انت فرحي اللي عاش يا عنيه ..وانت ..انت اللي خايفه عليا

انت فرحي اللي عاش يا عنيه ..وانت ..انت اللي خايفه عليا

Thursday, October 18, 2007

من المعبود..؟؟


النهارده جايه اتكلم بجد
..مش هزار يعني....وباديء ذي بدء


أقول إزيكم؟؟ كويسين.. الحمدلله وربنا ينقبل منكم رمضان

والسنه اللي جايه تكون أحلى عليكم وعلى قدسنا




كل سنه يجيلي اكتئاب....آه اكتئاب في رمضان وبعده......ليه؟؟

عادي واحده غاويه تفكير ...اقصد نكد......بس السنه دي زاد حبتين
كل 10 أيام أرمي حبيب في المطار ...آه تخيل....بعد اقل من 24 ساعه من االشهر الكريم


ابتدى العد التنازلي بأول فدائي مع شأشئت الفجر وصوت العصافير

ضلمت الدنيا في عينيا واتخرس صوت الألم

شحنته للغربه بإيديا...واتألمت وبكيت
وبعد 10 ايام ...كلاكيت تاني مره...عملتها تاني في أعز صديقه

وأنا في كامل قوايا العقليه...بكيت..لأ.لأ...إتوجعت...لأ....أنا اتمزقت تماما
وبقيت رماد في ليله عاصفه ....ويادوب جريت ...لفيت... ألملم اللي قدرت عليه مني
علشان أضحي بيه بعد 9 أيام وأعيد المشهد تاني مع فدائيه تانيه
!!!!!!!!!!!!! بس المره دي فقدت الإحساس


آه أصل مركز الإحساس ده كان في الرماد اللي طار في الليله إياها
ومرت ال9 أيام وأنا بتفرج على الحياه وكل ما أقول أنشر البوست ده
ارجع وأقول...وليه الغم ده ... هي الناس ناقصاني أنا كمان....ما علينا...المهم طبعا كلنا بنحب رمضان ..لأنه بجد شهر ملوش حل
والأجمل انك تقضيه في مصر في اي حته فيها....جو جميل

وروحانيات مفيش منها في اي حته على الأرض...طعم ملوش مثيل تلاقي الفرح يدق قلبك والبهجه محوطاك مليا الدنيا حواليك كل الوجوه بشوشه......والكل بيشارك كبير،صغير ...يعلقوا الزينه ويا الفوانيس على العمارات
وبين البيوت والفرحه بتطل من كل الوجوه....والعيال بتغني


وحوي يا وحوي.....حلوو يا حلوو.....رمضان جآآنا
فرحانين بالفوانيس اللي بتتكلم وتغني وتنور وتؤذن كمان
!!! وشويه شويه هترقص......مع انها صنع في الصين

!!!الله أكبر ........إيه الجمال ده

.لو ربنا أكرمك وصليت الفجر ولا حتى أي فرض في جامع تلاقي صفوف صفوف صفوف في الرجال والسيدات...كله عايز ثواب الجماعه والحسنات
طب فينكم 335 يوم من السنه؟؟؟؟؟؟
ويا سلام لما تركب مشروع ولا ترام ولا أتوبيس ولا تاكسي ولا حتى موتو رجل.


إيه ده !!! فصل مدرسه !!! مصاحف مصاحف كله عمال يآكل المصحف اكل...عايز يلحق
يختم مره واتنين......طب فهمت إيه !!! استوعبت إيه!!!! والحال مش أحسن بكتيير في المصالح
خاصه ولا حكومه مش فارقه......اللهم إلا قليلاً
وويا سلام يا سلام ..لو لقيت خناقه...الكل يتلم ويقول هنتفرج !! واللي يقول عايز دم!! وبعد ما تقول خلاص الموضوع ولع

والفرجه هتحلو...!!!! يقولك ...آآآآه لو مكنتش صايم!!! وتتفض العركه بسلام

إيه رأيكوا تقضوها صيام طول السنه؟؟؟؟؟؟؟؟


عيني يا عيني على التراويح... بص واتفرج على تسابق الأرجل

!!!!والرؤوس قبل أذان العشاء بالنصف ساعه

كله عايز يحجز في الأول واللي وراه شغل

يقولك ..ألحق ركعتين ولا أربعه....أحسن من مفيش

!!!ويتملي المسجد ويفرش الشارع كمان!!!!! الله أكبر كل دول مؤمنين
يزداد الخشوع ويلو الدعاء وتنهمر العبرات
!!!!وفي ال 335 يوم إياهم يادوب صف واحد

والتاني يكمل في الركعه الثالثه ولا الرابعه وسلملي على الخشوع


والعجب العجاب الي يجنك أكتر اللي بالكاد يلحق صلاة الجمعه
في الركعه التانيه !!!! والأولى ...والخطبه... ملهومش وياه نصيب

طبعا لا البياعين بتغش ولا المدرسين مبيدرسوش
ولا الموظفين مبيشتغلوش ولا الشباب مبيعاكسوش
ولا المدخنيني بيدخنوا ولا ناس بتجاهر بالفطر والمعصيه
ولا شعور اتغطت بالحجاب إلا قليلاً مع البدي والإسترتش
ولا حاجه خالص
كله تمام يا فندم
قبل الفطار..إلا--؟؟---% ...شوف انت ؟؟

صوتك أمانه...حافظ عليه
ومننساش الكنبه والأنتريه والسرير اللي مستحملين كتير

من البطون الصايمه الشقيانه المحرومه

اللازقه بغرى من... بوسي ل... لوسي ل... ليلى ل... فيفي ل... يسرا

!!!!!ناس تعبانه محدش مقدرها


نرجع لإكتئابي أنا.....آه أمال الجيران؟؟؟ انت نسيتني !! ولا نمت !! ولا إيه الحكايه؟؟؟

هي دي مشكلتي افضل أفكر في يوم الإفراج عن مرده الشياطين....أيوه...تمام .. يوم العيد بتاعكو
ا

علشان كده اخترت أكون فدائي واترك اسكندريه في عيدكم

ليس العيد لمن فرش البساط
إنما العيد لمن عبر الصراااااط

سؤال أخييييير ...جربت تدخل في أول يوم في العيد في صلاة الظهر المسجد؟؟؟؟

!!!!صحراء قاحله
راحوا فين البشر؟؟

!!!!!اركب اي مواصله...ادخل اي مكان....فين المدرسه؟؟؟ فين المصاحف


!!!!! زينه في الفترينه

!!!!! امشي في الطرقات.....إيه الخناقه دي!!!! إيه الألفاظ دي

ليه سب الدين ؟؟؟ والأب والأم ؟؟

امشي اتفرج 335 يوم..هو في إيه؟؟؟


هي الأرض اتبدلت ولا أنا اللي صحيت من النوم...؟؟؟


!!!!هي الناس عبدت رمضان

!!!!ولا رب رمضان

مين المعبود؟؟؟




23 comments:

Soooo said...

سلام الله عليكي يا زمرده

وجعتي قلبي والله يابنتي بكل اللي قلتيه
بجد والله احنا مقصرين فعلا في غير رمضان .. وفي رمضان برضه

ربنا يستر يارب


مش عارف اهزر الحقيقه لاني النهارده مش في مود هزار .. لكن كفايه اني اول واحد يقول تعليق عالبوست ده
والسلام ختام

اسكندراني اوي said...

هي دي العاده كل سنه

وكل سنه نقول يارب ثبتنا بعد رمضان

بجد البوست ده بينقل الواقع المؤلم
اللي امام عيونا
11

شهر في السنه

ربنا يهدي الجميع
ويعودو كما كانو في رمضان

david santos said...

Very nice posting, thank you.

The regime of Mubarak and his minions is every day to transgress human rights. More than 10,000 Sudanese refugees are arrested and more than 100 have been killed.
Illustrative of the world arrogance and the atrocities committed against the Sudanese refugees by this criminal regime of Bubarak.

Hannoda said...

تصدقي انت صدمتيني
حطتيني كده خبط لزق قدام حقيقة توجع

أصل لما سبب الوج ييجي من برة مش مهم
نعيطله و نشتكي منه و نقول نصيب

لكن لما يبقى سببه بايدينا و على ايه مش فاهمة

خلتيني اتخيلنا إحنا أمة محمد كلنا إتحطينا في جنة مليانة خير قمنا بشطارة منقطعة النظير مسكنا فايد بعض و طلعنا في خطوة واحده منها للنار جري

على ايه؟.. وليه؟؟

يا رب لاعاملنا بأفعالنا و عقولنا
عاملنا رحمتك التي وسعت كل شيء

فارقتي مين يا زمرده بس؟؟ وجعتيلي قلبي عليك.. بس أكيد وجع قلوبنا مش سبب لحجب البوستات.. أصل سعات وجع قلبي لما يلاقي وجع الناس حوليه يهون

وساعات نشفان قلبي لما يلاقي خبطة من كف عزيز يفوق

البوست ده كف عزيز عارف هو رايح فين

زُمُرده said...

***Soooo***

وعليكم السلام

ابه اللي حصل يا سووه
الهزار منك خطفووه
ولا الضحك عنك حبسووه

يارب تكون موودك كده
ومتكنش اول واحد اتغميت
من البوست
سلام

زُمُرده said...

***اسكندراني اوي***

عندك حق 11 شهر في السنه
بس دعواتنا ان ربنا يثبتنا
ويقدرنا نغير انفسنا علشان حالنا يتغير
وربنا المستعان

harmless said...

لولا ان رب رمضان اخبرنا بفضل رمضان لما كان هذا حالنا فى رمضان

ولا غرابه ان المشتريات تزداد فى الاوكازيونات
ورمضان تتضاعف فيه الحسنات
وتفتح فيه ابواب المغفره
وتسلسل فيه الشياطين
فسلوك المسلمين فى هذاالشهر يؤكد لنا ان الايمان فى القلوب لم يفارقها وان الطمع فى رحمه الله من طبائع المؤمنين

انا طبعا اعلم انك لا تتكلمين بالاساس عما يحدث فى رمضان ولكن عما يحدث فى الاشهر الباقيه واتفق معك فى تأملاتك

ولكنها الحياة والنفوس والطبائع والشهوات والصراعات والتسابق الذى لا ينتهى الا بانتهاء الدنيا

ودائما هناك الخير والشر
والعين الذى ترى الشر واضحا
اذا دققت سترى الخير ايضا لا ينقطع طول العام
والله يهدى من يشاء

بالمناسبه اسجل اعجابى الكبير بكتاباتك وبارائك وبافكارك وقبل كل هذا بنفسيتك الرائعه

تحياتى

Hannoda said...

أنا جاية أزعق و أعمل دوشة جامده جدا

فينك يا ست هانم؟؟؟

كده تغيبي عنّي؟؟؟

ماشي يا زمردتي

لما أشوف أخرتها

زُمُرده said...

*****Hannoda*****
***************

هنوده دوشتك عليا اوي
ايه ...اديني جيت
كومنتك قوي جدا خلاني اصبت بالشلل
للحظات دامت ايام
انا قصدي مش اننا بننزل بعد رمضان وبنتغير
او بمعنى اصح بنرجع للأول
انا قصدي اللي بيتغيروا 180 درجه

وجعك يؤلمني مرتين
مره لأني السبب
ومره لأني بتألم لألمك

كلنا داخلين الجنه برحمة ربنا مش بعملنا
ورحمته وسعت كل شيء
بس يبقى عندنا دم ومنعملش كده
او على الأقل نحاول

========
طول ما انا مش هنا ...يبقى ممكن اكون هناك
ليك حق عليا
وزي ما حزنتك..هفرحك باذنه
زوري
my web Page
هتلاقي حاجه تفرحك
معرفتش احملها هنا
يارب تفرحي بيها

زُمُرده said...

*david santos *

انا مش عارفه اللي جاب سيرة السودانيين
حسا انك بتعلق على نظام سياسي وبس
وبعدين بتعرف تقرا عربي كويس
لأنك قريت البوست
وبتكتب عربي في مدونتك
يبقى ايه لزوم الكلام كده
السلام عليكم

زُمُرده said...

*****harmless*****
*******************
السلام عليكم



تصور اني حلمت بالرد على كلامك

وافتكرت انه حقيقه

والنهارده اكتشفت اني مرديتش ساعة ما قرات الكومنت بتاعك

معلش مشاغل والله



انا شايفه خير كتيييييييييييييير

بس طماعه وعايزه اكتر

كل قصدي الناس اللي بتتقلب 180 درجه بعد رمضان

اما الناس الي بتنزل شويه

فده عادي لأن ربنا في رمضان مهيأ الظروف للناس علشان تقرب منه

اكتر واكتر وتغير نفسها علشان ربنا يغيرها

اما الخير فلسه موجود في قلوب الناس

وبشوفه بعيوني كمان



اعجابك بارائي وافكاري ونفسيتي وسام افخر بيه ويشرفني

ويملاني امل...بس ليا تعقيب صغير

او بمعنى ادق جمله تذكرتها
************
من العظماء من يشعر المرء بحضرته أنه صغير ولكن العظيم بحق هو من يُشعر الجميع في حضرته بأنهم عظماء
************************

Desert cat said...

ازيك يا زمردة
معلشى انا جيت متاخره
بس حبيت اولا ابدى اعجابى بالمدونة الجميلة بتاعتك
ثانيا اذا كان الناس تعبد رمضان فرمضان ذهب
واذا كانت تعبد رب رمضان فهو دائما موجود
ربنا اجعلنا ربانيين لا رمضانيين
تحياتى

الصديق المخلص said...

السلام عليكم
انتى مكتئبة علشان قضيتى رمضان برة مصر ولا علشان اللى فارقتية؟
لو علشان رمضان فعندك حق رمضان فى مصر رائع غير أى دولة تانية و أكيد الناس بتعبد رب رمضان بس بحب شهر رمضان وتتفائل بية هو الشهر الذى أنزل فية القرآن
لاكن اللى فارقتية فى سؤال تانى
هل الفراق غصب عنك ولا انتى اللى أختارتية؟بلاش تستسلمى للأكتئاب و حاولى تخرجى من المود دة و طمنينا علاكى

Soooo said...

اين انتي يا زمرده؟؟

والله وحشتينا يابنتي ووحشتنا مواضيعك
عودي يا هاميس
عودي يابنتي ماتوجعيش قلبي ده انا عندي سكر وروماتزم وصحتي بقى على قدي
عودي يابنتي وشوفي اخواتك المدونين وسلمي عليهم وادي لك واحد منهم جوز جنيهات في جيبه صدقه مخفيه
عودي يابنتي بمواضيعك اللي بصراحه بقيت مفتقدها
عودي بقى




سلامووووووووووووز

زُمُرده said...

***Desert cat ***

الحمدلله انك لحقتي تييجي
هي الناقه بتاعتك لسه تايهه في الصحرا ولا ايه؟؟
لأ بأه خليها تحفظ السكه للمدونه بقى

اشكرك جدا على ذوقك...وانا آآجي ايه جنب مدونتك الرائعه
ربنا يتقبل دعائك ويجعلنا ربانيين
ومتنسيناش في الزياره اللي جايه

ربنا يكرمك

زُمُرده said...

***Soooo***
************
والله انتم كمان وحشتوني
بس انا عارفه اني مقصره حبه...حبتين ...تلاته
بس كان عندي امتحان واتشغلت شويه

بص بقى بما انك جيت عندي تشكي امراض الدنيا خد مني ...الدوا اللي هو
اووووووووووووووز
ايوه ده اسمه
بص عليه في الزجاجه 5 مرات قبل الأكل
وشربه لقطة الجيران 3مرات بعد الأكل
لمده 7 ايام
وبعدها اديه لأول شحات غلس يقابلك في السكه
وهتبقى تمام وترجع شاب 20 سنه

آآه طبعا هديهم صدقه بس انا مستنيه اول ما يعملوا الجنيه الذهب
مش اللي بيضحكوا علينا بيه
وطبعا هديك صُره دراهم ذهب
قول يارب
مش عارفه اشكرك على السؤال عليا اد ايه
بس بجد الدنيا بخير

زُمُرده said...

***الصديق المخلص***
************
اشكرك على اهتمامك جدا
الحمدلله موودي احسن
بس انا قضيت رمضان في قلب عروس البحر
والأكتئاب زي الموج يعلى شويه ويهدى شويه
مش دايما الفراق بيألم علشان غصب عنا
ولا علشان باختيارنا
ربنا يتقبل منك رمضان
وتكون معانا كل سنه

لماضة said...

ايه يا قمر
انتى فين مختفيه كده
عموما يا ستى كل سنه وانتى طيبه
رمضان فات والعيد الصغير فات والعيد الكبير قرب
عاوزين نسمع عنك سمع خير
متغيبيش كده

زُمُرده said...

***لماضة***
***********

تسلميلي يا عيوني وفرحني سؤالك عني اوي
ماشي يا سيتي خلصتي امتحاناتك و فضيتي خلاص

رمضان فات والعيد فات و.....فات
ايه هو انا كنت مع اهل الكهف ولا ايه؟؟
معلش كنت مشغوله شويه وكان عندي امتحان واديني جيت

شا عر الأ حزان / احمد هيكل said...

ووالله مو ضوعك جميل يا زمرده
ورائع
بس النا س مفكر رمضان خلا ص خلص
ومتهيئلي علية النا س
ما بيصلو ش
ولا بيسجده غير في رمضان
بيقوالك خلا ص رمضات خلص
يبق نبطل صلا ه
الدين امينه يا مسلمين
امنه
اشكرك اختي علي موضوعك الجميل وتشر فك لمدونتي
تحيا تي لكي

Anonymous said...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

情趣用品,情趣用品,情趣,情趣,情趣商品

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘