد عني...لا تُهاجمني

فكم تمنيتك ليالي

وسهرت أ ُناجيك بكياني

أسألك أن تنير حياتي

وتخمد ثورة لوّعاتي

واليوم جئت تبحث عني

لتغفو بأحضان جفوني

لتُنعش بقايا خيالاتي
لتغمُرني بعالم أحلامي

أتبغي يا نوم استسلامي

لأتعلّق بريشات آمالي

وأُبحر في نهر حيرتي

يُوقظُني صوت كسرآتي

كلا...كلا...دعني وشأني

لن تكون يا نوم رفيقي

لن انتظر شمس نهاري

سأصاحب ليلاً يعرفُني

وأ ُقيم تمثال بسماتي

مصحُوبا بلافتة ذكرياتي

وعليها اكتب بدمائي

هنا....ترقد.. ضحكاتي

*******
بقايا زُمُرده

Saturday, April 5, 2008

وللنساء دور فعال

****لن يغير الله ما بقوم..حتى يغيروا ما بأنفسهم****


المكان


الحضور

المفروض للسيدات فقط
ولكن في الفديو كله بان



شعارنا







اليوم 5/4/
2008

اجتمع جمع خفير من النساء والفتيات في نادي المحامين بالاسكندريه

لنقول لالالالالالالالالالالالالا للغلاء

لالالالالالالالالالالالا للظلم والحرمان

كفايه يا حكومه كفاااااااااايه

غدا موعدنا في الاضراب المتفق عليه

في محرم بيه والحقانيه

وأكيد الليل هيخلص

والشمس من تاني هتنور