انت فرحي اللي عاش يا عنيه ..وانت ..انت اللي خايفه عليا

انت فرحي اللي عاش يا عنيه ..وانت ..انت اللي خايفه عليا

Tuesday, November 11, 2008

الحمدلله





مش عارفه ابدأ منين


بس انتم وحشتوني جدا جدا جداااااااا


محتاره اوووووي


يمكن المدونات مش مكان ننقاش حياتنا الشخصيه


بس يمكن يكون حقكم عليا اقول انا فين


وسبب غيابي خصوصا اني باينلي قلقتكم عليا اوووي ولسه هغيب شويه


وآدي الحكايه...ومش عايزين قلق ودموع
إطلالالالالالالالالالالاقاً
علشان مزعلش وانا زعلي وحححححش


قدر الله اني اعمل عمليه جراحيه وتنجح


بنسبه 50% (الحمدلله على كل حال) ومقدرش آجي اطل عليكم


ولا ازوركم وده تاعبني اووووي


والحل اني هعمل عمليتين تانين غالبا


(الحمدلله....لاني بشيل من سيئاتي وبزود رصيد حسناتي)
انا بخير وسعيده وناقصني الاقيني بينكم


ياريت تعذروني لاني مش هنزل بوستات غير


لما اكون قادره ازوركم واعلق وارد على تعليقاتكم


وبجد كل اللي سالوا عليا مش لاقيه كلمه شكر ليهم توفيهم حقهم


بس اقدر ادعي ربنا يقدرني اكون جنبهم دايما


ويرضيهم ويجمعنا في جنته


والى لقاء قريب باذن الله


زُمُرُده

22 comments:

romansy said...

ياااااااااااااااااااااه

حمد الله على سلامتك

ترجعلنا بالف سلامه يا زمرده

بس ايه الغيبه الطويله دى

واحشنا فعلا والله

امبارح كان عيد ميلادى

بس انا اكيد هعذرك
انك مش جيتى تحضرى
وتجيبى الهديه

ربنا يرجعلك لينا بالسلامه

ويوفقك فى شغلك

رندا said...

حبيبتى
لو تعرفى كنت بدعيلك قد اية
لو تعرفى كنت حساكى اد اية
مش قادرة امسك دموعى
لازم بس اقولك كلمة واحدة
انا بحبك اوى
وقلبى بيدعيلك اوى
ربنا يعفوا عنك ويبعد عنك اى شر واى مرض
وكلة خير ان شاء الله مش تخافى
ربنا حنين اوى اوى
معلش
هرجع هنا تانى اصلى مش قادرة
اكمل

blue-wave said...

بجد الف حمدالله على السلامه
وربنا يتملك الشفا يارب
دعواتنا زقلوبنا كلها معاكى

حبيبه said...

الف سلامة عليكي ويارب ترجعي من تاني ويكمل شفاكي علي خير ان شاء الله

سمكه واحده said...

الف الف الف حمد الله علي سلمتك يا زمرده
اي نعم انا معرفكيش بس سمحيني بقي وانتي غايبه دخلت مدونتك مهو اصلك سبتي الباب مفتوح ونسيتي المفتاح فشوفتها وشوفت اللي فيها وعجبتني الشخصيه الرائعه دي فعجبتني جدا وحسيت اني اعرفها بجد الف سلامه عليكي ويتم شفاكي علي خير وفعلا ناس كتير كانت بتسال عليكي واضح انك غاليه اوي يا دودو ربنا يرجعك بالسلامه يارب
كمان عاوزه اقلك اللي خلاني احب مدونتك اكتر الاغنيه التحفه اللي حطاها رغم انها بتخلي الواحد شويه وهيعيط بس بتفكره باحلي ايام عمره
يارب يتم شفاكي علي خير ياقمر
بجد بجد وحشتينا كلنا ياله بقي اشمعني انا
هههههه

زُمُرده said...

*** romansy ***

Happy Birthday 2 U
Happy Birthday 2 Ahmed
sana 7lwa ya gamil
yla 7aln baln 7yoo abo el-fasad
hykon 3eed melado el-lilah agmal el-a3yad

fl y7ya abo el-fasad

hoooooooooooooooof
كل سنه وانت طيب
وعقبال 3555 سنه

ملقتش هديه غير اني اروح بنفسي اغنيلك
ربنا يديم الاعياد عليك
وشكرا على سؤالك عني واهتمامك

زُمُرده said...

***** رندا *****

لالالالالالالالالالالالالالالالا مكنش الاتفاق
قلنا مفيش دموع
انا مش زعلانه بالعكس
في فوايد كتييييييييير
من ورا اللي حصل وكله خير
وحسنات وثواب

امسحي دموعك
وصلي وادعي
اهو دعائك لاخيك بظهر الغيب

ربنا يخليكي ليا
وميحرمكيش مني ابداااا

انا بمووووت فيك

زُمُرده said...

**** blue-wave ****

د/عمرو

ازييييك
الله يسلمك
ياااااااااارب
آمييين

شكرا على زيارتك ودعواتك
وحشتني اشعارك وبوستاتك

سمكه واحده said...

بجد والله يا زمرده لما دخلت مدونتك حسيت احساس غريب جدا رغم اني منكرش ان في مدونات تحفه جدا ماشاء الله المدونات كلها تحفه بس دي مستني اوي يكونش ياقمر ان احنا من نفس الهوي والتراب والبحر يكونش
بجد مش عارفه اوصفلك احساسي ايه بس بجد يارب ترجعي بالف سلامه
وطنيني عليكي
سمكه ياتري تتقبلي نبقي اصحاب واعط في مدونتك برحتك مهو بقي برضاكي غصب عنك هدخل منتي مش هتبقي موجوده فالزوق مفيش احسن منه ههههه
تسلمي يا قمر
سلام

عدنان أحمد said...

السلام عليكم

حمدالله على سلامتك
و الله اني متأثر اوي بالموضوع ده

اهم شئ انك تصبري صبرا جميلا
أتم الله شفاكي
و جعل آلامك في ميزان حسناتك

و ان شاء الله ترجعي بألف سلامه
و تنوري البلوجر كله زي عادتك

و ربنا معاكي يارب

mohamed ghalia said...

ألف مليون سلامة
وربنا يحفظك ويرزقكك الصحة والعافية
دمتى بود وفى سعادة
ترجعلنا بألف صحة وسلامة

MKSARAT - SAYED SAAD said...

عروسة البحر
الف سلامة عليكي والحمد لله انك طمنتينا عليكي بجد انا استريحت لكن قلقت تاني
المهم تعملي العمليتين بسرعة وترجعيلنا بالسلامه
يارب ان شاء الله العمليتين ينجحوا وترجعيلنا احسن من الاول
هنتظرك
اخوكي
سيد سعد

فاتيما said...

سلامتك ألف سلامة يا زمردة
ربنا يطمنا عليكى يا رب
إن شاء الله ربنا يخفف عنك و يزيح من عليكى و تبقى زى الفل ...
إحنا ملقيناش نتعرف كفاية فى لقاء إسكندرية
بس حاسة إنك شخصية مميزة جدا
و بعدين كفاية إنك صديقة جميلة لهنودة القمراية ...
و كفاية يا ستى إنك من اجمل بلد فى مصر و الدنيا
تحياتى ليكى يا حبيبتى
و ألف سلامة عليكى

momken said...

كده؟؟؟؟؟

والله انتى اى كلام

طيب حتى فهمينى...لانك عارفه كويس انى زعلان منك جداً

الف سلامه عليكى يا زمرده
ويارب تقوى بالف سلامه

وترجعى تنورى الدنيا بحلها تانى
وتفرحينا بطلتك مع كل بوست جميل من ايدك

اد ايه انتى عظيمه
وكنتى بتستحملى رخمتى وانا بتنزفز بسبب حالتك النفسيه فى الفترهالاخيره
كنت بهاجم اسلوبك وطريقتك فى التعامل سواء فى المدونه او مع الناس

بس حقك غليا
انا غلطان وانشاء الله اصلحك لما تقومى بالف سلامه
وافضل اترجاكى لحد ما ترضى وتبتسمى

الف سلامه عليكى وربنا يجعله فى ميزان حسناتك

تحياتى

Hannoda said...

اييييييييييه ده

حمدالله على سلامتك يا زمردتي

ول اني مش فاهمة حاجة خاااالص

كده أعرف من المدونة مش منك
طيب!!!

ايه بس!!

كده؟

آلف سلامة عليكي يا حبيبي يارب تكوني كويسة من جوة و برة


أنا لاازم أشوفلي حل معاكي ..انت حاتجنيني

رئيس جمهوريه نفسى said...

الف سلامة عليكى يا زمردة وكلة في ميزان حسناتك ان شاء اللة وباذن اللة العمليات تنجح وترجعى تانى تنورى مدونتك ومدونتنا والبلوج سبوت كلة

إبـراهيم ... said...

حمد لله ع الســلامة يا ستي


وألف ألف سـلامــة عليكي
.
.
وتحياتي

رحــــيـل said...

زمرده الف الف

سلامه عليكى

ربنا يرجعك لينا بالسلامه وتكونى بخير دايما


ابقى من وقت للتانى ادخلى طمنينا عليكى

أسير الجراح said...

الف سلامة عليكى

يعنى يوم لما القى حد من اسكندرية يبقى انا وهو هنعمل عملية

اممممممممممممم

محتار اقول اية ترجعى بالف سلامة

والف سلامة يا زمردة

ربنا يحفظك وترجعى بالف سلامة



كل التقدير


اسير الجراح

همس الاحباب said...

الف مليون سلامة
وربنا يرجعك بالسلامة
والحمد لله على كل حال
معلش احنا مقصرين معاكى بجد
تحياتى

محمد فاروق الشاذلى said...

ألف سلامة يازمردة وربنا يتم شفاكى بإذن الله
وإن شاء الله ترجعى لنا قريب قوى وانتى فى احسن صحة وافضل حال

Ahmed Fahmy said...

ياااااااااه
انا و الله العظيم قلبي اتقبض كدة
قولي لي انتي فين طيب في عيادة ايه ولا مستشفي ايه؟
الف سلامة يا احلي زمردة ف الدنيا و مستنيكي ترجعي لنا علاطول و ربنا يشفيكي يا رب
:(
رومانسي