أوقات كتير بحس اني
عايشه في بيت غريب
بيت من زجاج
بتفرج على كل شيء
بشوف كل المشاعر والأحاسيس
بلمس الحزن في وجوه الناس
وانقب عن الفرح في طيات قلوبهم
بفرح واحزن واتألم وياهم
بتحلل وادوب بين ذرات الزجاج
اعبر للعالم التاني
اشاركهم الأماني
واطبطب عليهم في المآسي
واحوّش دموعهم جوا قلبي
اللي عمره ما بيبقى قاسي
وساعات اجري استخبى
استتر من كل القلوب
يتصلب الزجاج
يتحول لفولاذ يعكس الاضواء
برغم انه لسه شفاف
تتجمد الدقات في الضلوع
يجف عطر التواصل
وتدبل الحياه جواه
بعيون بلاستيك وموميا قلب
اتابع الأحداث وتستمر الحياه
37 comments:
ياقهلا ياقهلا
عودا احمد ان شاء الله
ايوه كده ارجعي زمرده المتمرده
-----
الناس اللي بتبقى خدومه وبتحب تساعد وتسمع غيرها .. عادة ماتكون اكثر الناس صمتا لما بتبقى الحياه معاها مش متظبطه
نصيحتي ليكي
اتكلمي وفضفضي
وياستي كلنا آذان صاغيه
سلامووووووووووووز
كلنا نفس الاحساس ده
ابدعتى ف الوصف
الخوف الزجاج يتحطم
ويصيبك انتي
وساعتها لا هتشوفي الناس
ولا هتقدري علي الالمك
عموما الفكره والكلمات جميله
احيكي عليها
وساعات اجري استخبى
استتر من كل القلوب
يتصلب الزجاج
يتحول لفولاذ يعكس الاضواء
برغم انه لسه شفاف
تتجمد الدقات في الضلوع
يجف عطر التواصل
وتدبل الحياه جواه
بعيون بلاستيك وموميا قلب
اتابع الأحداث وتستمر الحياه
جميله يا زمردتي
عارفه تحسي كده إنها من القلب
تسلمي يا لولو ع الكلمات دي
رائع
.............
بلمس الحزن في وجوه الناس
اشاركهم الأماني
واطبطب عليهم في المآسي
واحوّش دموعهم جوا قلبي
.............
الابيات دي رائعه
بجد
كلنا بنتارجح بين ده وده بين عشق الزحمه والاستماع لمشاعر ومشاكل الناس واحاسيسهم وبين الرغبه فى الانزواء بعيد
اول زياره ويارب اقدر انى اتابع المدونه الجميله الرقيقه دى
عايشه فى بيت من زجاج
حلو التشبيه
بس فكرتينى بمثل
بيقول اللى بيته من ازاز (ميقلعش فى الصالون )
هههههههه
بجد كاتبتك مميزه وطريقتك فى اختيار الكلمات معبره
وياريت تفضلى تفضفضى كده على طول
تحياتى
علاء
حلوة الحاله دى
انا بسميها شفافيه
ان شخص يكون عنده من القدره الى بيها يفهم احاسيس الناس بالشكل ده
دى حتى اعلى من الفراسه
البوست جميل
وانتى مشاعرك جميله جدا
تحياتى
ولية يا زمردة نشوفهم من جوة الزجاج
يمكن لو شاركناهم وحسسناهم بمشاعرنا هيكون دا احسن لينا وليهم
صديقتى العزيزة زمردة
تستمر الحياه نعم تستمر بحلوها وبمرها باحسانا بالغير وباحساسهم بينا فعلا بيكون بينا وبينهم طبقة شفافة زي الزجاج نقدر نمر منها زي شعاع النور واوقات كتير منقدر
اوقات كتير نكون احنا وقلوبنا عبارة عن ممياوات تحتاج لروحها من جديد
انها المعنويات يا صديقتى كثيرا ما نحتاجها وكثيرا ايضا ما نفقدها
اتمنى لكي التوفيق
تحياتي
سيد سعد
زمرده
انه هذا التأمل حقا ياله من احساس
يذيب قلوبنا لما نلمسه من حزن فى كل العيون
ونسمعه فى همس الاصوات
اوقات اكره تلك اللحظات التى تاخذنى لبعيد لاتامل كل ماحولى
اتعذب حقا ويجن عقلى ولا ادرى ماعلى ان افعله سوى
ان اتأمل
بيت زجاج هلى تظنين ان علينا الخروج منه للحياه نفسها؟
لا ادرى حقا
تحياتى وحبى لكى
ياريت نعرف نتواصل ان شاء الله
العزيزة زمردة
إنها حقا ثنائية الشفافية والإعتام، الصدق والكذب، أبدعت كلماتك في رسمها لنا. مزجك بين اللغة المصرية واللغة العربية مزج موفق متجانس لم اشعر فيه بأي غربة لغوية.
عميق تحيتي وخالص مودتي
ضياء
وساعات اجري استخبى
استتر من كل القلوب
.......
رغبة مُلحة .. تسيطر علينا
لما نلاقى انه مفيش فايدة
نجرى نستخبى
كأننا بنخاف
حتى من القلوب اللى بتحبنا
بس أجمل حاجة
انك رجعتى تانى هنا
تحياتى وحبى
بجد بجد
خلتيني احس بالكلام اوي
و كأن انا اللي كاتبه
بجد اسلوبك راقي
جميل و بسيط و ده حلاوته
و في انتظار جديد
بجد الله عليكى
جسدتى لحظات كتيره اوى فى حياتى بكلماتك
كنت كل ما اقرا جملتين اقول انا هقتبسهم عشان اقول انهم هما دول اللى لمسونى اوى ولما خلصت لقيتنى مش عارفه اختار كلمات معينه
بجد بجد ماشاء الله وصفك كان دقيق اوى
ربنا يسعد قلبك ويكتبلك كل خير
هاى زمردة
الكلام مجسد حزنك بطريقة واضحة جدا .. كنت عايز أخد بخاطرك
بس حاسس ان ده شعور عام عند الكل .. حاليا انا كمان كده
والا يمكن دى أعراض أواخر الشتاء
*** Soooo***
مين احمد ده
ههههه
متمرده ...مش في كل شيء
اتكلم ....اخرج اللي جوايا
حاضر
بس عارف النتيجه ايه
ان الناس اللي بتفتحلهم قلبك واذنيك وتسمعهم
بيكونوا اول ناس تسد اذنيهم عنيك
هاااات موووز
*** د/اجدع بنوته ***
الحمدلله مطلعتش لوحدي
اشكرك على زياراتك الجميله
*** mohand ***
متقلقش لو الزجاج اتكسر هيصيبني قبل اي حد
وألمي هستحمله لوحدي
ولما اكسر الزجاج
هترجع ريما لعادتها القديمه
اشكرك
*** Salwa ***
تسلميلي ع كلامك الجميل
نورتيني
الحمدلله ان المعنى وصل
اشكرك يا عسوله
*** أنا إنسان ***
اشكرك بجد
الحمدلله ان المعنى وصل
بس الانسان بس هو اللي بيحسه
اشكرك ايها الانسان
*** رئيس جمهوريه نفسى ***
لا اعشق الزحمه
لكني اعشق مشاركت الناس احزانهم قبل افراحهم
لأنهم غالبا بينسوني في فرحهم
ولما افقد القدره على العطاء اكيييييييييييد هبعد بعيييييييييييييييد
*** عايش ولكن ***
ضحكتني يا علاء
البيت بيتك اتفضل دايما
وعلينا الساقع يا سيدي
ليست الفضفضه امر سهل اطلاقا
اشكرك ع كلامك الجميل
نورني دايما
*** momken***
كلامك جميل اوي
بجد فرحني جداجدا
وأثر فيا اووووووووي
ساعات بحس الدنيا والناس شفافه حتى قلبي
وساعات معتمه لاقصى درجه
اشكرك
ومتحرمنيش من رأيك دايما
*** مصراوي أوي ***
مين قال اني مبشاركش
انا بشارك وبحس وبتفاعل
بس لما بفقد القدره ع العطاء
او بتجرح من الناس
بجري استخبى واتابع من بعيد
وارجع تاني
نورني دايما
*** MKSARAT SAYED SAAD ***
صديقي العزيز سيد سعد
انت جبت المفيد بالفعل
زي شعاع نور ساعات يمر وساعات لأ
معنويات يتحكم فيها ابطال حيلتنا وغيرهم
متحرمنيش من رأيك ابد ابد
*** ra7eel ***
صديقتي الغاليه
اعتقد اننا لازم نخرج منه ونعود
في الوقت المناسب
خصوصا عندما نشعر اننا نحمل مشاعرنا اكثر مما تحتمل
تأملي وشاركي وداوي وخففي
واول ما تفقدي القدره ع التحمل او تقل عووووووودي لبيت الزجاج
اشحني قلبك ومشاعرك وتابعي من بعيد
ثم
عووودي من تاني
اكيد في وسيله للتواصل
*** Dr. Diaa Elnaggar ***
نورتني من جديد
اشتاقت مواضعي لتعليقك ورأيك المفيد جدا
رقصت بين اللغتين وتمنيت ان تكون مستساغه
اشكرك بشده
*** كاميليا ***
حبوبتي كامي
عندك حق اوي
بنستخبى من القلوب اللي بتحبنا ومأثره فينا
اشكرك يا كامي
شوفتي مقدرش ابعد
و لما تستمر الحياه يرق الفولاذ و يعود لسابق عهده فيشف و يتحول لجسر تواصل مرة أخري
فتمر المشاعر الجميلة دخولا و خروجا
هكذا هي القلوب الرقيقة
بتحس قوي بكل شيء
وتتأثر أكتر من غيرها على قد احساسها
و الوجع جواها يزيد فتنفصل عن الاجواء
لكن جواها قدرة عجيبة في اصلاح كل شيء
أنا متأكده من ده جدا
:)
*** DoMaLaYs ***
اخجلتم تواضعنا
تحمر وجنتي خجلا
ياسيدي نورني دايما
يا زميلي
الحمدلله انه وصلك وحسيته اوي
شرفني دايما
*** ساعه الغروب ***
رودي
يا مدوخاني
بجد فدت الكلام
اقولك ايه بقى رد عليك
وش احمرررررررررررر
المهم انه لمسك وحستيه مش مهم الباقي
متحرمنيش من رأيك
وحشتيني
*** حازم سويلم ***
لالالالالالالالالالالالالا كله إلا الشتا
بالعكس انا بفرح واستمتع اكتر فيه
غصب عني احساس الحزن اتسرسب مني
معلش بقى ادينا بنشارك بعض
متحرمنيش من رأيك ابدا
عايشه في بيت غريب
بيت من زجاج
وتدبل الحياه جواة
بعيون بلاستيك وموميا قلب
اتابع الأحداث وتستمر الحياه
****
زمردة مااقوى تعبيرك
ومااصعبة بحثتى عن مكنون كل القلوب
وعبرتى عنها اجمل تعبير
دمتى صديقتى
رندا
***** Hannoda *****
هنودتي
عارفه كلامك عامل زي بلسم
ساعات بتمنى افقد الاحساس
بلاش اتعذب
بلاش افرح
عندك حق هي دايره الفولاذ يرق ويعود
وتشتد الدنيا عليا وارجع تاني فولاذ
وتستمر الحياه
ساعات بشك في القدره العجيبه اللي بتقولي عليها
وساعات بشوفها حقيقه مش خيال
وحشتييييييييييييييني
*** رندا ***
اهلا اهلا بالحلوين
نورتيني
مبسوطه بيك اوي
احرجتيني بكلامك
ده انا يدوب عبرت بكلمتين
هي القلوب اللي بتحس كده
جميلة أووووووووووي
عبرتي عن الحالتين بطريقة رائعه
و بصدق
أبدعتي بجد
جميل إنك تحسي بالناس
و بأحزانهم
تعيش معاهم تمسحي دموعهم
و تفرحي وياهم وقت فرحهم
لكن ساعات بنكون محتاجين
نبعد عنهم
مش عشان بنشيل همومهم
بنخاف ليحسوا بجروحنا
و يتعبوا و تنزل دموعهم
----
مااااااااااا علينااااااااااا
:)
----
بس فيه بعض كلمات بسيطة
ممكن تستبدليها
عشان تمشي الكلام كله عامي
:)
إحترامي و تقديري
:)
Post a Comment