صاحب الظل الطويل
=================
أجبني..... من تكون
يا صاحب الظل الطويل
لم تقترب....ولم تبتعد
تتقدم حثيثا....,وتزحف كثيرا
ترقص حول مملكتي
تحوم حول الحِمى
بلا سابق عهد
عجباً لك.....
!!أما رأيت تيجان الملوك
يا صاحب الظل الطويل
لم تقترب....ولم تبتعد
تتقدم حثيثا....,وتزحف كثيرا
ترقص حول مملكتي
تحوم حول الحِمى
بلا سابق عهد
عجباً لك.....
!!أما رأيت تيجان الملوك
!!أما ابصرت سيوف الفرسان
!!رايات الشجعان
!!لوحات الفنانين
!!أشرعة السفن
!!كنوز الزمان
!!أما رأيت جثث الأبطال
!!لوحات الفنانين
!!أشرعة السفن
!!كنوز الزمان
!!أما رأيت جثث الأبطال
!!أما ابصرت أجنحه الفراشات
!!صحف العلماء
!!دواوين الشعراء
!أما اتعظت بعد؟
!!أمازلت تهوى الإقتراب
تتلمس عالمي
تنشد الغزو....ولست بماهر
ترجو النصر...ولست بقادر
تناجي القلب.....ولست بعاشق
ارحل......ارحل
ياصاحب الظل الطويل
أرجوك....ارحل قبل أن تمضيَّ السنين
قبل أن تذرف العبرات وتتجرع الحنين
!!أستمضي كالسابقين
!!أتترك النعيم
وتدق باب الجحيم
لتكتوي بنار الأنين
وتوجع قلبي المسكين
أما تخشى أجنحتك الأخآذه
!!حُطاماً....أثرا لللاحقين
لِم...يا صاحب الظل الطويل؟
!!!!أتنشد...أثرا خالداً
!!!!أم...قلبا دافئاً
كن فارساً...مِغواراً
كن بحراً......طائشاً
كن بركاناً......ثائراً
كن اعصاراً....مثيراً
كن زلزالاً......عنيفاً
كن...أو........لاتكن
اتركني..أو....امتلكني
اشعل الثلوج
دمر القيود
اعبر الحصون
كن برقاً.....ينتزعني
نجماً.........يأسِرُني
وطناً......يحتضِنُني
دِفأ ً........يُشعلُني
حناناً......يُحييّني
دواءً.....يُشفيني
طيفاً.....يُداعبني
بسمةً.....تصاحبُني
عشقاً........لا يُفارقني
كن...أو.....لاتكن
اتركني...أو...امتلكني
لاتبتعد.......لاتتقدم
لاترحل.......لاتقتحم
كن عاصياً...كن متمرداً
كن أو........لاتكن
ياصاحب الظل الطويل
!!دواوين الشعراء
!أما اتعظت بعد؟
!!أمازلت تهوى الإقتراب
تتلمس عالمي
تنشد الغزو....ولست بماهر
ترجو النصر...ولست بقادر
تناجي القلب.....ولست بعاشق
ارحل......ارحل
ياصاحب الظل الطويل
أرجوك....ارحل قبل أن تمضيَّ السنين
قبل أن تذرف العبرات وتتجرع الحنين
!!أستمضي كالسابقين
!!أتترك النعيم
وتدق باب الجحيم
لتكتوي بنار الأنين
وتوجع قلبي المسكين
أما تخشى أجنحتك الأخآذه
!!حُطاماً....أثرا لللاحقين
لِم...يا صاحب الظل الطويل؟
!!!!أتنشد...أثرا خالداً
!!!!أم...قلبا دافئاً
كن فارساً...مِغواراً
كن بحراً......طائشاً
كن بركاناً......ثائراً
كن اعصاراً....مثيراً
كن زلزالاً......عنيفاً
كن...أو........لاتكن
اتركني..أو....امتلكني
اشعل الثلوج
دمر القيود
اعبر الحصون
كن برقاً.....ينتزعني
نجماً.........يأسِرُني
وطناً......يحتضِنُني
دِفأ ً........يُشعلُني
حناناً......يُحييّني
دواءً.....يُشفيني
طيفاً.....يُداعبني
بسمةً.....تصاحبُني
عشقاً........لا يُفارقني
كن...أو.....لاتكن
اتركني...أو...امتلكني
لاتبتعد.......لاتتقدم
لاترحل.......لاتقتحم
كن عاصياً...كن متمرداً
كن أو........لاتكن
ياصاحب الظل الطويل
31 comments:
تعبير من الا عماق بداخلك من الروح الشفافه
الحكمه والحب والوفاء والادراك بمشاعر الاخرين
دي مدونه لذوي الحس والطباع المرهف
اقول عن نفسي انا اول المعجبين والمتائثرين بها
هذا انا
واكيد حيظهر ده صاحب الظل
عبدالله
ما اجمل كلامك يا زمرده
وما اجمل اسمك الذى يدل تماما عليكى
وسبحان الله
الانوثه ليست شكلا ولا تضاريس
الانوثه روح ونفس وشخصية
رأيت فى كلامك روح الانثى منذ ان خلق الله الاناث
تريد الفارس المقتحم الجرئ الذى يكون او لا يكون
لكنه للاسف لم يعد هذا زمن الفرسان
كلام جميل
برافووووو
qobati
تسلملي يا عبدالله
ويسلملي كلامك الجميل
مش مهم يظهر صاحب الظل الطويل أو لأ
المهم انه لو خرج من الخيال للواقع
يكون في جمال الخيال واحساسه
2 Harmless
كلامك ينبوع صدق حقيقي
بس الناس بقت بتشوف بالعين
ونسيت ان رؤية القلب انفذ واقوى
لأنها بتعبر كل الحدود
يمكن يكونوا اختفوا الفرسان من هذا الزمان بس اكيد
الأمل في عودتهم لم ينتهي
اسكندراني في الغربة
برافووووو
كلمه واحده
قد تحمل معاني كثيره
معناها الحقيقي
ومعنى اخر حسب طريقة لفظها واحساس حاملها
يارب تكون خير
هاي زمردة
معلش شيكلي سايب مصر من فترة
ايام ما كانت برافوو ليها معنا واحد
يعني لما حد يكون عامل حاجة كويسة بصدق و احساس كان ممكن نقول برافو
اسف لو ليها معنى تاني انا معرفهوش
تحياتي
جميل جدا ورقيق
تحياتي ليكي
===اسكندراني في الغربة===
ازيك يا اسكندراني
أيووووه يا جدعان
هما كل الإسكندرانيه دمهم حامي كده ولا ايه؟؟
متزعلش مني
بس ردك كان اقصر ما يكون
وانا لسه جديده في دنيتكم
مش عارفه اللي كتبته حلو ولا
يعني محتاجه اسكندراني جدع يرد عليا
ميجاملنيش .....مش اكتر
اصلك ممكن تقولها بمعناها بجد
وممكن تكون .....إنت فاكره نفسك كاتبه حاجه !!...روحي إلعبي بعيد
انا معرفكش و لا انت
يا سيدي حقك عليا
واول ما ترجع تعال وغرقني في البحر
مش هزعل
اسكندراني اوي
تسلملي ويسلملي ذوقك
ورقتك
وما تنسى تطل علينا
أنا شايفة الاسكندرانية عاملين لمّة جميلة هنا.. حسستني اننا قاعدين في مكان حميم مع ناس قريبين
بركاتك يا آنسة زمرّده
زي ما قلتلك قبل كده .. أنا متفاجأه جدا و خجلانة أكتر
ازاي معرفش انك تملكي اسلوب رائع زي ده رغم انك أقرب الناس ليّ؟؟
حاجة غريبة
كمان عاجبني جدا تمكنك من اللغة و المفردات اللي مش حاساها محشورة انما تلقائية و بتنفذ بمرونه و قوة في نفس الوقت
مع انك بتقولي انك محبة للقراءة و متوقفة بقالك فترة
لكن البوست بيدل على مخزون وفير جدا من اللغة
عاجبني جدا
و خجلة جدا من تأخيري
ومن جهلي بمهوبة رقيقة عند زمردتي الغالية
وحشتيني
:(
لأ خلاص
وحشتيني
:))
هههههه
و الله انت تحفة
بس تحفة جميلة وعزيزة
***Hannoda***
ازيك يا هنودتي
وجشتيني مووووت
اوعي تقولي الكلام ده تاني
انت اكتر واحده عارفه حساسيتي شكلها ايه
واني والحمدلله مش مضيعه اوي في اللغه
وانت اكتر واحده خلتني افتح جعبتي واخرج منها شيء
اتمنى بجد انه يكون جميل
ومتمفخيش فيا...لأني يادوب بقول
أ...ب...ت
حلوه الضحكه دي ...سمعاها بقلبي قبل وداني
أنا ما بنفخش فيك و لحد دلوقت مش عارفة أبطل استغراب
بطلي التواضع اللي فيك ده
واحشااااني
يا مونّساني
الحقيقة انا قعدت متنح مدة عشر دقايق بعد ماقريت كلامك لأنه عجبني قوي بصراحه
فعلا احساسك مرهف وتعبيراتك بسيطه وبتوصل بسرعه
بس انا لي استفسار
هو انتي تقصدي بصاحب الظل الطويل .. انه اصلا اصلا شخص طويل .. ولا شخص عادي بس انتي كل ماتشوفيه تكون الشمس في قفاه فيبان ضللو انه طويل؟؟
معلش بس اعذريني على السؤال اللي ممكن تكوني شايفاه هايف .. بس بجد النقطه دي عاملالي مشكله كبيره
ليه كل البنات عايزين فتى احلامهم يكون طويل واسمر ؟؟؟
يعني القصيرين واللي لونهم ابيضاني دول يعملو ايه في نفسهم ايه ياجدعان .. اروح اولع في روحي مثلا
سوري يعني اذا كنت هزرت معاكي لأول مره وكده .. بس هي دي طبيعتي بصراحه
عموما فرصه سعيده .. وأتمنى انك تشرفيني بزيارتك لمدونتي المتواضعه وتقوليلي رأيك بصراحه
والسلام ختاااام
***Soooo***
طبعا مش زعلانه من الهزار لأني بحبه جدا
وطريقتك زي العسل ضحكتني وانا كنت مش في موود ضحك خالص....رنبا يفرحك ويكرمك
اكيد طبعا هزور مدونتك وقولك رايي بصراحه
مش كل البنات احلامهم زي بعض وإلا مكنتش تلاقيهم مختلفين في الشكل واللبس والأسلوب وحاجاااااااااات كتيره
بس انا كتبتب الموضوع ده لعلاج الحالات اللي زيك وكل القصيرين
وعلاج البنات اللي بيبصولهم
قولي إزاي؟؟؟
ممكن تكون قصير وتقف ادام الشمس يبقى ظلك طويل
وبكده تقنع نفسك ومين معاك انك طويل والبنات تقتنع
واللي مخه يعصلج نقوله ظل طويل احسن من ظل قصير
"هو الواحد لا يبقى طويل ...ولا ظله كمان!!...حرام!!"ولا رأيك ايه؟؟
على فكره الحته اللي شفتها فيه اسمها الخيال...حيث لا ظل ولا شمس من أصله
شكرا على الزياره الحلوه دي
ومتنسناش
*** Hannoda ***
ايه الحكايه !! هتفضلي واخده الصفحه لحسابك يا هنوده
قلتلك دوسي
stop
او شدي الفيشه هتبطلي استغراب علطول
وبعدين انت مبتنفخنيش انا كده خلقت ربنا
حساسه بتأثر بسهوله
وبعدين "من تواضع لله رفعه " وانا هفضل كده
انفع ولا؟؟
i miss yoooooooooooooooou
ايوووه يا جدعان
ايه الجمال ده
الكلام ده كبير قوى
امال لو قاعده فى بحرى وبتاكلى ايس كريم من عزه كنتى عملتى فينا ايه
كنتى بدعتى اكتر من كده اكيد
بس ملقتيش غير صاحب الظل الطويل
انا بتعقد من اى حاجه طويله
راعوا مشاعرى يا ناس
اول زيارة لمدونتك وانشاء الله مش هاتكون الاخيرة
تحياتي للاحساس ارئاع
***لماضة ***
تسلملي الطله الجميله عاى مدونتي
وبعدين عزه فتح فروع جديده في اسكندريه
وبعدين في مركب الخيال كل شيء متاح
تشرق تغرب تطلع للشمال
تروح اي مكان من غير جواز سفر ولا غربه
بس اللأيس كريم في الواقع احلى من الخيال
مش مهم تكون قصير بس كفايه ان ظلك طويل
ولا رأيك ايه؟؟
***sendbad***
تسلملي زيارتك للمدونه
واحساسك الجميل وتقديرك
واتمنى تزورنا كتيير
يا سندباد يعني مش كل سنه مره
ماشي وقريب جدا هزورك
بس مش عارفه رحلتك اللي جايه إمتى وفين؟؟
مش تستقر وكفايه تشرد في البلاد
خلينا نزورك بقى
زمرده
رغم الاسي والمرار الذي يعيشه قلبي حاليا من حزن علي ام الدنيا مصر
اولا احب اهنيكي علي المدونه
ثانيا كلامك جميل اوي وبيوحي بحجات ياما العطف والحنان علي حجات اعتقد انها بتموت واحده واحده
تحياتي اختي الكريمه علي كلامك الجميل ده
كل عام وانتم طيبين بمناسبة عيد الفطر المبارك وانشاء الله نصلي صلاة العيد الجاى في المسجد الاقصي وتكون القدس متحرره
تحياتى لكل عظيم وعظيمه
لا انا بجد مش عارف اشكرك ازاي بصراحه على الحركة الظريفه بتاعة امل بكره دي
روحي ياشيخه ربنا يكرمك دنيا واخره يارب واشوفك وكيل نيابه عمومية ولا عضوة في المجلس المحلي وحاجه كده هيييييييبه
وكل سنه وانتي طيبه ويارب السنه الجايه تكوني محققه كل امالك واحلامك على خير ان شاء الله
والسلاموووز ختامووووز
***Soooo***
يا روش وآخر روشنه
يا طبيعي من غير تنشنه
عايز تشكرني أناه؟؟
ربنا يتقبل منك رمضان
ويعوده عليك بالخير
ويباركلك ويرضيك
ويوسعلك كل ضيق
والجنه منتهاك
عيد سعيد عليك وعلى كل المسلمين
بس اوعى تسمع كلام شوشو وتضيع رمضان من اول يوم في العيد
سلام يا جميل
جاية أمسي و أقول لأم لصاحبة القلب الي مافيش منه
كل سنة و انت طيبة
يا ااااا
توتا
هههههههه
وش مطلّع لسانه
***nourhetler ****
كل سنه وانت طيب والأمه الإسلاميه بخير
وربنا يتقبل من المسلمين رمضان السنه دي ويبلغنا رمضان اللي جاي في القدس بإذن الله
***fares***
كل سنه وانت طيب يا فارس
كل ما اقرأ تعليقك بحتار
بحس حاجه جواك بتتمزق
بحار ارد عليك ايه وانا حسا بمدى ألمك
خايفه عليك بجد
بس اكيد هقولك
مهما طال الليل ....الشمس جايه اكيد
اصبر واحتسب واعمل اللي عليك
يارب كل سنه تبقى احسن من اللي قبلها
وربنا يتقبل منك رمضان
ويحققلك لكل الدعوات
*****Hannoda*****
*****************
كل سنه وانت طيبه يا حبوبتي
وربنا يتقبل منك رمضان
والسنه الجايه ويانا في رمضان
وكل الأعياد
هههههههههههه
وش بيدعيلك بحرقه
تنشد الغزو....ولست بماهر
ترجو النصر...ولست بقادر
تناجي القلب.....ولست بعاشق
ارحل......ارحل
روعه بجد الابيات دى والقصيده كلها فى المجمل تحفه
***رئيس جمهوريه نفسي***
ربنا يكرمك
واشكرك على كلامك الجميل ده
وصل للقلب مباشرة بدون حواجز
و يارب متكنش الزياره الأخيره
وفي الآخر اقولك جواك قلب واحساس يأثر ويتأثر
حافظ عليه
Post a Comment