انت فرحي اللي عاش يا عنيه ..وانت ..انت اللي خايفه عليا

انت فرحي اللي عاش يا عنيه ..وانت ..انت اللي خايفه عليا

Sunday, July 13, 2008

دنيا دايره


حساها اوي الاغنيه دي

يوم يجر أيام
والدنيا تابوت مليان
جراح وعذاب وآلام
ما عرفت ليك طعم
غير الغم وشيل الهم
والألوان بقت أحلام
دُنيا سايره من غير لجام
ثار سُكاتي ونفسي اتكلم
فيها الشوك ملا كل مكان
والفرح ودعني من زمان
البسمه على شفايفي احتضرت
والدمعه في قلبي سكنت
والحرقه ويايا ما فارقت
وبعدهالك يا سنيني
تعبت من لهيب دموعي
مبقتش قادره اتحمل
وخلاص مش عايزه اكمل
في غابه كلها ديابه
عايشه على الغلابه
بالسُلطه بقت سلطه
وضمير اغتالوه بواسطه
دي بُكره تدور الدايره
على كل نفس جايره
وديتها كفن في تربه
ورحمات عنها مفارقه
حسبي الله ونعم الوكيل
معرفش غيرها مداويه


*********

كأني طير مقصوص جناحه قصّ

قلقان ومش شبعان نظر ولا بصّ

وإزاي يطير والكون بحاله قفصّ

قفص وله أبواب مقفوله

ما بينه وبين الأحباب
م.منير..............................

50 comments:

saragebaly said...

زمردة

حمدلله على السلامة وحشتيني ووحشني كلامك الجميل

البوست بيتكلم عن الواقع اللي احنا عايشينه
احيانا بنعمل نفسنا ناسينه
مبقاش فيه كلام حلو حاسينه
والمشاعر الحلوة والجمال راح مع سنينه

واهي دنيا عايشنها وعايشة جوانا
ومش عارفين لحد فين آخدانا
نعيش يوم حلو وعشرة جرحانا
بالناس الوحشة والشر بقت مليانة
والخير والحب نقول عليهم يالا السلامة
وبعدهالك يا دنيا معانا

ارجوكي بقى ارسيلك على بر
مبقناش عارفين الخير من الشر
وعلشان نعيش دقنا المر
وقطعتي كل احبال الصبر

شيلتينا بدري بدري الهم
كان نفسنا تكوني حضن الام
بس الطفل بيتولد وهو شايل الهم
عايش ايامه حزن في نكد في هم

فعلا بقت الدنيا دايرة
مبقتش فيها مراكب سايرة

خلاص يا دنيا مبقاش فيكي امان
والطيب فيكي مبقاش ليه مكان
والحب راااح واتدفن من زمان
والكره والحفد حل مكان الحنان
يااااااااااه لو نرجع لايام زمان

الصديق كان مخلص لصديقه
والحبيب يموت ولا يسيب حبيبه
والمريض شايل جميل لطبيبه
والقريب يصل رحم قريبه

ايام الحق لصاحبه كان بيرجع
والحاكم كان للمحكوم بيسمع
وممكن لكلامه في مرة يخضع


بس هنرجع ونقول عليكي
يالا السلامة

قلب مصرى said...

زمردة
دى أول زيارة ليا لمدونتك وبصراحة عجبتنى قوى
علشان كده إن شاء الله مش هاتكون آخر زيارة
وبرافو على البوست الجميل ده
دمتى بالخير

حنين القلب said...

اخييييييييييييرا بوست من ست الكل زمرده
دنا بدخل عندك علطول مش القى جديد واخرج
بس بجد كلامك يوجع
ليه التشائم ده
صحيح انا شايفه ان الدنيا بقت غامقه اوى
بس مسيرها تنور تانى وتفتح كده
حبيبتى ان شاء الله فيه يوم هيتجمعوا فيه المدونين فى اسكندريه اتمنى اشوفك
وهبقى اقولك على الميعاد
سلام يا سكرة

زى الهوا said...

ايه التشاؤم دا ,,,,,,, تفاءلى خيررررررررررر , بس عجبنى اوى الغلط اللى معمولة الكبيرة دى بجد , فكرة جديدة وجامدة

blue-wave said...

الف حمدالله على السلامه
اخيرا ظهرتى؟؟
بس تعالى هنا
ايه الغلط الكبيرة دى كلها؟
هوا فيه ايه؟؟

رحــــيـل said...

زمرده اخبارك ايه؟
يارب تكونى كويسه

انا الحمد لله بقيت احسن وبحاول اخرج من المود بتاع البوست الاخير


انتى كلامك حلو قوى ولمسنى جدا
هى فعلا دى الدنيا
اوقات بنوصل لمرحلة صعبه قوى نحس ان خلاص مش هنقدر نكمل ولا نستحمل
بس بنقوى تانى ونرجع للحياه بس اكيد كل وقعه بتسيب اثر وكل جرح بيعلم مكانه

حاولى تكونى بخير دايما
تحياتى وحبى

و القادم....أجمل said...

بصي الكلمات تحفة
و الموسيقى فيها جميلة
بس ليه الحزن دا كله
مش مستاهله صدقيني

بجد تعالوا ندور على أي حاجة حلوة
و نمسك فيها
نضحك
و نعلى صوتنا

محتاجين الفرحة

الدنيا لو جارحه
لونها لون فرحه
:)

نهر الحب said...

كلماتك حزينة جداا
لكن سلمى امرك لله
وهو قادر انه يرزقك الفرحة ان شاء الله
تحياتى

Hannoda said...

أنا غبت كتير قوي و حسيت بطول المدة اللي غبتها لما جيت هنا عنك

تغيير شامل في المدونة

علامات الإكس اللي مش فاهماها و يمكن أفهمها لما أنزل على البوست السابق و أقرى يمكن أفهم

بس وجعتي قلبي عليكي

عندي لوم صغير

رغم ان الكلمات قوية قوي ووماليانة معاني راسمة نفسها بصدق بالغ جدا

بس عندي برضه عاوزة ألومك
يمكن مش لوم

إنما خضة سببتها جملة
الدنيا تابوت مليان

آه هي مليانة
مليانة بحاجات توجع
و ناس تخوف و توجع

بس لسة مابقتش تابوت
لسة فيها كتير حلو

و الله فيها كتير حلو..
قلوبنا هي اللي ساعات الهم يقتلها و يقفلها و يحط غشاوة غامقة على عنينا من كتر ضغط الهموم و قلة مساحات الهدنة بينها

بس لازم ما نصدقش

إوعي تصدقي إنها بقت تابوت
إوعي ي ي ي ي

أنا حاسة إن الكلام الأخير لمنير

ومش عارفة ليه سطورك و أ،ا بقراها و قلبي عمال يتهز معاها لقيتني بردد

يا ما مويل الهوىة ياأما مويليّ
طعن الخناجر ولا ظلم الخسيس في
يامصر و انت الحقيقة
وانت اغترابي و شقايا
و انت الدموع الرهيبة
و انت اللي عندك دوايا
علمني حبك عبارة سهلة وبسيطة و عافية
شرط المحبة ((الجسارة))
شرع القلوب الوفية
....
و إنت يا توتة من القلوب الوفية و بشاهدتي أنا .. وما أدراكي مين أنا؟؟
:)

momken said...

يا ه ه ه ه
الف حمدالله على السلامه
اخيرا رجعتى تدونى تانى بعد البوست الغامض بتاع فرقت مكان تقريبا

انا قلت اكيد جالك عقد عمل فى زائير وانا عارفك بتحبى السفر

البوست على اد ماهو مشحون اوجاع والام ومشاعر مدخله وطعمها مر اوى
لكنه ممتع جدا
كلامك معبر
والفاظك ماشيه جدا مع الموضوع
ديما بستمتع جدا بكلامك
وباحاسيسك الجميله

تحياتى لاميره اسكندريه

تحياتى

momken said...

طبعا مش هتكلم عن الغموض
الى فى البوست والى فى المدونه
والشخبطه
والاكسات الحمرا
لانك بتزعلى

على العموم
ربنا يطمنا عليكى يا زمرده

تحياتى

Ma7moud So3ody said...

هو مفيش كلام انك ابدعتي بكلماتك
ووصفتي دنيا واقعيه صح الصح

لكن بعيدا عن كلماتك
خليني اقول لك

مالك يا زمرده؟؟؟؟؟

رئيس جمهوريه نفسى said...

مش حتكلم عن موضوع البوست ولا حقول عليه اكنر من الى اتقال انك ابدعتى فى اختيار كلماتك وتعملقتى فى وصف واقع مر كلنا بنعاني منة
مش بتحبى الانسان يحلف بس انا جيت وقريت البوست كتير بس الى شدنى اكتر من البوست الاكسات الحمراء ولغزها بس لقيت الاكسات جايى على حاجتين اسم زمرده فى خلفية التمبلت وحلم الانطلاق فى الرايت سايد بس كل الى عايزه ااقولة ليكي انك تكونى زمردة ده لنفسك بس مش علشان الناس حتى لو الناس مش قالة انك تكوني زمردة اتمسكى بزمردة لزمردة مش لحد تاني اى من كان هو مين
احلامك بتلى اسمك وبترافقها انتى بتحلمى بالانطلاق علشان زمردة عايزة تنطلق متتنزليش عن حلمك او عن زمردة
ربنا يفك كربك ويزيح همك ويشرح صدرك ويطمئنا عليكى فى القريب العاجل ان شاء الله ويارب الزيارة الجاية الاقي الاكسنات اترفعت ولسه بتتمسكى بحلمك

بيكر(baker) said...

ليه كده بس الدنيا لسه فيها حجات حلوه و احلى ايامنا لم ياتى بعد
عارفه مالف حكمه بتقول
الحزن ضيف حساس جدا فاذا لم ترحب به انصرف على الفور
جربى تعاملى الحزن وحش و مترحبيش بيه و اراهنك لو فضل

almasry said...

مشاعر جميله لكن متضاربه ... على كل حال فيها فكره


تحيـــــاتى

المصـــــــــــــرى

سلوى said...

كأني طير مقصوص جناحه قصّ


قلقان ومش شبعان نظر ولا بصّ


وإزاي يطير والكون بحاله قفصّ


قفص وله أبواب مقفوله


ما بينه وبين الأحباب

كلمات جميله
كل اللي كتبتيه بس أنا أقتبست آخر أسطر

بجد تسلمي يا زمرده

الخيط الرفيع said...

هي دايرة بس لازم نحصلها لحسن اللي بتفوته مش بترجعله تاني
كلنا في حياتنا شجن والم وامال تستحق ان نتذكرها اكثر من البكاء علي الالم
هنرتاح اكتر وهنتبسط اكتر
ربنا يسعدك
وينور دنيتك
ويرسم فرحتك
ويربطك بخيالهم

Soooo said...

يالهوي
يعني انا جاي اعزمك على عيد ميلادي واهزر معاكي واتخانق معاكي شويه .. اقوم الاقي علامة اكس في وشي
وعلى ايه
على اسم زمرده
لا بقى
زمرده اللي انا حبيت كلامها مايتعملش على اسمها اي حاجه غلط
زمرده اللي انا استجدعتها وياما استحملتني في لحظات خنقتي لا يمكن تضايق نفسها
زمرده اللي هتفضل طول عمرها زمرده المتمرده - على الاقل في نظري - ماينفعش تزعل

ملحوظه
انا كنت حاسس ان انا اتولدت في يوم نحس وماحدش كان مصدقني ياجرعاااان

اخر حاجه اقدر اقولهالك
دعوة ومن جوا قلبي ان ربنا يهيئلك الخير وينورلك طريقك وتنولي كل اللي بتحبيه ويرضيكي دنيا وآخره
قولي آمين
قولي آمين لاحسن وكتاب الله انا مش عارف هعمل ايه بس اهو بقى وخلاص

روقي
عشان خاطر النبي تروقي



سلاموووووووووووز

صباح الصباح said...

المدونة تصميمها حلو بس هوة فية حد مشخبط بعلمات اكس كبيرة على الصفحات واللا دى تهيؤات؟؟؟؟

samo said...

الدنيا واساليبها وطرقها

ياه لو تعرفى قد ايه ممكن فى لظه واحده تلاقى ان كل المشاعر ممكن تتجمع فى شكل انسان


قد ايه الدنيا رغم قساوتها بس بتحبنا

وقد ايه بتزعل على اللى يسبها وقد ايه هى غداره


الدنيا مش بس كلمه معاناها احنا الدنيا كاس وداير علينا
اللى ما يشرب بأرادته يشرب عصب عنه

جميل البوست بجد
ويشرفنى انى مريت بمدونه جميله بجد تستحق القراءه

تحياتى الخالصه

Abd-Alrahman said...

علي فكرة انا اول مرة اجي المدونة دي
بس احب اقولك انها رائعة بجد بحد تحفة
وكمان التدوينة جميلة مع اني المح بها بعض الاحباط
بس بجد احييكي عليها
انا مش عارف اقول اية بجد ولا اوصف المدونة ازاي

احييكي علي مجهودك
واتمني اني اشوف اثر لقلمك في مدونتي المتواضعة

تحياتي

عاليا حليم said...

آيه يا بنتي الجو ده ؟ خير مالك ؟

الكلمات جميلة مؤثرة لولا الكرس الاحمر الر في الخلفية مأثر عليها جامد

د/اجدع بنوته said...

ايه يابنت

علامات الاكس اللى ماليه المدونه دى

الف سلامه

ايه بجد ده

الكلام مميز جدا كعادتك

يارب تكونى بخير

alexandrany said...

زمرده
يالف حمدالله بسسسسسسسسسس
فينك يا بنتي من زمان
الاحساس دي بيعدي على كتير من الناس
بس وقت وبيعدي على خير ان شاء الله وبترجع كل حاجه زي ما كانت ان شاء الله
بس انتي شيلي نفسك من الموود ده وهتلاقي الدنيا فل ان شاء الله
وابقي قابليني بقي
هههههههه

زُمُرده said...

***saragebaly***

وانت كمان ياسار وحشاني اووووي

بالفعل واقع وكلامك لمس جوانب حقيقيه
عايشينها وبنعيشها
بس الامل هيفضل

نوريني دايما

زُمُرده said...

***قلب مصرى ***

نورت المدونه وان شاء الله تكون فيض لبحر زيارات جميله بينا
اشكرك بشده مع اني شيفا البوست عادي
نورني دايما

زُمُرده said...

***حنين القلب ***

بفرح بوجودك وتعليقك اووووي

ما احنا ساعات نزوق الكلام ونضحك على نفسنا
مع ان الحقيقه بينالنا اوي

معلش انا شيفاها غامقه كل يوم اكتر

مش تشاؤم بس واقعيه

على فكره انا مش ست الكل ولا حاجه
انا زمرده عاديه خالص

ياعالم لما ييجي الاجتماع هكون فين وهقدر ولا لأ
بس بتمنى اوووووووي

نوريني دايما

زُمُرده said...

*** زى الهوا ***

ده كفايه وجودك يشيل اي تشاؤم

باذن الله هحاول

عجبتك الفكره ....الحمدلله

نوريني دايما

زُمُرده said...

*** blue-wave ***

الله يسلمك دايما

هو انا كنت لابسه طاقيه الاخفاء؟؟؟

غلط كبيره وصغيره كمان في كل مكان

حاله نفسيه يا دكتور

نورني دايما

زُمُرده said...

*** رحــــيـل ***

الجمدلله لسه عايشه

الحمدلله انك بقيتي كدويسه وقادره تخرجي
عقبااااااالي

كلامك صح اووووي يا سارتي

انا تقريبا في المرحله دي

مبقاش في مكان فاض لآثار جديده

هحاول

وحشتيني
اعذري تقصيري

زُمُرده said...

*** و القادم....أجمل ***

ازي القمر

ليه الحزن؟؟

هي يمكن متكونش مستاهله بس نعمل ايه بنتأثر وبنحلم
ولولا الحزن منعرفش طعم الفرح

هحاول الونها بلون فرحه

شكرا بشده

نوريني داايما

زُمُرده said...

*** نهر الحب ***

جمييييييل اوووي اسمك

قد تكون الكلمات حزينه لكن تُرى ماذا تحمل القلوب؟؟
سلمت امري لله من قبل ومن بعد
اشكرك

نوريني دايما

زُمُرده said...

*** Hannoda ***

تعليقك ابكاني اووووي
تمنيت للحظات اسمعه منك

بس دي الدنيا يا هنودتي

كلامك اجمل ما فيه انه صح اووووووي
ولمسني اووووووي
لالا ده هزننننني جامد جدا

-----------------
و الله فيها كتير حلو..
قلوبنا هي اللي ساعات الهم يقتلها و يقفلها و يحط غشاوة غامقة على عنينا من كتر ضغط الهموم و قلة مساحات الهدنة بينها

---------------
تمام اوووووي جبت المفيد كله في جمله

اه تابوت مليان فرح وخزن ومن كل لون كمان
ممكن نفتحه والشمس تطل عليه
وممكن نسيبه يموت الامل جواه

ممكن

اه كلمات لاغنيه لمنير
حسيتها اووووي مع البوست

مغبتيش عن المدونه
لانك ويايا دايما وانا باجي هنا كتيييير
يبقى انت كمان

العلامات مجرد تنفيس تعبير بدل ما افضل ساكته

انا عارفه مين انت متقلقيش
وكفايه انك عرفاني وجنبي ده بيهون كتيييييييييير

وحشاااااااااااااني بعدد ذرات الرمال اللي بينا

زُمُرده said...

*** momken ***

ازيك يا اعز ممكن
الله يسلمك انا قلت اروح اجيب كيلو فرافيش و اغير جو يمكن نضحك من تاني

انت اللي بتحس الكلام اوووي
وان كان مجرد تعبير اتمنى انه يكون وصل بنص ما انا حساه على الاقل

انا بخير الحمدلله
من حقك تسال وتعلق على الاكسات الحمرا
بس بشكل بسيط حاله نفيبه سيئه جدا
ومجرد وسيله تعبير وتنفيس
وهي فكره مجنونه ونفذتها

اضف لمعلوماتك
لست اميره
ولست اميرة الاسكندريه

زمرده بس

متحرمناش من رأيك ابداااااااا

زُمُرده said...

*** Ma7moud So3ody ***

نورتني اووووي
بيسعدني وجودك

هي دي الدنيا

سؤالك جوووووون اوووي
زي ما تقول حاله نفيبه سيئه جدا
وسيله تعبير وتنفيس
فكره مجنونه ونفذتها

انا بخير
نورني دايما

زُمُرده said...

*** رئيس جمهوريه نفسى ***

ايه ده يا محمود تدخل كل المرات دي ولا تسلم حتى
ههههههههههه

اشكرك على رأيك وعلى محاولاتك واهتمامك اللي بجد مأثر فيا اوووي

نادرا لما يجود الزمن بناس زيك

اولا: الاكسات الحمرا في الخلفيه على زمرده وفوقها مضت زمرده لأنها الفاعل زي ما علمونا في الحكومه لما تصلخ حاجه
اشطب ووامصي عليها

ثانيا: السيد بار انا شطبت على كله إلا ما شعرت انه لن يموووت
ومضيت اني من فعل ذلك

ثالثا : اكون او لا اكون
بقت صعبه اووووي
مع طير مقصوصه كل احلامه واجنحته
والسما بعييييييييده اوووي

اللهم آآآآآآآمين
هحاول
اشكرك اووووووي ومتحرمنيش من وجودك

زُمُرده said...

*** baker ***

بيكر نورتني

ايه الحكمه الجااااااامده دي
بس تعرف هي صح اووووووي


هحاول اطفشه واجننه
وازهقه
قول يارب
شكرا على تواجدك وكلامك
نورني دايما

زُمُرده said...

*** almasry ***

هي دي ميزه المشاعر المتضاربه
تخليك تحتار وتفكر دايما

نورني دايما

زُمُرده said...

*** سلوى ***

ازيك يا جميلتي

دي كلمات في اغنيه لمنير حساها اووووي
وحسيتها تمشي ويا البوست ده

اشكرك
نوريني دايما

زُمُرده said...

*** الخيط الرفيع ***

جميل اوي ايمك
ده اللي بيربط افراحنا بينا
وياترى نقدر نقويه ونضعف خيط الحزن والالم
وماذا يفيد البكاء؟؟

اللهم آآآآآمين
يارب
اشكرك

زُمُرده said...

*** Soooo ***

ميييييييييييييييين؟؟؟؟
الصديق اللدود هنااااااا
صدق او لا تصدق

كل سنهوانت بصحه وخير وفرحه والحزن مفارقك يااااااااارب
وكل سنه اجمل باذن الله وكل اللي بتحبهم حواليك ووياك مفرحينك دايما
---------
جاي تتخانق .....وتهزر وتعزمني كمان

طيب عايزه حقي 3/4 التورته

هههههههه
وبعدها هنتخانق اكيد
متقولش كده على يوم ميلادك ...ده يوم لن يتكرر في البشريه
كفايه انك شرفت فيه
يبقى اجمل يوم

اولا الاكسات في كل حته مش على زمرده بس زمرده مضت عليها انها من فعل ذلك
ماعدا الخلفيه

فكره مجنونه واتنفذت خلالالالالالالاص


يارب افضل زمرده دي ياااااااااارب

آآآآآآآمييين

ملحوظه : متحلفش بغير الله

نورني يا سووو دايما
وحشتني خناقاتك

زُمُرده said...

*** صباح الصباح ***

اشكرك على التواجد
والكلام الجميل ده

لالالا مش تهيؤات دي واحده مجنونه جت شخبطت ...اسمها زمرده

نورني دايما

زُمُرده said...

*** Abd-Alrahman ***

ايه يا عبدو من اولها كده يا زميلي زهايمر

لالالالالالالالا
انت جيت قبل كده وانا بعتلك اللينك

بس تنورني دايما في كل وقت

اشكرك على كلامك الحلو اووووي

ده مش احباط ده واقع اعتدنا عليه واصبح جزء منا

هجيلك باذن الله

زُمُرده said...

*** عاليا حليم ***

ازيك انت ؟؟ وحشاني
عاادي كروس احمر ...حاله نفسيه بقى
ههههههههههه
لالا مش عيزاك تتضايقي هنا
نشيله علشانك
نوريني دايما

زُمُرده said...

*** د/اجدع بنوته ***

ازيك يا دكتوره يا عسل

انا بخير الحمدلله
حاله نفسيه وعبرت عنها
اشكرا على تعليقك واهتمامك

نوريني دايما

زُمُرده said...

*** alexandrany ***

ازيك يا مصطفى

الله يسلمك
انا هنا بس مغمضه وبقنع نفسي اني نايمه

يارب اخرج منها بقى
بس مقلتليش اقابلك فين
؟؟؟
هههههههه
نورني دايما

صباح الصباح said...

يا بنتى شيلى بقى الاكسات اللى مالية الصفحات.. عنيا وجعتنى ومش عارف اقرا..

زُمُرده said...

*** صباح الصباح ***

نورتني

اقول ايه
لو كان الامر امري
لو كان في شيء بيدي
كنت همسحها اكيييد

قريب
قول يااااارب
ومتتلككش بقى
نورتني

Anonymous said...

情趣商品,情趣用品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

借錢,黃金,黃金回收,黃金價格,黃金買賣,當舖

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘