انت فرحي اللي عاش يا عنيه ..وانت ..انت اللي خايفه عليا

انت فرحي اللي عاش يا عنيه ..وانت ..انت اللي خايفه عليا

Friday, October 29, 2010

لون الاحلام


بريـشـة ألوان رسـمت ف الأحلام بيـتي
اللـبـني الصافي للسـمـا اللـي  مغـطـياني
والأصفر الفاقـع  للشـمـس اللي مدفــياني
لونت الأرض أخضر لأنها اللي معيـشاني
ومنستش البـحـر بأمواجه اللي دايما وخداني
والأحمر حبيبي اللي بيجري ف دمي وشرياني
والمــلك الأسود للبـدله والأبيــض لفـسـتـاني
جمعت ألوان الطـيـف ف بوكـيه تلقـفه صحباتي
قـلبي الأبيض الكرسـتالي توجت بيه حبيـبي
وشـخـصت  بألــوان  الورد  أهــلي ونـاسي
ما بين مجـامل وحـاقـد وتـايه وغـير مـبالي
ومـهـتم  وفـرحـان وجـواه  لـؤلـؤ صـافــي
لونت البيت أبيض ورسمت عليه قلوب وردي
حـفـرت حـروف أسـامـيـنـا بـلـون دمـي
وجـريـــت علـقــت سـتـايـري وبـراويـزي
فـرشـت سريـرنا ورتـبـت دولاب أولادي
وأكـّلـت سـمـكـي وكـمـان عـصـافــيـري
وفـضلـت اودع شـمـسـي وأحــضـن قـمري
خـيــــــم عـلـيا لـيـلـي وأنـــا لــــــــوحـدي
حــتى الـسـحـب.... خـبـت  مـني  قـمــــري
كــشـرت ....ثم ابـتـسـمـت بـلـون رمـادي
حـســـيـت بــريـــــــــاح بـتـخـلـع قــلــــبي
هـمـسـات وأصـوات غـريـبـه بـتـحـاوطـني
تن ..تن .... تشششششششششششششششش
مــطـر .... مطـــــــر عـنـيـف بـيـغـرقـــني
بصـيـت لبـيتي وجفوني اتجـمـدت من خـوفي
صرخت بعلو الصوت ... ساحت ألواااااااااااااني
وانــتـــهـــــــــــــت أحــــــــــــــــــلااااااامي


9 comments:

romansy said...

انتظر لحظه فهناك احتلال رومانسيا قادم
انتظر

انتظر


انتظر

romansy said...

من فضلك اترك اسمك وعنوانك بعد سماع السناره

ناسف

بعد سماع الصفاره
توووووووووووووووووط

romansy said...

ما اجمل الالوان وبالذات اخضرها
اللون الاخضر لون الزمرد لون الخضره لون الطبيعيه رمز للخير الدائم والوفير
انه اللون الذى يجلب السرور على النفس البشريه يجلب الامان للنفس والراحه
فما اجمله من لون

سمكه واحده said...

اذييييييييييييييك
عامله ايه
كلماتك جميله
والبوست اللي قبل ده تحفه عاجبني اوي
يارب تكوني بخير

momken said...

ايه الجمال ده

اولا حمدالله على السلامه

عودا احمد

البوست رائع طبعا وجميل جدا

تسلم ايدك

رجعنا نستمتع تانى بكلامك الجميل ومشاعك الدافئه

متغبيش تانى بقى


تحياتى

شيماء جمال(شيمو القمر) said...

واااااااااااااااااااااااااو
ايه الكلام الجامد ده
طلعت لكبر سما لمست السحاب
كما يعلو بنا الخيال
ووقعت على جدور رقبتى

بس بجد ابدعتى

تحياتى
شيمو القمر

momken said...

سيدتى الغائبه جدا
ما اجمل اوانك التى تشع بمعنى الرونق والتى تحمل بين جناباتها عبق الحياه

استمتعت جدا بحديثك
واستمتعت اكثر برؤيتك الخاصه جداً للاشياء

دمتى بغايه الروعه

تحياتى

كلمات من نور said...

بوست رائع عيشني معاكي الحلم الدافي وحسيت بالمطر وبالألوان اللي اندمجت مع بعض بعد نزول المطر عاللوحة

تسلم الأيادي

Anonymous said...

شكرا لك ، عمل لطيف! وكانت هذه الاشياء كان لي لديك.