انت فرحي اللي عاش يا عنيه ..وانت ..انت اللي خايفه عليا

انت فرحي اللي عاش يا عنيه ..وانت ..انت اللي خايفه عليا

Tuesday, September 9, 2008

عدت سنه

بوست روعة الإحساس
_______________

*****
عمرك جربت الإحساس ده
تبقى لوحدك من غيره
قاعد بترتب هدومه وتحط فنجانه
ونظارته وحاجاته
تشم أنفاسه ويغمرك عطره
يملاك دفأه وتحن لعطفه
ياخدك الحنين ويرجعك سنين
تلقاه وياك تاني في نفس المكان
تضمك نظراته وايديه بتملس على شعرك
وشفايفه بترسم حنيته على خدك
تسمع كلماته تدوب في حروفه
ويسكنك عشقه.. يحوطك الحنان
وتملك الأمان في حضنه
تنسى الزمان والمكان...تعوم في حبه
كل لحظه يوحشك اكتر واكتر
تعبيرات ملامحه تملى عيونك لحظه
وتووه سنين وترسى تاني على شطه
وتفتح عيونك.....تلقى هدومه جوا حضنك
!!!راااح فين؟؟ معقوله كان هنا
ولا ده طيف..!! معقوله يسبني بالسرعه ده
أبداً...ده أكيد راح يجيبلي هديه
مهو مش معقوله يكون راح تاني
أصل اللي بيروح مره مبيرجعش تاني
استحاله يقدر على القسوه والبعد
ده هو نبع العطف والحنان
وإزاي يسبني شريد !!...في الدنيا وحيد
ده أكيد زياره سريعه....تصبيره ليوم اللقا
ده وحشني أوي...تعبيرات ملامحه لسه بتعاكسني
لسه سمعا رنة ضحكته
لسه بتنفس أنفاسه ..لسه دفء لمسته
لسه نار حبه في عروقي ساكنه
لسه بتداعبني همساته...ده لسه وحشني مووت
بيزيد عليا الشوق...ويغلبني موج الحنين
اضم نظارته وفنجانه وأبوس هدومه
وأجري أدور على كل ذكرى في كل شارع
!!يمكن.... يجييني تاني
هنا ضحكنا........وهنا بكينا
هنا لعبنا.......وهنا غنينا
هنا هزرنا ....وهنا دموعنا هزتنا
هنا عاكسني....وهنا ضمني لحضنه
هنا خاصمني......وهنا صالحني
...هنا وهنا وهنا
وترميني موجه ورا موجه.. لموجه
وألف شوارع شافت حنيني له ..شافت فكري بيه
شافت قلبي بيدور عليه....شافت لوعة عيوني
شافت حزن فتتني....شافت رحله هدتني
شافت سواد الدنيا في عيوني ...لحظة ما يخاصمني
عرفتني الأماكن وعرفته.....شافتني ولا شافته
قالتلي : خلاص.... ما لكيش غير جنة الذكريات
ودعوه لرب العباد...يرحمك من كتر السهاد
!!!!!!ويقربك لحبيبك في جنة الخلد
خلاااااااااص يا عطر الحياه وشمس الأمان
خلااااص يا أغلى ما في الوجود
هتفضل في دمي وأنفاسي
هتمسح دموعي
هعيش بيك..وأستنى ألاقيك
في كل مكان وزمان
حتى تجمعنا الفردوس الأعلى
يارب العالمين


*****
الحمدلله
*****

الزمان: 2007/9/9


التوقيت :12 ظهرا

المكان: الاسكندريه - في سيبر ما


الحدث: كانت البدايه من 365 يوم


يومها اخدت القرار ونزلت اول بوست وكان بعنوان روعة الإحساس

(اللي قريتوه فوق)
كان جويا افكار كتييييييير ومشاعر اكتر بكتييييير


وتساؤلات اكتر واكتر ...أهمها ، هل ممكن ييجي يوم ويتلامس عالمنا الخيالي بواقعنا؟؟


وده أجمل ما حصل


يومها وبالضبط الساعه 1ظهرًا ل 1 ونص تقريبا


الجو قلب فجأه وتشششششششش


مطر آآآه والله مطر جامد كمان وفي سبتمبر


حسيت إن السما والكون.. ويايا فرحانين بيا


هتقوله مجنونه...وماله


مش انا كنت مزأططه بالشتا


وقضيت الوقت كله تحت المطر


أتاري حبات المطر كانت شيلالي أفراح كتييييير وأحزان كتيييييير



وصداقات وتفاعلات مع مدونين كتييييير


بحبكم أوووووووي


وانتم أملي في بكره

********************
تحديث : بعتذر اني اتاخرت في الرد عليكم في البوستين اللي فاتوا
والحمدلله رديت خلالالالالالالاص

78 comments:

لماضة said...

كل سنه وانتي طيبه يا زمردتي
ودايما منوره البلوجر
ياه كانت بتشتي
امال ايه المسمط اللي احنا عايشين فيه ده
سبحان الله

قلب مصرى said...

كل سنة وانتى بخير وسعادة وعقبال ما تحتفلى بعيد الميلاد العشرين للمدونة

رحــــيـل said...

كل سنه ومدونتك بخير

كلماتك اثارت بداخلى احاسيس كثيره

فكان لازم اعلق

بجد جميله ومؤلمه

يارب تكونى بخيييييييييير
وحشانى وابقى اظهرى وبانى
وش بيغمز

Jack Sparrow said...

هابي بيرث داي تو المدونة
تعيشي و تفتكري يا اخت زمردة

تحياتي

romansy said...

عيد تدوين سعيد يا زمردة
عيد تدوين سعيد
بس لية عتاب عندك
مكنش لازم صورة التورتة والناس صايمة
جريتى ريقى قبل الفطار
يا اخواتى صايم وراجل شقيان
وزمردة عيزة تفطرنى حتى ف رمضان

blue-wave said...

اولا كل سنه وانتى بالف خير
ثانيا بوست روعه
كلمات ايه واحساس ايه
بجد تسلم ايدك

سلوى said...

كل سنه وانت طيبه وبخير يا زمردتي :)

عارفه عيد ميلاد مدونتي كان يوم 6 يعني
أنا سبقت ب 3 أيام بس :)

دايما يا عزيزتي منورة التدوين إن شاء الله

البوست جميل يا زمرده
وحزين

ربنا يوفقك دايما

كيارا said...

كل سنه ومدونتك طيبه

وبجد مدونه جمييييييييييله

عاشــــــ النقاب ـقــــة"نونو" said...

السلام عليكم
كل عام وانتي الى الرحمن اقرب
العام القادم اجمل واحلى مدونة ومن نجاح لنجاح يارب
رمضان كريم حبيبتي

أسير حبيبتي said...

السلام عليكم

كل سنة و انتِ و مدونتك طيبين

لما ده كان اول بوست ليكي
يبقى البوستات اللي بعده كانت عاملة ازاي

كلمات رقيقة اوووي كادت ان تبكيني بجد و الله مش مجاملة
لأن الاحساس كان عالي اوي و كلامك البسيط وصل لي الاحساس ده بسهولة

بجد حاسس اني خسرت كتير اني عرفت مدونتك متأخر

ادام الله رقة احساسك و ابداع قلمك

انا ودماغي said...

كل سنة و مدونتك طيبة و إن شاء الله نحتفل معاكى بالعيد ميلاد ال50

و المدونة بجد زى العسل

Soooo said...

كل سنه وانتي متمرده يا زمرده

وكل سنه ومدونتك مليانه مواضيع حلوه ويارب السنه الجايه مايكونش فيها اي مواضيع كده ولا كده

وعلى فكره
انا برضه على وشك اني اعمل عيد ميلاد المدونه بتاعتي

بس تصدقي .. انا لما ابتديت تدوين وجيت عندك كنت فاكرك بتدوني من بتاع عشر تلاف سنه ولا حاجه
يمكن عشان انتي بجد بجد دماغ مثلا !!؟؟؟



سلاموووووووووووز

A7MeD F@hMy said...

زمردة
ازيك الاول يا رب تكوني بخير و كله تمام
كل سنة و انتي و المدونة طيبين
و عقبال 2315464 سنة
اللي يشوف كلامك علي فكرة يقول فعلا انك بتدوني من زمان مش من بس سنة
نورتي عالم التدوين كله

بعد اذنك بقي انا عامل قايمة مسميها بوستس بحبها هاحط فيها لينك اول بوست ليكي
اد ايه جميل بس مؤلم...اوي كمان

دة بالنسبة للبوست
انتي كنتي طلبتي مني لينكات لبرامج مونتاج انا جبت لك دايريكت لينكس لليوليد كامل بالكراك بالفلاتر بكونتنت باكيج بباور باكيج بكل حاجة و هو الستوري بورد بتاعه سهل جدا و يوسر انترفيس جميل اوي

اللينك اهو
http://www.fci4all.com/forums/index.php?showtopic=9337

كمال سلطان said...

اولا كل سنة وانتى طيبة ورمضان كريم

ثانيا مدونتك هايلة جدا ورومانسية جدا وخصوصا صوت تامر حسنى

alexandrany said...

يا ستي كل سنة وانتي طيبة
بقى هو ده اليوم اللي هليتي فيه علينا يا زمردة
:)
مش عارفين من غيرك كنا عملنا ايه من غير لحظات حنين
هههه
كل سنة وانتي طيبة ورمضان كريم

همس الاحباب said...

او لا كل سنة وانتى طيبة
ورمضان كريم
ورائع جدا جدا
البوست بصراحة
وخاطرة اكثر من رائعة
تحياتى وتقديرى

(احمد سكر ) said...

زمــــــــرده

المتـــــــمرده

وبندقه الغلبانه

كل سنه وانتم طيبين

وبتشجينا بكتاباتك الرائعه الجميله

كل سنه ومدونتط طيبه

كل سنه وقلمك جميل بيشجينا

بياخدنا معاه

نحلم معااه

نعيش جوا حروفه

نطير بين كلماته

نبحر فى جمله

وشكرا على صداقتك الجميله

احمد

MKSARAT SAYED SAAD said...

لالالا
البوست ده عايز يتجهز الرد عليه بعد الفطار علشان فيه حاجات كتير اوي
صديقتى الجميلة زمرده البحر
ما كل هذا
حتى اعود اترك لك تحياتي
سيد سعد

زُمُرده said...

*** لماضة***

وانت بألف صحه وسلامه
تخيلي ....كان يوم عجب
بس جمييييييل
ايه رأيك في البوست بقى؟؟
منوراني دايما

زُمُرده said...

***قلب مصرى***

وانت بألف صحه وسلامه
العيد ال20 يااااااه
مين يعيش
منورني دايما

زُمُرده said...

*** رحــــيـل ***
ازييييييييك
كل سنه وانت دايما هنا جنبي وبآرائك ويايا
وبأحاسيسك مشركاني
مهو وساعات الألم على اد وجعه بس بيسيب ذكرى واحساس بدفء غريب
وكل ما تفتكريه تبتسمي من ألمك
انت وحشاااني جدا
ما انا ظهرت لقيتك مستخبيه مني
هههههههههههه
عنتين بيغمزوا

زُمُرده said...

*** Jack Sparrow ***
شاكرين مهللين
يااااااه
ممكن اعيش وانسى وممكن افتكر واموت
منورني دايما

زُمُرده said...

*** Jack Sparrow ***
شاكرين مهللين
يااااااه
ممكن اعيش وانسى وممكن افتكر واموت
منورني دايما

زُمُرده said...

*** romansy ***

عيد سعيد بوجود كل الناس حواليا
ياسلالام يا سلالالالالام
هبقى اكتب المدونه مفتوحه من بعد المدفع وحتى آذان الفجر
واللي يجي بعد الفطار عنده الاطباق والتورته تحت امركم
نورني دايما

زُمُرده said...

blue-wave

اهلا اهلا بالدكتره
كل سنه وانت بخير وفرحه وسعاده
ومنورني دايما طبعا
وش مكسووووووف
تسلم العيون اللي قرأت والاحساس المرهف اللي تأثر
يارب يكون عجبك اوووي

زُمُرده said...

*** سلوى ***


كل سنه وانت منوراني دايما وبصحه وسلامه
ياسلالالالالالالالالام
شوف الصدف الحلوه
المهم ان البوست عجبك حتى لو كان حزين
فبعض الحزن مريح وان كان مؤلما
متحرمنيش من طلتك

زُمُرده said...

*** كيارا ***


كل سنه وحبايبي كلهم هنا
منوراني
مرسيييييي
هستناك تاني

زُمُرده said...

***عاشــــ النقاب ـقــــة"نونو" ***


وعليكم السلام
يااااااااااارب
ربنا يسعدك
الله اكرم

زُمُرده said...

**** أسير حبيبتي ****

اهلا اهلا ا/ عدنان
وعليكم السلام

وانت طيب وبخير وصحه وسلامه

هههههههههههه
هتكون البوستات عامله ازاي؟؟؟
زي كل البوستات

لالالالالالا كله الا البكاء
اللي ينورني يضحك ويتبسط

بفرح اوووووووووي
لما احساسي بيأثر في حد ويشاركني فيه

لالا ندم
المدونه تحت امرك
الفرجه ببلاش
ههههههههه

متخرمنيش من نورك

Hannoda said...

ايه الكلام ده يابنتي

قريته كاني أول مرة أقراه

حسيته قوي بكل تفاصيله و أماكنه

.. بس المفاجأة في يوم المطر

اليوم ده عرفته
كنت أنا في مصر
غرقانه في خوفي من قرب نهاية الأجازة

كنت في حديقة الحيوان
قلبي اتنطط مع فرحتي بالمطر

وولاء كانت على التلفون من قطر و بحكيلها الفرحة اللي أنا فيها

تعرفي وحشتيني قد ايه

حاسة البعد بقى قد ايه؟

إوعي تزعي مني يو على إحساس كان نفسك تحكيلي عنه و مالقتنيش
إوعي تزعلي مني على لحظة وقفت فيها قدامك وبصيت لوشك و ماشفتش اللي مالي قلبك
إوعي تزعي مني على حزن ماي قلبك كان نفسك أمد ايدي و أسحبه من جواكي و لقتيني واقفة مبمة مشغولة بأحزاني أنا و تايهة فيها

طيب بصى

إزعلي مني وعاتبيني قوي و إغضبي كمان.. بس روقي بسرعة و إعرفي اني مستنياني و عاوزاكي تستنيني معاي
وحشاني

كل سنة و انت طيبة

عاليا حليم said...

كل سنة و أنتي طيبة يا قمر

بوست ظريف أوي
:)

زُمُرده said...

*** انا ودماغي ***


وانت طيبه وبالف خير

العيد ال50 ياااااااه ربنا يديكي طولت العمر

مرسييي
نوريني دايما

زُمُرده said...

***** Soooo *****

كل سنه وانت صديقي اللدود
وش مطلع لسانه

مدونتي بتسلم عليك ويتقولك والله طلتك بتنورها بججججججد
متحرمهاش منها

مواضيع كده وكده؟؟؟
لالالالالا مفيناش من كده وكده
هههههههه

لازم تعزمني في عيد ميلاد مدونتك مليش دعوه
انا كنت من الاوائل فيها
يعني حقي نص التورته
ههههههه

محسسني اني دماغ وطلعلها زوائد
تخيل انا برضه
لما زرتني اول مره في البوست اللي كان بعد ده
وبديت انط عندك
اقصد قعدتلك وربعت في المدونه
كنت فكراك بقالك فتره
بس بجد
ايام مش هنساها
فاكر اول خناقه
هههههههههههههه
انا فاكره

كل مره سلامووووووووز

مفيش مانجه
ههههه

زُمُرده said...

**** A7MeD F@hMy ****
ازيك يا رومانسي

الحمدلله كله بخير
وانت طيب دايما
مش كتييييييير اوووي الرقم ده
المدونه والاحفاد بقى
ههههههه
من زمااااااااان
ااااه مش لحظات حنين بتطوف في قلوب البشر
يبقى بقالي من قبل الميلاد
هههههههه
والله ده يفرحني وجود شيء ليا في مدونتك
اهو ويفكرك بيا
هههههه
ساعات الألم على اد وجعه بس بيسيب ذكرى واحساس بدفء غريب
وكل ما تفتكره تبتسم من ألمك
يبقى حلو ومؤلم اووووووي


مرسيييييييييييييييييي جدا

زُمُرده said...

*** كمال سلطان ***

وانت طيب وبخير

مرسيييييي جدا

تامر هنا شويه وبكره يمشي بقى
ههههههههههه
نورني دايما

زُمُرده said...

**** alexandrany ****

انت طيب يا حفيد ستو انت يا عسسسسل

ههههههههه
ستك
ماش

ااااااااه هو ده اليوم الاغبر الممطر الحار

كنتم هتعملوا ايه
محشي فوانيس
ههههههه
كل سنه وانت منورني دايما

زُمُرده said...

**** همس الاحباب ****

ازييييييييك يا خلوووود

وانت طيب وبخير وصحه
ومنورني دايما
ههههههههههه
الله اكرم
مرسيييييييييي

زُمُرده said...

***** احمد سكر *****

اهلالالالالالالالالالالالالالا
بالسكر كله

اولا بندقه مش غلبانه
بندقه طيبه وقويه

ثانيا كل سنه وانت طيب وصديق غالي عليا
وكل سنه وانت بخير وسعاده وكل احلامك بتتحقق


ايه ده كله ده
كل ده فيا انا وفي كلماتي

دي مجرد حروف بتعبر عن بعض مني

متحرمنيش من زيارتك

زُمُرده said...

***** MKSARAT SAYED SAAD *****

يا مرحبا يا مرحبا
ابو والمسكرات في دارنا

بعد الفطار
امممم
ناوي تحلي بيه
اوووووك
----------
صديقتى الجميلة زمرده البحر

-----------------
جمييله اووووي

احرجتني
بس برضه مستنيه التعليق
وخد بالك الحجز ممكن يروح عليك
هههههههههه

زُمُرده said...

***** Hannoda *****

هنووووووودتي
نور قلبي
وحشاااااااااااااااااني

كلالالالالالالالالام ايه

انا كل ما بقرآه بحس انه اول مره
واعيييييييييشه اووووووي
بكل حرووووفه

بالرغم اننا كنا ع ارض واحده وبعااااد اووي بس احساسنا بالمطر واحد
ايييييييييييييييييييه امينه رزق ازيها؟؟؟؟
يمكن بتعدي لحظات
ودقايق وساعات بتمنى وجودك جنبي اووووووووووووي
عيني تدمع وابقى عارفه اووووي انك ويايا مهما كنا بعاد
وعارفه اكتر اد ايه انت كمان محتاجه وجودي
متقلقيش عماااله احوش واحوش
وانا ليا مين غيرك
عارفه بتنرفز امتى
؟؟؟؟
لما بترنيلي ع السحور ولا الفطار وملحقش اكنسل
اما لاني مفيش رصيد او لان الشبكه بتبقى سيئه
وحضرتك هاريه البشر رنات ومشغوووووله
غمزه
مستنيااااااااااااااك مهما طال عمري
في حلوي ومري
وحشاني دي صغيره اووووووووي
وبعدين انت هتنزلي ان شاء ربنا في احلى وقت
يلا هانت كام يوم وهتصل اقولك........لالالالالا دي مفاجاه
هههههههههههههه

خد بالك منك اووووووووي
علشاني انا

زُمُرده said...

*** عاليا حليم ***

وانت طيبه وبصحه وسلامه

مرسييييييي

ojg said...

كل سنة ومدونتك بخير
وكلامك منورها
:)

على فكرة انا جربت الاحساس ده
:((
البوست كلماته حلوة اوي
تسلم ايديكي

نبراس العتمة said...

لي سعة من الفرح لأن أزورك في يوم للذكرى..هي أول زيارة لهذا العالم الاستثنائي الأسكندراني المصري..
دمت كما أنت جميلة كمدونتك
مودتي

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

محمد عبدالجليل said...

مركز ضحايا لحقوق الانسان بالاسكندرية يهيب بكل الناشطين والاعلاميين والصحفيين ولجان حقوق الانسان للمشاركة فى المؤتمر الصحفى الحاشد من وراء اغلاق مدرسة الجزيرة بالاسكندرية جريمة تشريد الف تلميذ بالاسكندرية باغلاق مدرستهم فى اول ايام الدراسة وذلك يوم الجمعة الموافق 19/9/2008 فى تمام الساعة التاسعة مساءا بنادى المحامين - كورنيش جليم - الاسكندرية

نهر الحب said...

كل سنة وانتى طيبة
ودايما متألقة ومتواجدة بقوة احساسك وجمال اسلوبك بينا

رمضان كريم

raspoutine said...

تعليقك عندى النهاردة لما قريته خلانى ابتسم
ابتسم بجد
انا متشكر ليكى جداً لانك قدرتى ترسمى ابتسامة على وجهى بعد فترة غياب طويلة عن الابتسام الحقيقى
بجد متشكر


بالنسبة للبوست بتاعك فأنا لما قريته اول مرة مقدرتش استوعبه يمكن عشان كنت لسة صاحى من النوم اصل انا من ساعة لما جييت من السفر وانا بنام ليل نهار
لكن لما قريته تانى بجد حسيت قد ايه انتى وصلتى بينا لادق التفاصيل فى عالم الخيال

تحياتى لكى يا جميلة

ايمن فاروق

MKSARAT SAYED SAAD said...
This comment has been removed by the author.
MKSARAT SAYED SAAD said...

الأخت والصديقة العزيزة جدا عندي عروسة البحر زمرده
أولا كل سنة وانتِ طيبة يا جميله ومدونتك جميله وتبقي دايما يا رب في وسطينا
اول لما قريت البوست لقيت مجموعة مشاعر متداخله زي ما تكون دوامه عماله تلخبط كل الاحاسيس على بعضها لكن الغالب عليها هو الحزن وطعم الفراق
أحساس وحش بخلي توازن الواحد يختل بصورة صعبة قوي جوى نفسه ومع الغير اكيد قوتة بتقل مع الوقت بس بعد لما الامور تستقر نوعا ما الواحد بيلاقي نفسه خر=سران حاجات كتير ممكن ما يخدشي باله منها كلها الا لما حد يقوله
أعتراضي على بس على الضمائر في التعبير وارجح حاله كتابة دية نتيجة الصعبة اللي كانت خلال الكتابه
انتِ عارفة يا عروسة البحر بعض الخطوات على طريق حياة أي فرد منا
آثارها عباره عن وجوه متعددة الجنسيه لماضيه بتستمر في التعدد والتراكم طالما أن عنصر الزمن واقع مؤكد
المهم بعد لما قريت الكلام اللي انا علقت عليه لقيت تورته جميله والواحد صايم قولت يا واد مش مشكله برده عروسة البحر غاليه علينا وعجبني حاجه جميله مكتوبة تحت التورته اقصد التاريخ والزمان والماكن اللي عملتي فيه المدونة بتاعتك ورجعت مره واحدة وقفت عند السؤال بتاعك ده
هل ممكن ييجي يوم ويتلامس عالمنا الخيالي بواقعنا؟؟

متهيألي لو ده حصل هنتحرم من مشاعر تانية زي الحلم و الشوق و اللهفة وهيبقي كده الخيال مش موجود وبقت كلمه واقع هي بس اللي موجوده في حياتنا وده مش هيبقي حلو لأن زي ما في حاجات بيقي هنتجنن ونلمسها في حاجات تانية بيبقي نفسنا تتمحي من كل حياتنا من كل لحظة في عمرنا علشان كده متهيألي لو ده حصل الدنيا هتتغير كتير ومحدش برده هيرضيه حاله

المطر والدنيا بتشتي :
حاله جميله بحبها قوي ويمكن ده من اقوي الحاجات اللي ربطاني باسكندرية ليها جو وطابع غريب بيوصلي دايما احساس بالراحه النفسية عالي قوي علشان كده بحب اسكندرية
بالنسبة للمدونة والتدوين فعلا عرف الواحد بصداقات كثيرة مكانش الواحد هيعرفها بسهوله وبقي كل واحد يقول للتاني اللي جواه بسهوله ويعبر احاسيس وغير يقوله رأيه بصراحه فيها
اتمنى لمدونتك التوفيق واكيد لعروسة البحر اللي هو انتى الخير والسعاده وعقبال مليون سنه
اخوكي
سيد سعد

Beram ElMasry said...

سيدتي سيدى
السلام عليكم ورحمة الله وبركاته
ان شاء الله يوم الثلاثاء القادم 23 - 9 ساقدم عملا جديدا فى مدونتى ، ارجو من الله ان ينال منكم القبول ، فلا تحرموننى الزيارة والنقد والتوجيه
ولكم كل الاحترام والتقدير

الصديق المخلص said...

ازيك يا زمردة أخبارك اية وحشنى جدآ بقالى كتير قوى ما جتش هنا كل سنة و انتى طيبة
انا مش حعلق على حاجة علشان انا جى اسلم عليكم وبس و الحمد الله انك بخير

رئيس جمهوريه نفسى said...

جيت وقريت ومشيت وجيت وقريت ومشيت وجيت وقريت ومشيت وانا مش عارف اكتب تعليق
ومش عايز اقول كل سنة وانتى طيبة ومنورة مدونتك واخرج
البوست سهل قوي فى نعومة الكلمات والانسيابية بتعتها وتدفقها حسيت في لحظة انك كنتى ماسكة قلم والكلمات بتتدفق وبتترسم قدامك
والبوست صعب فى شعورة احساس الافتقاد لانسان عزيز علينا اى ما كان هو مين بنحس اننا فى حاجة لية بنشتم عطرة وانفساة في حجاتة اللى قدامنا وبنجري فى الشوارع ندور علية فى اى مكان كنا فية مع بعض
كل سنة وانتى طيبة

prince4ever said...

بوست روعه يا زمرده
احساسك جميل و كلامك اجمل
ولا عجب طبعا ان مدومتك ناجحه ما شاء الله
وكل سنه وانتي طيبه وعقبال ميت سنه من النجاح المتواصل
تحياتي
رامي

زُمُرده said...

*** ojg ***
كل سنه وانتبخير وصحه وسلامه و منورانا دايما
وايه اخبار الاحساس بقى؟؟؟؟
تسلمي يا قمر

زُمُرده said...

*** نبراس العتمة ***

ماهي الايام الحلوه بتهل بالناس الحلوه
باذن الله متكونش الاخيره
ومنورني دايما في عالمي السكندري

زُمُرده said...

*** نهر الحب ***

وانت طيبه يا عسل وبخير دايما
اشكرك على كلامك الجميل
نوريني دايما

زُمُرده said...

*** raspoutine ***

الحمدلله
اجمل شيء يا ايمن لما تقدر ترسم بسمه على وجه انسان
ده بجد شيء يسعد جدا جدا
الشكر لله اللي قدرني ويسرلك الابتسامه
الحمدلله
يعين قايم من النوم على البوست كده
كده هتطير النوم بقى
هههههههههههه
الحمدلله ع السلامه وتتظبط مواعيد النوم
باذن الله
اشكرك يا ايمن وابقى نورني دايما

زُمُرده said...

***** MKSARAT SAYED SAAD *****

اهلالالالالالالالالالا
ازيك يا ابو احلى مكسرات
ازيك يا سيد ؟؟؟كل الكلام ده عليا
وش احمررررررررر
هو بالفعل دوامه مشاعر واحاسيس يمكن نكهة الحزن ملياها
بس في احساس بالطمأنينه بين سطورها وراحه جميله
ساعات الحزن لما بيعدي ويمر ويبقى ذكرى يسيب طعم غريب
كل ما تفتكره تبكي وتضحك وتحس دفء عجيب جواك
مش دايما فراقنا بيكون خيارنا
ساعات الدنيا بتاخد منا حبايبنا خطف منا بدون استئذان
بدون تمهيد
وتتعطف علينا بشويه ذكريات , وفيها نتوه ونتوه ونفضل لحبايبنا فاكرين
============
انهو ضماير اللي مش شايفها متناسقه؟؟؟
لالالالالالالالالالازم تقولي
==============
اتفضل التورته كلهاااااااا...بس بعد الفطار
اما سؤالي وجوابك
فالخيال ليه طعمه واحساسه وكفايه انه بياخدك لاماكن مرحتهاش
وتعيش احاسيس لو فضلت في الواقع مش هتحسها ابدا
بالواقع تحقق الخيال
انما واقع بس او خيال بس
لالالالالالالالالالا
==============
المطر والبحر احلى ما في اسكندريه ولو كنت عل البحر وقت المطر
فده احساس روووعه
بالنسبه للتدوين فعندك حق
فالتدوين علمني كيف اتكلم
كل سنه وانت بخير وصحه وسعاده ومنور زمرده (عروسة البحر)
دااااايما زي ما عودتها

ربنا يديم الود

زُمُرده said...

*** Beram ElMasry ***


باذن الله

زُمُرده said...

***الصديق المخلص ***

مش معقوووووووول
حمدلله ع السلامه
فينك بقى مختفي؟؟؟؟
بجد انت شخصيه محترمه جدا
اشكرك ومرسي على احلى زياره

زُمُرده said...

**** رئيس جمهوريه نفسى****

يا محمووووووووود
كفايه انك افتكرتني وطليت كتييييير عليا
وانت طيب وبخير وصحه وسلامهومنورني دايما
هو احساس كلنا بنمر بيه وعلى حسب قرب الاشخاص منا بيكون قدر احساسنا
اشكرك ونورني دايما

زُمُرده said...

*** prince4ever ***

ازيك يا دكتور رامي
مرسي جدا على كلماتك الجميله
كل سنه وانت طيب وبخير وصحه
نورني دايما

احمد الجيزاوى said...

استاذة زمردة
اولا كل عام وانتى بخير وفى التدوين منورة
احيكى على المدونه الرائعه والتى بها خط رومنسى جميل جدا بعشقه اوى
انا وزوجتى شاهندة
فتحيه رقيقه لك

كنت عوز بس كمان اقولك انى صورة الحمامه انا والله جبته من على نت بحث جوجل ولو كنت اعرف انه بتعتك كنت استاذنت طبعا ولان انتى لكى حريه الخير لو عوزانى اشله واغيرة انا تحت امرك
بس انا بستاذنك فيه لانه بجد صورة حلوة اوى

اخيرا
اتمنه ان نراكى انا وزوجتى قريبنا فى اى مناسبه خير ان شاء الله

تحياتى لكى
احمد الجيزاوى

Manamino said...

كل سنة ومدونتك الجميلة طيبة وبخير وصحة
وكل سنة وهي جامدة وجميلة وبتأثر فينا مع كل بوست جديد
تحياتي

Tamer Alhosiny said...

عزيزتي زمردة
اولا انا سعيد جدا باني بدخل المدنة بتاعتك لاول مرة في احتفالها ب عام كامل علي انشائها
اشكرك علي الصور الجميلة والموسيقي الرائعة

وسعيد اكتر اني قرات الموضوع الجميل ده
الاي بجد بعتبره اجمل بداية لمدونة جميلة زي دي

وعلي فكرة انا اتكلمت في نفس الموضوع ده
عن الذكريات بشكل مختلف
في موضوع في مدونتي اسمه نستولوجيا
اتمني تقرئيه ويعجبك

http://teeblogspot.blogspot.com/2008/08/blog-post_16.html

تحياتي
انسان عاشق حر
تامر الحسيني

Eman Eltaher said...

كل رمضان و انتى بألف خير

انا كمان بحب المطرة اوى
و بحب جنون المشى فيها

دى اول زيارة
تقبلى مرورى

Beram ElMasry said...

عزيزتى زمردة
الف شكر للزيارة والتعليق ، وبعدين حرام عليكى بقالى ساعة وانا تايه فى الحجات الفنية الجميلة فى مدونتك ، مش عارف اشارك فين ، واعملى حساب الغلابة امثالى
لا تحرمينى الزيارة والتعليق على باقى الموضوعات ،الدخول عندنا ببلاش

همس الاحباب said...

كل سنة وانتى طيبة
وعيد سعيد عليكى وعلى اسرتك
يارب تكونى بخير
ابقى طمنينى عليكى
ومن ساعة عين الحلة محدش شافك
اكيد بتقولى غلطة وندمان عليها
هههههههه
تحياتى

Beram ElMasry said...

سيدتى
عيد فطر سعيد اعاده الله عليكم باليمن والخير والبركة ، وادام سعدكم وحقق احلامكم

عايش ولكن said...

كل سنه وانتى طيبه
وعيد ميلاد صعيد للمدونه
دمتى بكل الود
علاء

بيكر(baker) said...

كل سنه و انتى و المدونه بالف خير و عيد سعيد كمان

(احمد سكر ) said...

كل سنه وانتى طيبه

يا متمرده

عيد سعيد عليكى

مهند said...

السلام عليكم
عيد سعيد وكل عام وانتم بخير

مهند المصرى

زُمُرده said...

*** احمد الجيزاوى***

كل سنه وانت وزوجتك خير وعيد سعيد عليكوا


انا كمان اتمنى القاكم قيب
ياااااارب

هو بس احساس صعب لما تلاقي صوره انت صورتها بفكر معين وليها جواك مكان
وخصوصا ان الحمامه اللي فيها انا بووومت فيها كمان
وتلاقي حد اخدتها بسهوله كده من غير اي كلمه او اشاره ليك
صدقني بتوجع اووووي

عموما انت احرجتني بذوقك جدا جدا بجد
ومفيش غير اني اسيبهالك ذكرى
خصوصا انك مكنتش تعرف

وشكرا ع اهتمامك بالرد
واعذر تاخيري لظروف كده
لعلها خير
وشكرا

زُمُرده said...

*** Manamino ***

كل سنه وانت طيب وبخير وسلامه ومنورني دايما
يارب
مرسي جدا ع كلامك

قلب شاعره said...

ايه يابنتى الكلام ده .. ابكتينى والله .. كلامك مؤثر جدا ومعبر وبيشد خلانى اقراه كله ..
بس يايرت تقولى منين جبتى فكرة الكلام ده ولا ده حقيقى ولا ايه ..
اول مره ازور مدونتك ومش اخر مره ان شاء الله ...

Anonymous said...

情趣用品,情趣,A片,AIO,AV,AV女優,A漫,免費A片,AIO交友愛情館,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,情色論壇,色情影片,微風成人,嘟嘟成人網,成人,18成人,成人影城,成人圖片區,成人圖片,成人貼圖,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,視訊聊天室,視訊聊天

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

情趣用品,情趣,情趣商品,A片,AIO交友愛情館,AIOAV女優,AV,A漫,免費A片,本土自拍,自拍,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,色情影片,情色網,色情網站,微風成人區,微風成人,嘟嘟成人網,成人,18成人,成人影城,成人圖片區,成人圖片,成人貼圖,成人文章,成人小說,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,中部人聊天室,080苗栗人聊天室,苗栗人聊天室,免費視訊聊天,免費視訊,視訊聊天室,視訊聊天

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,AIO交友愛情館,一葉情貼圖片區,情色論壇,色情影片,色情網站,微風成人區,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,A片,AV女優,AV,A漫,免費A片,自拍,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,080苗栗人聊天室

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,做愛,寄情築園小遊戲,色情遊戲,AIO交友愛情館,AIO,色情影片,情色網,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,成人電影,麗的色遊戲,自拍,A片,AV女優,AV,A漫,視訊交友網,視訊,視訊交友,免費視訊聊天室,免費視訊,視訊聊天,視訊聊天室,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘