ازيكوا يا حبايبي يا حلوين والله وحشتووووووني اوي اوي
ونفسي في وقت كتييييييير وآجي ازور واحد واحد
بعدت لأسباب مش كلها غصب عني
ومش معنى كده اني رجعت ههههه
بس أهمها
اني اتصدمت في ناس كتير في عالم التدوين
بالإضافه إن ظروفي الحياتيه ملخبطه حبتين
شويه الشغل وضغطه وشويه لما سبته ونفسيتي
وشويه في مكان تاني
والأهم إني فاضيه 10 ساعات في اليوم
مفروض اقوم بكل احتياجات البشر فيها
بالإضافه للمذاكرهوما أدراكم ما المذاكره
وإني أنزل بوستات وارد على التعليقات وأزوركوا
واقرا زي ما اتعودت للي بين السطور واعلق باستفاضه
واقرا زي ما اتعودت للي بين السطور واعلق باستفاضه
واصل اللي يوصلني واللي يبعد كمان لأني بحب كده
وللاسف وقتي الضيق أثر جامد وناس كتير نسيتني
بس انا لسه فاكره
اما اللي افتكروني واطمنوا عليا مفيش كلمة شكر توفيهم حقهم عندي
وربنا يقدرني أكون جنبهم دايما
وللاسف جيت على نفسي وصحتي كتير
وكتير مقدروش وكتير ميعرفوش وزعلوا مني
---------
توضيح صغير ع البوست اللي فات
خاطبت النوم بصيغه الحبيب علشان اترك مجال اوسع للخيال
ولأن مفيش حد مش بيحب ينام وساعات بيحمله سعاده اوامل في بكره
وساعات بيهرب بيه من النهارده
وفي عز الضلمه بيجافينا النوم
ولما نستنى فرحة بكره يهرب منا ويطول الانتظار علينا
اما الالوان للفت الانتباه والتاكيد على معان حملتها الحروف
واظهار التناقض والحيره
أما بقايا اللي ضايقت ناس كتيييييييييييييييير
مش كل البقايا بتكون صالحه ومش كلها طالحه
ربما ما تبقى خليط من كلاهما وليس بالضرور ه أيهما
ممكن نقول لحظه حزن اتمنيت اكون انسانه اخرى
بدون مميزات ولا نقط ضعف ولا حسنات
مجرد ذكرى انسان
---------------
التعليقات رديت عليها
متاخر اوي ....بس السبب ضيق الوقت
في تعليقات كتير عجبتني واثرت فيا
واخترت ارد على م/ احمد سكر بطريقته في التعليق
بس ده البوست اللي جاي باذن الله
والتاجات بعدها لو في العمر بقيه
سلام يا حلوين
56 comments:
زمرده
اخباااارك ايه؟
شوفى كل فتاخد وقتها وبتعدى
المهم تحاولى انتى تخرجى بسرعه منها
ربنا يوفقك يارب
وترجعى تانى بنا على خير
تحياتى وحبى
*** رحيل***
على رأيك
كله بيعدي حلو ومر بيعدي
إلا معرفة الناس دي اكتر شيء بيأثر
انا بخير متقلقيش
مرسي يا عسولتي
ربنا معاكى ياصحبتى
وترجعى اقوى واسعد وأجمل ان شاء الله
ربنا يوفقك ويخفف عنك
الا قوليلى ياذمرده هو لسه فى ناس بتتصدم فى ناس
بيتهيألى الناس اتعودت خلاص:))
يالا ربنا يرحعك بالسلامه
تحياتى
شيماء:)
عودا حميدا
يارب ما يطول الغياب
عن الاحباب
وان طال
يكون خير من كل الابواب
الحبيبة الرقيقة
يعنى ايه رجعت ومش رجعت؟
وحشتينا اوى اوى خالص
نهون عليكى كده؟
ارجعى يا زمردة فى حضننا
انا عن نفسى محتاجالك
بحبك اوى كتير
زمرده زعلت ليكى اوى
ومش عايذ اقولك معلش وخليها على نفسك
ومش قادر اقولك ان الى جى احسن ومش عارف اقولك مش كل الناس زى الى قبلتيهم لكن تبشرى خير فينا او فلى هتحسى انو بيحبك مش عشانك لا عشان قلبك واحساسك واد ايه انتى بسيطه وطيبه مهما كان الى قابلك فى حياتك او حيات غيرك حولى تنسى وتفتحى قلبك للى جى جديد وجديد وجديد واجمل واحسن وتفائل ليه متكنش حيتنا بسيطه مليانه بجمال والحنان والطيبه ليه ميكنش المدونين قلبهم واحد مشعرهم وحده ليه ميعملش كل مدون لى الانسان الى بيحترمو يكتب اسمو فى مدونتو ويحط صورتو والتانى كذالك ليه منجمعش فى يوم ونزل بوست نشترك فيه كلنا ونعمل مثلا عند كل واحد مننا مره وبكدا نكون كلنا اسره وحده
زمرده انا بحترمك جدا جدا فوق مما تتخيلى اتمنا ليكى الهدوووء التام وراحه البال والحياه السعيده المستقله تخيلى انك فى مكان نصو جنه والنص التانى نار خليكى فى النص الى فى الجنه لكن لو جيتى عند النار هتتحرقى واكيد انتى فهما وهتفهمى مين الى قلبو عليكى ومين الى بيلعب بعئلك خلى بالك من نفسك سلام يقمر
زمرده الغالية
اية يابنتى الغيبة الكبيرة دى
وحشتينا كتير والله
وبلاش الحيرة دى عايزين نشوفك ونتأكد انك رجعتى بجد
منورة المدونة بتاعتك ياقمر
حمد لله على السلامه وربنا يعينك ويوفقك يارب وتحققى كل احلامك
منايا كل المنا اشوفو متهنى فرحان فى نور الهنا ولو بعيد بعيد عنى دا مش نصيبى لكن حبيبى واكتر شويه ياقلبى****
***********
زمردة
وحشتينى قوى قوى
لية كل دة لية
انتى مش تساهلى غير كل الخير
وكل الحب
يهون عليكى زمردة
مش تعذبى قلبك كفايا بقى
ومفيش بقايا زمردة لا
فى زمردة موجودة
قلب ينبض فى حب
مفيش تاخير تانى
ياعم بتوحشينى قوى
حبك قوى
رندا
***همسات دافئه***
يا صحبتي...!!! اشكرك جدا
ربنا يخليك ليا ويكرمك
اه تخيلي لسه في ناس كده
مرسي يا شيمو
***mohammed alsha3r***
يااااااااااارب
اشكرك
***كاميليا***
ازيك يا كامي
والله وحشتيني اوي
مش تهونوا وربنا اعلم
هو انا مرجعتش...بس الكل بيعاملني اني رجعت
انا بحبك اكتر وتسلمي ع مشاعرك الحلوه
***ادم المصرى***
اولا مش تزعل ليا كفايه انا
خلي الفرح ييجي بقى
انت قلت كل شيء
افكارك حلوه اوي ولسه مليانه رومانسيه ومشاعر واحاسيس حلوه وحشتني اوي
لولا عذاب النار ما احسسنا بجمال الجنه
متحرمنيش من كلامك وزيارتك
***عمرو النوبى***
انت الأغلى
الغيبه الكبيره دي....روحت اجيب رغيف عيش
هههههههه
بلاش تتأكد لأني زئبق وانا مرجعتش
دي زياره لمدونتي وحبايبي
***رئيس جمهوريه نفسى ***
ازيك يا محمووووووووود
وحشتني فينك يا راجل؟؟
ياااااااااارب
***رندا ***
حبي انا
والله بتوحشيني وبقصر وياك
بلاش بقايا لو هتزعلك
مع اني وضحت المعنى
من غير عذاب ...متحسيش الراحه
واجمل ما فيه اني الاقيكم حواليا
مش مونكن
مش معقول
زمــــــــــــــرده
يااااااااااه
لاء مش مصدق انك دخلتى وكتبتى بوست
انتى متعرفيش حروفك بتعمل ايه فينا
وانتى بالذات لانك من اول المدونات
اللى دخلتها ف حياتى
ياريتنى كنت من زمان قلت هاجى سكنريه
علشان تدخلى تكتبيلنا بوست
بجد والله فرحان اااووووووووى
ان شفت ليكى بوست جديد
رغم انك كنتى بتمرى وتسيبى تعليقات
بس بردو كنت حاسس ان فيه حاجه
ممممممممم
تحياتى لاختى الجميله
وشكرا على الاصطباحه الجميله دى
اخيكى
احمد سكر
حمد لله على سلامتك يا زمردتي
يعني مكنتش زنقة شغل ولا حاجه
تصدقي انتي عاوزه تضربي
ولا اقولك
مين مزعلك في التدوين وانا اضربهولك
***احمد سكر ***
يا احلى من السكر
متصدقش اوي اني هنا لأني زي الزئبق
كلامك بجد رفعلي روحي المعنويه اوي
مكنتش متخيله اني ممكن اكون مأثره في حد لحظه واحده
وزي ما انت قولت كنت بمر وكتييييييييير مش بعلق زي طيف يعدي محدش يحس بيه
الحمدلله الاصطباحه حلوه
متحرمنيش من طلتك عليا
يا غالي
*** لماضة ***
لولولولوولو
مش معقول لماضه هنا تاني
احمدك ياااااارب
ازيك يا دكتوره ولا لما بقيتي دكتوره نسيتينا
ابدا مش زنقه شغل بس ...كمان الدراسه والوقت ضيق طحن جدا
انا هربانه من دنيتي لمدونتي
لامتى الله اعلم
تصدقي وانا في الشغل النهارده كنت على بالي
بجد
والحمدلله جيت لقيتك
يا ستي الحمد لله على سلامتك وان شاء الله دايما تكوني بخير
وترجعي زي الاول واحسن ان شاء الله
من غير بقايا خاااااااااالص
:)
هييييييييييييييه
زمرده رجعت ياجرعان
بقى كده
يهون عليكي الخناق اللي مابيننا
طب بذمتك ماوحشكيش الخناق اللي كنا بنتخانقه
عموما انا مش جاي اتخانق دلوقتي
انا جاي اهنيكي بعودتك وان شاء الله هتكون عودة قويه
وربنا يسعدك ويكرمك ويبسطك ويوفقك ويرضيكي دنيا وآخره يارب
سلامووووووووووز
الف حمدالله على السلامه
اولا سورى على موقف الشات بوكس الى عندى
انا عملتلك زيطه جامده فى المدونه بتعتك
علشان اعبر عن اسف عن الموقف القديم
بس انا زعلان جدا من عدم تعليقك على البوست
على العموم ولا يهك
المهم تروقى وترجعى بالسلامه تمتعينا بابداعتك تانى وبسرعه
تحياتى
***alexandrany ***
هههههههههه
انا بخير ومفيش حاجه
ضيق وقت مش اكتر
باذن الله
*** Soooo ***
شاكرين مهللين
والله ما يهون عليا ابدا
ده انا حتى مفتقداه اوي
ياسيدي اتخانق لو عايز المهم تنورني دايما ومتحرمناش من طلتك
يا احلى سوووو
*** momken ***
الله يسلمك ويخليك
عجبتني اوي الزيطه دي
بس برضه زعلانه
انا عايزه شكولاته...لالالا عشره ويا بوكيه الورد
وبعدها افكر لسه زعلانه ولا لأ
احرجتني بكلامك الجميل والزيطه
ربنا ما يحرمك مني ابدا...ههههه
شيفك وانتى بتردى على الناس فى المومنتس
الكومنتس يعنى*
زمردة
مين زمردة
اه زمردة
ازيك وحمدلله على السلامة
منورة والله
بجد انا ما كنتش اعرف انك هنا جنبى
والعنوان سهل كده وما يتوهش
عامة انا مش اتاخر كتير
كلها 5 سنين وجاى
بجد سعيد بزيارتك وارجو التواصل
تحياتى وتقديرى
مدونه تحفه وشكلى هاكون زبون دائم فيها
تحياتى
ده اسمه كلام؟؟
لا ماينفعش
ازاي يعني
ها
ازاي
---
ده انا باسخن عشان اعرف اتخانق
وعلى فكره
انا نشرت كل تعليقاتك
نياهاهاهاههههه
شرير موز انا
سلاموووووووووز
اولا دى الزيارة الاولى ليا لمدونتك الاكثر من رائعة
وان شاء الله متكنش الاخيرة
وصدقينى كل حد عنده مشاكل بس الاهم ان احنا متعتبرش ده نهاية الحياة
وكل حاجة يتأخذ وقتها وتنتهى
وحمدلله على السلامة
مع خالص تحياتى ليكى
واتمنى تنورينى دايما
اخوك احمد
انا جيت اسلم
مش لاقيت حد مستنينى
:(
يعنى طيب اخرج واقفل الباب ورايا
تانى
المرة الى جاية تكونى منورة وتستنينى
وحشتينى
لما الوحشة اشتكت منى
وقالتلى روحى العبى بعيد
عن المدونة دى
طيب ينفع كدة :(
بحبك
رندا
حمد الله علي السلامة يا قمر
و مبسوطة جدااا بجد بمرورك عندي
ربنا يوفقك و يكرمك
زمرده ليكى تاج عندى فى المدونة
ياريت تدخلى فى اى وقت وتستلميه
تحياتى يا قمر
زمرده
زميلتي
انا عارف اني من المغضوب عليهم
بس احنا ولاد كار واحد وكان عندي امتحانات كتير اوي
واللينك بتاعك كان تايمه من قدامي
على اي حال لازم تسامحي كل الناس
لأن اللي بيسامح بيبقى كبير اوي
وربنا يبارك لك ف وقتك ولا تحرمينا من ابداعاتك
تحياتي...سعودي
***momken***
مع اني لبست طاقيه الاخفا
هههههههههه
نورني دايما
***همس الاحباب***
هسسسسس مين هناك
صوت .....صوت ميييييييين
ده ...همس
آآآآه همس الاحباب
يامرحبا يا مرحبا
نورتني وشرفتني بزيارتك الجميله
والحركات الحلوه
بعد 5 سنين ..الساعه كام بقى؟؟؟
باذن الله يكون في تواصل
نورني دايما
***blue-wave***
مرسييييييييييي جدا
زبون ايه
انت تنورني في كل وقت واي وقت
البيت بيتك
***Soooo***
ههههههههه انت لسه بتسخن
لالالالالالالالا انجز بقى انا مستنيه
شرير انت موووووز
ما انا عارفه
انشر التعليقات والغسيل مش تنساه
هههههههههه
ونورني دايما
***حــــــراء***
اولا تسلملي ع التشريفه الجميله اوي دي
يا احمد
ان شاء الله مش الاخيره ابدااااااااااا
لالالالالالالالا مفيش مشكله بتكون نهايه الدنيا
لأن الحياه مستمره بكينا ولا ضحكنا كله بيمر
بس نحاول نسعد بعضينا وحبايبنا ومنشيلش هم بكره
علشان ميضعش الحاضر كمان
نورني دايما ومتحرمنيش من زياراتك
***رندا***
مش لقيتي حد ههههههههههههه
روحت اجيب الخضار من السوق
تخرجي ايه بس
ده انت صاحبة البيت
تتفضلي وقت ما تحبي
مين بس الوشحه دي
قوليلي وشوفي هقطعهالك
هو اي حد يقولك حاجه تصدقيها
نوريني دايما يا اجمل راندا
***Esraa Hamed***
الله يسلمك يا قمر
مرسي يا عسل
نوريني دايما
*** عًٍمًرٌٍوٍ آلنْوٍبٌَِى ***
حلو التشكيل اوي
بخصوص التاج هرد عليه بس لما اخلص المتأخر عليا بالدور بقى مش كده صحتى
تسلم يا جميل
*** Ma7moud So3ody***
ازيك
لالالالالالالالالالا مش من المغضوب عليهم ابدا ابدا
انا مقدره الامتحانات وان شاء الله تكون حليت كويس
ربنا يوفقك
لا مش بشيل في قلبي
التأثر اه...ازعل اه..انما افضل اعذب نفسي واشيل جوايا
لالالالالالالالالالالالالالا
بشكرك ع اهتمامك ووقتك
ومتحرمناش من طلتك
ازيك يا دكتوره زمرده عامله ايه
ايه يا عم المواضيع دي
كده احنا هنغير
مش محتاج اشيد باسلوبك في الكتابه تاني لاني قلت فيه كل الكلام
موضوع رائع بجد
و في انتظار جديده
( انا خلصت امتحانات )
***DoMaLaYs ***
نورتني يا جميل
المهم تكون الامتحانات عدت بخير
مرسي جدا على كلامك واسلوبك
الحلو اوي
السلام عليكم
ما اجمل الاسكندريه
اعتذر عن الازعاج..ولكن اتشرف
بتمريري الواجب اليك
شكراً سلفاً
الواجب
http://arabromantic.blogspot.com/2008/06/blog-post.html
دايما فى بالنا وعلى طول فى خيالنا ........ لازم تكونى واثقه من كده
تحيـــــــاتى
المصــــــــرى
انتي ازاي يافندم تقوليلي انشر التعليقات والغسيل
ها
ازاااااااااااااااي
---
حلوه قوي الدخله دي كخناقه .. مش كده
يلا انا سخنت اهو
مستني منك اجابتك عشان الخناقه تولع
اوعي تتأخري
سلاموووووووووووز
زمرده ازاي تقولي نسناكي
حمدالله على سلامتك يا بندقايه
و الف سلامه عليكي
يا رب تكوني بقيتي احسن
و بليز ماتجهديش نفسك كده
خلي بالك من بندقتنا
*** saudi romantic***
وعليكم السلام ورحمه الله وبركاته
!!هو في اجمل من اسكندريه
ازعاج ايه بس
انت تنور في اي وقت
وااااااجب؟؟؟؟
هو حلو الواجب باذن الله قريب يكون
جميله اوي مدونتك
*** almasry***
وش احمرررررررررر
مرسي جدا ربنا يخليك ليا
اشكرك ونورني دايما
**** Soooo ****
اهلا اهلا
اه ايه المشكله يعني نسيب الغسيل لحد ما يطير يعني
ههههههههههه
اه حلوه الدخله دي
انا جيت اهو
انا شمرت واستعديت كمان
استنى استنى
مفيش ناس هتتلم تتفرج وتشجع ولا يه؟؟
لا خناقه سوكيتي كده
لالالالالالالالالالا
**** Rosa ****
ازيك يا عسل
حاضر مش هقول كده تاني
وهو ينفع ده انا والاجهاد صحاب من زمااااااان وخلاص اتعودنا على بعض
طيب اعمل ايه اذا كان اليوم 24 ساعه بس
هختصر ساعات النوم علشان الحق اللي ورايا
ربنا يخليكي ليا
ونوريني دايما
حلوه بندقايه دي
بخبها اووووووي
Post a Comment