انت فرحي اللي عاش يا عنيه ..وانت ..انت اللي خايفه عليا

انت فرحي اللي عاش يا عنيه ..وانت ..انت اللي خايفه عليا

Sunday, August 24, 2008

أصعب كلام



ماهو أصعب كلام يُقال؟؟
الحب ...الغدر...الفراق...الرحيل...الغرام...المجاملات
...النفاق...العشق...الوله...الكذب...الصمت
قالوا زمان اذا كان الكلام من فضة ... فالسكوت من ذهب
وده أصعب كلام

قالوا ... تكلم حتى أعرفك
وقالوا ... تكلم إذا اشتهيت الصمت ،واصمت اذا اشتهيت الكلام
الصمت بيضفي نوع من الغموض على الشخصيه
وساعات حكمه و وقار ... واحساس بالترقب والتيقظ لمن ينتظر الحروف
كتير بيكون الصمت صفه أو طبع أو تطبع أو حاله
ياترى ليه الصمت أصعب كلام؟؟؟؟
لأن البعض يصمت عند الألم ... الغضب ... الحب ... الخوف ... الحزن
كثيرا ما تلمع أعيوُنُنا بالدموع الراقصه ونجاهد لنخبئها في سراديب الجفون
ونرسم أروع البسمات ونطلق الضحكات وننشر البهجه في الآفاق
ونحفر صمت الاحساس
وما أن ننزوي للحظات ... فتداعبنا الآلام و الأحزان
هذا جرح حبيب ... وهذا غدر صديق ... وهذا فراق عزيز
وهذه اساءة أخ ... وهذا ظُلم عادل
وهذه خيانه ... وهذه لامبالاه
... وهذه اساءه وهذه طعنات
و...و......و......و....و......ونصمت

ولم نصمت؟؟؟؟
أضعف منا ... أم اساءه تصرف؟؟؟
أم عجز عن رد فعل سريع؟؟؟
أم قلة ثقة بالنفس والتشكك الدائم؟؟؟
أم قوه قادرة على رد الفعل..يحكمها عقل واع؟؟؟
أم خوف ممن جرحونا أن يزيدوا الجراح؟؟؟
أم تراه ذلك القلب المحب النابض؟؟؟

أتخشى يا قلب أن تعاتب أو تلوم؟؟؟ فيصيبك جرح أخر
أو تصيب أحبابك بلومك وعتابك فتألم مرة أخرى لألمهم؟؟؟

كثيرا ما ترتجف الكلمات على الشفاه وتتحجر الدموع
وتتجمد كل المشاعر والاحاسيس
وتشعر بأن شيئا يتساقط داخلك رويدا رويدا حُطاما ً لا تقوى على حمله
فإذا شعرت أن قلبك أضعف من أن يحتمل مزيدا من العذاب والألم
وفقد قدرته على الابتسام والمرح...فاصمت
واخطف قلبك سريعاً وانزوي بعيداً وابكي كثييييييييييراً
وافرغ آهاتك وأناتك
وعد من جديد ... بقلب ينبض دفئا ، يفوح مرحا ً سعيد
ليضم من الأحباب الكثير ويداوي من جراحهم العديد

*******
زُمُرُده
*******
تحديث: *اتمنى اعرف رأيكم في شكل المدونه
البوست لا يعبر عن حالة فرح او حزن**
هو مجرد رأي شخصي

43 comments:

صباح الصباح said...

ياااة
كل دة جواكى يا زمردة
بس انتى صغيرة اوى على كل الالام والجراح دى
سراديب الجفون .. يا للقوة والاعتزاز بالكرامة حتى لمجرد البكاء الذى هو سلاح الانثى
اتمنى لك دوما كل خير وسعادة

عاشــــــ النقاب ـقــــة"نونو" said...

زمردة لسة بدري يا حبيبتي
اجمدي كدة
وقولي يارب قويني
اوعي تنكسري ولا تبقي ضعيفة
بكاء الست قوة في احيان كتير
ساعات بتقدر تعمل بيه اللي هي عوزاه
كل عام وانتي الى الرحمن اقرب

همس الاحباب said...

ايه ده كله
ايه الجمال والروعة دى كلها
بجد كلمات رائعة واسلوب جامد وفلسفة الكلمات غاية فى الروعة
سعيد بزيارة تلك المدونة
تحياتى وتقبلى مرورى

همس الاحباب said...

ايه ده كله
ايه الجمال والروعة دى كلها
بجد كلمات رائعة واسلوب جامد وفلسفة الكلمات غاية فى الروعة
سعيد بزيارة تلك المدونة
تحياتى وتقبلى مرورى

(احمد سكر ) said...

الله

فعلا ماشاء الله

كلامك بيمس القلب

قبل ما تقرأه العين

كلامك فعلا بيمس جروح كتيره

الام كتيره

معاناه اكتر

بنحاول نداريها بصمتنا

تحياتى لارق الكلمات

وترق تحيه لصاحبه ارق الهمسات

احمد سكر

رحــــيـل said...

زمردتى امورتى اللى مش بشوفها خالص

تعرفى ايه المشكله لما نقرر ناخد قلبنا ونهرب ونعيش حاله صمت

انك متعرفيش ترجعى تانى
بقلب ينبض دفئا ، يفوح مرحا ً سعيد
ليضم من الأحباب الكثير ويداوي من جراحهم العديد


صدقينى بعد العزله صعب انك ترجعى بتتعودى

كلامك لمسنى جدا وحسيته قوى
انا فى حالة الصمت والعزله دى بقالى مده ومش عارفه اخرج منها تانى ارجع لحياتى العاديه

ياريت تظهرى قريب ومطوليش فى حالة الصمت دى

me said...

عارفة

والله دايما الصمت دا عدوى و عمرى معرفت اسكت

و اللى عرفته فى الاخر انى فعلا ساكته و كلامى كله فى الهوا و ان اللى حاسه بيه بيقتلنى من جوه من غير مقوله و لا حتى انا ابقى عارفاه

احييك على سلاسه الكلمات و قوتها فى نفس الوقت

تشاااااااااااوووووووووووو

Anonymous said...

عن نفسى
افضل الصمت عن الكلام
ليس لان من كثر كلامه كان خطأه أكثر من صوابه

و لكن لانه الأريح للنفس
مفيش احسن من انك تكون ساكت
تتكلم بحساب
تقول اللى انت عايزه فى اقل قدر ممكن من الكلام

و ميمنعش ان من حين لآخر الكلام الكتير بيكون مفيد

لكن ده فى حالة الفضفضة
عايز ترتاح

MKSARAT - SAYED SAAD said...

زمرده الجميله
صباح الخير وكل سنة وانت طيبة
انتِ عارفة احلى حاجه في البوست ده ايه ... أنك بعدتى عن الحزن اللي كان باين في كتاباتك السابقة وبقي في احساس الامل والسعاده والتفائل
انا سعيد جدا لدة وربنا يحلي ايامك
صديقك
سيد سعد

tarek alghnam said...

زمردة
اولا كل سنه وانتى طيبه ويارب يتقبل منك ومنا
اول مرة ازورك وكم انا سعيد بمدونتك
بعد قراءة هذا البوست
جميل ان نكتب مايتعبنا
ولكن احيانا مايتعبنا هو الكلام وليس الصمت فالصمت احيانا يكون اقوى وابلغ من اى كلام
تقبلى تحياتى
ودمتى بود
يسعدنى التواصل معك

Empress appy said...

ونسكت ليه طالما قادرين نقول لا وطالما قادرين نرفض حياه مش عاوزينها خليكى قويه يا فتاه بقى
الله هزعلينى منك ليه

كاميليا بهاء الدين said...

.
.
وحشتينى

.
.
.

أبو خالد said...

حابب اقول أنتي من زاد يوم الأسكندرية رونق و أعجبني موقفك في المطعم
ولي رأي أعتقد ومن أعماقي أن الغد أفضل
دمتي أبنة غالية

رندا said...

اولاً

مبروووك
النيولوك الجديد
جميلة انا بحب اللون الاسود
من انها فى الاول برضة كانت جميلة
انتى من اوائل المدونات الى لفتت انتباهى بجمالها

تسلم ايدك

ثانياً

كل سنة وانتى طيبة رمضان كريم

ثالثاً
اما عن البوست
اصعب كلام قريتة
ومن اجمل الكلام ايضا فى تعبيرة

وحشتينى اوى مش تغيبى تانى

كل الحب مووووة


رندا

الريم said...

زمردة بوست جامد فعلا وشكل المدونة كمان حلو اوى بس مش فاهمة ايه معنى كلامك فى التعليق عندى معلش اصلى فهمى بطئ شوية

Mustafa Şenalp said...

çok güzel site. :)

The Führer said...

البوست جميل جدا جدا وبيفكرني بأسلوب صلاح منتصر بس بنكهة زمردة وأسلوبها الجميل السهل الواثق .
بالنسبة للنيولوك فمش ح أقدر أديكي رأيي بصراحة لأني باستخدم متصفح للموبايل "علي قدي" فمش باقدر أشوف كل امكانيات البلوج ، كل اللي شايفه خلفية بمبي جميلة. بس واثق إن اللي تكتب بالجمال دة لازم تكون جميلة في كل حاجة.
دمتي بكل ود
تحياتي

Soooo said...

فإذا شعرت أن قلبك أضعف من أن يحتمل مزيدا من العذاب والألم
وفقد قدرته على الابتسام والمرح...فاصمت
----
هو ليه دايما بنعتقد ان الصمت او البكاء بيطهر القلب وينقيه ؟؟؟

طب ماهو لو ابتسمنا واتصالحنا من جوانا مع نفسنا وقلنا لروحنا اننا مسامحين نفسنا .. هنوصل برضه لمرحلة النقاء والراحه النفسيه

مش عايزك تحطي المنطق بتاع الموضوع ده في بالك ولا تفكري بالاسلوب ده كتير

وخليكي فاكره .. الانسان لما بيتكلم وبيضحك بيبقى عايش

====

وانتي ازيك كده؟؟؟

كل سنه وانتي طيبه يازمرده يامتمرده
رمضان كريم




سلامووووووووووز

Unknown said...

صمت وكلام
وكلام وصمت
احيانا يكون الكلام بلا جدى
ويكون الصمت ابلغ رغم حاجتنا لمعرفة الكثير من الاشياء
لكنا لا نجد من يتكلم بلغة نعلمها
مشاعرك رائعه واسلوب جميل فى نقلهاا
عبرتى عن ما بداخلى
سلمت اناملك

كل عام وانتى بخير
رمضان كريم

harmless said...

الصمت يتيح الفرصه للكلام مع النفس
فالكلام مع الاخرين لا يترك فرصه ولا يترك رغبه فى الكلام مع النفس

لنا احتياج كبير ان نتحاور مع انفسنا
فالحوار مواجهه ومصارحه ومحاولة فهم

لايكفى ان نهذب سلوكنا ونكبح جماح انفسنا ونتغلب على المشاعر السلبيه

الاهم ان نفهم اسباب مشاعرنا ومنشأ رغباتنا

واذا كان بعض الكلام ارتقاء بالعقل
فبعض الصمت ارتقاء بالنفس

blue-wave said...

الغاليه زمردة
اولا اعتذر لتقصيرى فى الزيارة طول الفترة اللى فاتت دى
ثانيا حمد الله على السلامه
ثالثا انا بقى مش معاكى فى موضوع الإنزواء والبكاء
بالعكس
واجه وقابل وغير من نفسك ومن حياتك وانت وسط الناس اللى بيحبوك
دى طريقتى
تحياتى
وكل سنه وانتى طيبه

رندا said...

زمردة قلبى وجوهرتها
وحشتينى اوى اوى وقلت اجى اسلم
بس مش يمنع يعنى اكلمك يعنى ايوة
حتى لو اخدت المدونة اجازة
رمضان كريم عليك وعلى اسرتك الكريمة

تقبل الله صيامك وقيامك وغفر الله ذنبك

اراك ان شاء الله بعد رمضان

رمضان كريم

رندا

زُمُرده said...

**** صباح الصباح ****

لا مش ده وبس لسه يا ما في جراب الحاوي
هههههههههه

لسه صغيره
على اساس اني كي جي 2
هههههه
لما بتتأثر اكتر بتتألم اكتر وحزكنك يزيد اكتر

اه سلاح الانثى
بس مبحبوش
ولا بستخدمه
لأنه اذلال

نورتني ومتحرمنيش من تواجدك

زُمُرده said...

*** عاشــــ النقاب ـقــــة"نونو***

كل سنه وانت للرحمن اقرب ولطاعته ادوم

متقلقيش مش ضعيفه
ده مجرد رأيي

قد تستخدمه المرأه البكاء كسلاح
ولكن لي رأيي مختلف

نورتيني

زُمُرده said...

*** همس الاحباب ***

نورتني يا ابو همس

لالالالا انا مش اد كلامك ده
لحسن ممكن اتغر وابقى مغرورهواعمل حركات غروريه بقى


انا الاسعد بجد
نورني دايما

زُمُرده said...

***** احمد سكر *****

سنكروووز
ازيك يا جميل
بقى كلامي عمل كل ده
هههههه

بتمنى الناس تقرا اللي في القلب قبل السطور
ويمسها اووي زيك كده

منورني دايما

---------
تحيه لصاحبه ارق الهمسات
--------
وش احمررررررررررر مكسوووووف

زُمُرده said...

***** رحــــيـل *****

سارتي الجميله اللي حساني اوووووي

والله بستنى رأيك اووي
وبفكر فيه كتييير
ويمكن ده بياخدني ويعطلني ارد ع طول

اول ما قريته كنت سخنه اوووي
بقيت عايزه اقولك لالالالالالا انا بقدر ارجع تاني

بس بعد ايام وايام
بقيت بخاف
ساعات بنفقد القدره ع العوده تاني
وساعات لأ
ليه معرفش

طيب اخرج من صمتي واجيلك نخرج سوا
لصمت اخر وننعزل
هههههههه

لالالالا حاولي واديني بحاول وربنا ييسر

متغبيش عني

زُمُرده said...

***د/مروة المعداوي...قباحة سابقا***


حلوه سابقا دي
يعني رربنا هداكي خلالاص

الحمدلله
عارفه كتييير بنبقى كده لسان من برخ وجوانا مليان حاجات
لا بنقولها ولا بنحس اد ايه بتاخد منا
غير فجاه

اشكرك على كلمك الجميل
نوريني يا دكتره دايما

زُمُرده said...

**** عبدٌ من عباد الله ****

والله انت جبت المفيد كله
لخصت البوست واضفت كمان

ساعات كتير الصمت يريح وساعات بيألم اكتر من اي كلام

نورني دايما

زُمُرده said...

***** MKSARAT SAYED SAAD *****

ازيك يا ابو السييد
صباح النور
وكل سنه وانت بصحه وسلام وللرحمن اقرب ولطاعته ادوم
الحمدلله انه عجبك
والحمدلله اني اسعدتك مهو مش كل مره نحزنك
ربنا يجعلك صديق دائم ويبارك فيك

زُمُرده said...

*** طارق الغنام ***

نورت مدونتي المتواضعه
انا الاسعد خصوصا بعد ما زورت مدونتك
عارف احيانا الصمت بيؤلم اكترمن الكلام
واحيانا بيعبر عن معان يعجز اللسان عنها
يسعدني اكثر التواصل
كل سنه وانت بالف خير وللرحمن اقرب ولطاعته ادوم

زُمُرده said...

*** appy ***

منوراني
انا اقوى مما تتخيلي
بس كل واحد بيتصرف بشكل مختلف مش اكتر
مش كل وقت نقدر نتكلم ولا دايما نسكت
متزعليش بس

زُمُرده said...

*** كاميليا ***

ياااااه انت وحشاني اكتر بكتييييييير
متحرمنيش من طلتك

زُمُرده said...

*** أبو خالد ***

منورني يا أحن أب
وجودكم هو الله جعل اليوم جمييل اووي
تصور محدش فاكر الموقف ولا علق عليه وقالي صح ولا
الحمدلله
اسعدني بوجودك دايما

زُمُرده said...

*** رندا ***

اولا الله يبارك فيك
وجودك هو اللي بيحليها من الاول مش الالوان
لفتت انتباهك ده علشان انا ربنا بيحبني
ثانيا كل رمضان وانت لله اقرب وعلى طاعته ادوم
ثالثا الحمدلله انه عجبك
وحشاااااني

زُمُرده said...

*** الريم ***

تسلميلي يا عسل
انا رحت ورديت عليك ويارب اكون وصلت المعنى
نوريني دايما

زُمُرده said...

***Mustafa Şenalp ***

thnx very much,wish u like it

زُمُرده said...

*** The Führer ***


اممممممم
يا ترى نكهة زمرده بطعم ايه؟؟
هههههههههههه
رايك اثر فيا اوووي
لدرجه وشي احمررررررر
ومش لاقيه كلمه شكر
مش شفت خلفيه بمبي
تبقى الدنيا بمبي
نورني دايما

زُمُرده said...

***** Soooo *****

صديقي اللدود
من علمني التمرد
وش مبتسم
-------------------------------------
هو ليه دايما بنعتقد ان الصمت او البكاء بيطهر القلب وينقيه ؟؟؟
-------------------------------------
مش ده المعنى المقصود
اقصد في اوقات لو اتكلمنا هتكون النتيجه اننا نجرح حبايبنا
بالرغم انهم هم اللي جارحينا
وكلامنا مش هيضيف غير جرح لينا لاننا جرحناهم بعتابنا
فاهم حاجه؟
متقلقش دماغي مليانه اووووي
مش بحط فيها حاجه خااالص
لما تعرفني
هتعرف اني بضحك وافرفش مهما كان الللي جوايا
وانت طيب يا سوووو يا مغلبني
مين رمضان ده قريبك ؟؟
ههههههههه

زُمُرده said...

*** نهر الحب ***

كل رمضان وانت بالف خير

عندك حق في كلامك وخصوصا
------------------------
لكنا لا نجد من يتكلم بلغة نعلمها
--------------
بتحصل كتييييييير
وكتيييييير نبقى فاهمين لغة الناس وهما شايفين لغتنا طلاسم

الاهم نعرف امتى نصمت وامتى نتكلم
نوريني دايما

زُمُرده said...

**** harmless ****

فينك يا غاااااااالي
تغيب تغيب وتيجي تضيف لمساتك

انت لخصت وضفت كمان بشكل رائع
بالفعل اصبحنا لا نلتقي مع انفسنا الا قليلا
وكل ما ادينا انفسنا فرصه اكيد هنعرف اسباب مشاعرنا ورغباتنا ونهذب انفسنا
ونقدر نملك انفسنا ونخطو بالشكل الصحيح في الوقت الصحيح في الاتجاه الصحيح

عجبتني جملتك
-----------
واذا كان بعض الكلام ارتقاء بالعقل
فبعض الصمت ارتقاء بالنفس
-----------

متحرمنيش من تواجدك ورأيك
نورتني

زُمُرده said...

*** blue-wave ***

ازيك يا دكتره
منورني

لالالالالالالالالا مفيش اعتذارات هنا

انا بقدر ظروف الناس لأني كمان بيبقى ليا ظروفي
المهم انك تنورني دايما

انا ضد الهرب
انا قصدي في لحظات بيبقى الكلام ملوش لزوم غير انه يزود الجرح ويبعدك عن اللي بتحبهم
واكيد هيبعدهم عنك
يبقى حاول تصفى وتصالح نفسك عليهم
وتدي نفسك فرصه للاختيار
من غير ما تزود جرحك بجرحهم

اتمنى كلامي يكون اوضح

رمضان كريم
نورني دايما

زُمُرده said...

**** رندا ****

انت عسولتي والله وبحب وجودك اوووووووي

انا عارفه انه صعب عليك تطلي في رمضان
علشان كده انا مقدره اوووي الزياره دي

كلهم بخير وبيسلموا عليك وبيقولولك فين الكنافه
ههههههه
اللهم آآآميين

الله اكرم