انت فرحي اللي عاش يا عنيه ..وانت ..انت اللي خايفه عليا

انت فرحي اللي عاش يا عنيه ..وانت ..انت اللي خايفه عليا

Wednesday, October 31, 2007

احساس المكان





Create Your Own



شكر خاص من اعماق قلبي لكل اللي سألوا عني
ربنا يخليكوا ليا
غبت عنكوا شويه واديني جيت


وانا قاعده بعمل السليد شو ده
سألتني سؤال ..ورا سؤال..ورا سؤال
احترت ومعرفتش اجاوبني
قلت أشوف رأيكم

هو احنا ليه بنلاقي اسكندرانيين بيموتوا في عشق اسكندريه؟؟
وكمان غير الإسكندرانيين
وعمري ما لقيت حد عاشق لبلده أو محافظته زينا إلا قليلاً.
يمكن...جوها ..شمسها...ترابها...موجها
هو المكان هو اللي بيسحرنا؟؟ ولا احنا اللي بنوجد للمكان الإحساس؟؟
ولا احنا اللي بنحاول نربطنا ونمد جذورنا
نزرع ذكرياتنا...نروي أحلامنا...نخطف آمالنا
خوف من ريح تشردنا...تكسرنا زي ورق الشجر

نفس المكان
ممكن يحمل فرحه وحزن لنفس الإنسان
وكتيير مبأثرش في اي عابر وخلاص
وساعات يحيّ قلوب وعيون سارحه

حد عارف يجاوبني
قبل ما الحيره تجنني

38 comments:

harmless said...

ربما لانى عائد حالا للاسكندرية بعد غياب اسبوع اكون مؤهلا الى حد ما للاجابه على سؤالك

او ربما لا اكون منصفا او موضوعيا لانى عائد من القاهره اسوأ مدن العالم نهارا والتى تستقبلك بكمية تراب لا تصدق وكمية عوادم لا تحتمل وكمية ضجيج تصيبك بالجنون
ويحاصرك فى القاهره شعور ملح باخذ الدوش تلو الدوش كلما تمشيتى فى الشارع لدقائق
وكل يوم مساءا احصى وقت اليوم اجد ان ثلثه ضاع فى السيارة او التاكسى او المترو

اما الاسكندريه فتستقبلك بهواء نقى وبحر ازرق لا نهايه لاتساعه يريح الاعصاب ويسرالعين

ولكن مازال هناك سر فى الاسكندرية
ولا اكتمك انى دائما ما سألت سؤالك
وهناك سؤال لى ايضا
استطيع ان احصى لكى عشرون اغنيه فورا تتكلم عن جمال الاسكندرية وشط الاسكندريه وبنات الاسكندريه وتراب الاسكندرية من اول سيد درويش الى عمار الشريعى فى زيزينيا

لماذا لم نسمع عن اغانى عن طنطا او بنها او سوهاج او او

طبعا القاهره بره السؤال

Hannoda said...

اييييه ده.. أنا شايفة شغل جامد جدا

و بما إني داخلة جري قبل ما أمشي من الشغل

فقلت آجي أشوف زمردتي عاملة ايه
لقيتها نزلت بوست جامد جدا

فقلت احجز مكان و آجي تاني

عارفة واحشاني قد ايه؟؟

Salwa said...

فكرتيني
فيلم أسكندريه ليه ؟
واسكندريه كمان وكمان

أكثر من فيلم عن اسكندريه

بصي
اسكندريه جميله جدا جدا

وبوستك جميل
ما شاء الله
تحيااااتي

ياسر مدني ...دينامو الإخوان said...

في ذكري وعد بلفور ...لا تنسوا الدعاء لإخوانكم في فلسطين
والدعاء علي الظالمين..واللهم تقبل...وتيقنوا أن الدعاء سلاح مهم لكل المسلمين

Anonymous said...

اسكندرية مسحورة
ادي الحل ببساطة
والسحر بيخلي اي حد يشوفها ينجذب لكل تفاصيلها
اسكندرية حبيبة العشاق
والفنانين
والتاريخ
والشتا

اسكندراني اوي said...

من سنينطويله واحنا بنسال ونتسال احنا ليه بنحب اسكندريه
الاف الاجابات قيلت
وكلها صح

Hannoda said...

أنا جيت تاني
ودلوقت أنا في حالة مختلفة تماما عن حالة الاستعجال و الجري اللي كنت فيها و اللي ماكنتش تليق أبدا بالبوست الروعة ده

أعذريني اصلي مالحقتش أشوف اللي شفته دلوقت

ايه ده؟؟

أخدتيني في جولة طريييلة في اسكندريتي
وأخدتيني في جولة بين ذكرياتنا الجميلة جدا و اللي انت عارفاها

مزج الكلام اللي انت كاتباه كمان مفاجئ

أما عن ليه حبيناها كده؟؟
مش فاهمة

أصلك لو تسيبيك مننا إحنا و تفكري في اللي عدّوا عليها

حاتلاقي الفرنساويين سابوا تحف فيها
و اليونان
و الانجليز
وتحسي من اللي سابوه فيها انهم عاملينه بحب و بايمان بيها
تحسي بروحهم في كل اللي سابوه

يعني لو جيت تتفرجي على العمارات اللي في محطة الرمل و النقوش اللي عليها

و بالذات فندق سيسيل
أنا عن نفسي بحس بروح الانجليز فيها و بحي ان كل عمارة منهم بتقوللي اللي عملني كان بعشق اسكندرية

طب هم أساسا حبوهات كل الحب ده ليه؟؟؟

مش عارفة
حاجة تحير يا زمردتي

بس بابا كان قاللي ان لازم تلاقي السواحلية و اللي احنا منهم
لازم تلاقي فيهم الرومانسية
لإن خط الأفق عند البحر بيربي فيهم الشرود و التفكير بعمق

و إختلاف النوات بيربي فيهم التآلف مع تغير الطبيعة المفاجئ و بنقلهم من جو نفسي لآخر بشكل مفاجئ
عشان كده تلاقيهم من أكثر الناس تأثرا ببلادهم

سبحان الله

و الحمد لله اننا اسكندرانية
:)

Hannoda said...

فيديو محمد فؤاد قتلني يا زمردة
انت عارفة كلام الاغنية ده ممكن يعمل في ايه
و كمان محمد فؤاد .. ومصريته الفضيعة و قربه الجميل
حسسوني اني بعييييييد

بطلي تتأثري و تزعلي من نفسك

أنا بفرح لما مشاعري تتحرك من جوة قوي.. سواء حركتها مؤلمة أو مفرحة
و بعدين ده مش ألم

عارفة؟
لما تتألمي لحاجات بتحبيها
بيبقى الألم على قد ما هو بيوجع على قد ما هو جميل
فتحبيه و تتمنيه يطول

آآآآآآآآآآآه

الربان said...

تحياتي

ياريت كلنا نحب بلدنا...و نخاف ربنا فيها....لكان حالنا غير هذا الحال...و لطابت لنا المعيشة و الحياه.

ياريت نحول حبنا لبلدنا الي عمل...وان نتقن عملنا...و نجود فيه....

تحياتي و تقديري

ibn nasser - ابن ناصر said...

مش عارف والله ليه
بس اسكندريك كمان مسمينها ملهمة الشعراء
..
مع اني من القاهرة ومروحتش اسكندرية كتير مع ان عندنا شقة هناك لكن بحبها جدا فعلا
..
بين شطين ومية عشقتهم عينيا
يا غالين عليـــا ياهل اسكندرياااااااا
...
تحياتي

زُمُرده said...

TO***harmless***
اولا حمدلله على السلامه
ويارب تكون رحله موفقه ومليانه بالخير

عندك حق القاهره من اسوأ بلاد العالم نهارا...عوادم لا مثيل لها وتراب ومواصلات بشعه وضجيج وتلوث سمعي وبصري وحسي لدرجه كبيره اوي
انا لما بنزل القاهره بحسني وانا على الطريق الزراعي او الصحراوي
زي ما كون بنخلع من جلدي
مهما قصرت الرحله حتى لو ساعات

اسكندريه مش جنة الأرض بس افضل حالا من القاهره
ويمكن في نقاء الجو يكون في افضل
بس اكيد ان سحرها عميق جدا
وفيها مميزات واماكن وجو وناسها وبحرها وترابهاوشمسها وشوارعها
يمكن يكونوا سبب سحرها
ويمكن هم اللي بيولدوا مشاعر عند كل اللي يزورها

ولسه السؤال محير

زُمُرده said...

TO***harmless***
اولا حمدلله على السلامه
ويارب تكون رحله موفقه ومليانه بالخير

عندك حق القاهره من اسوأ بلاد العالم نهارا...عوادم لا مثيل لها وتراب ومواصلات بشعه وضجيج وتلوث سمعي وبصري وحسي لدرجه كبيره اوي
انا لما بنزل القاهره بحسني وانا على الطريق الزراعي او الصحراوي
زي ما كون بنخلع من جلدي
مهما قصرت الرحله حتى لو ساعات

اسكندريه مش جنة الأرض بس افضل حالا من القاهره
ويمكن في نقاء الجو يكون في افضل
بس اكيد ان سحرها عميق جدا
وفيها مميزات واماكن وجو وناسها وبحرها وترابهاوشمسها وشوارعها
يمكن يكونوا سبب سحرها
ويمكن هم اللي بيولدوا مشاعر عند كل اللي يزورها

ولسه السؤال محير

زُمُرده said...

TO My Lovely ؟? Hannoda ؟?
؟?؟?؟?؟?؟?؟?
ماشاء الله
دخلا ...خارجه
وبتحجزي مكان كمان
عشنا وشوفنا
هيصه وهايصه؟؟؟
***********************
الحمد لله اننا اسكندرانيه
عندك حق كل اللي عدى عليها حبها
وساب فيها ذكرى لحبه
ويمكن حارب علشان يفضل فيها
لما كان اي حد يحكيلي عن الخوجات اللي عاشوا فيها ورفضوا انهم يرجعوا لبللدهم...كنت ساعات أقول معقول؟؟
بس مع الأيام اتأكدت اني اللي بيعيش فيها شويه...مهما قلوا
بتزرع جواه حب ليها
ويرجع لها من تاني
البحر بيربي فينا احاسيس ويعلمنا فنون المشاعر
ويمكن بيخلق فينا رغبه اننا نزرع ذكرى في كل مكان علشان علقتنا بيها تقوى اكتر واكتر
********************
وعدتك اني هعملك حاجه تفرحك في البوست اللي فات وحملتها في صفحتي ع النت...معرفتش احملها هنا ..بس الحمدلله بحثت وحاولت وجربت وحملتلك البوست ده ليك...
وازاي ينفع من غير فؤاد ومنير؟
************************
طبعا ياستي المدونه مدونتك
ادخلي اخرجي براحتك واحنا عندك أغلى منك

زُمُرده said...

To***Salwa***
اسكندريه اجمل من الجمال
اشكرك ..ده من ذوقك
البوست عادي وبسيط جدا
شرفتيني بزيارتك ومرورك
وخلينا بالجو

Anonymous said...

عارفه يا زمرده انا صعيدى بس عاشق اسكندريه صيف وشتاء فى الصيف اسكندريه بتبقى عامله زى كوكتيل فواكهه متلج فى عز الحر لازم يتشرب لاخر قطره خليط من البشر من كل محافظات مصر بيعمل مزيج رهيب للبلد دى فى الشتاء بعشق اسكندريه وهى فاضيه والنوه ومطرها

زُمُرده said...

**ياسر مدني ...دينامو الإخوان**
ربنا يتقبل منك ومن كل المسلمين ويستجيب دعواتنا ويرد الينا الأقصى الشريف وينصر المسلمين

زُمُرده said...

***مصطفى السيد سمير***
عندك حق والله زي ما تكون مسحوره
مفيش فنان ولا انسان إلا وحبها وتأثر بيها وحركت جواه مشاعر واحاسيس
اروع مكان واروع زمان في الشتا

اسكندريه ماريه وتربها زعفران

شكرا على الزياره الجميله

زُمُرده said...

To ***اسكندراني اوي ***

لأ الكلام ده كبييييير
مع اني ساعات بحس ان الإنسان هو اللي بيدي قيمة المكان
مش العكس
زي ما حبيت المكان ممكن احب غيره واربط مشاعري بيه بحكايات وذكريات واحلام ولحظات حزينه وسعيده

زُمُرده said...

TO ***الربان***

والله كلامك عين العقل
يارب كل واحد يحب بلده ويخلص في حبه
ويترجم حبه لعمل واع متقن متفرد
اشكرك على النصيحه الجميله
ومرورك الأجمل
وكل واحد يعدي هنا يقرا وينفذ
....ولنبدأ بأنفسنا....

زُمُرده said...

To*** ibn nasser - ابن ناصر***
آآآه لو على الأسماء
ملهمة الشعراء
عروس البحر الأبيض
اسكندريه ماريه
.....
كل يوم بتأكد ان سحرها
واخد الناس ليها
من زمان اوي وهي مالكه قلوب وقلوب
ولحد يوم القيامه
ساعات بحس انها بتزع بذره حب وعشق ليها في قلب كل زائر

ماشي يا سيدي...مادمت بتحبها كده وليكم شقه
جرب تزورها في الشتا...بعد شهرين كده
لأننا لسه صيف اوي
وانت هتشوف عروسه ليلة زفافها
روعة وجمال ودفء عجيب في عز النوه

زُمُرده said...

To***رئيس جمهوريه نفسى ***

تمام تشبيه صح الصح
ساعات بتوه مني في الصيف
بحس اني غريبه ...مع انه نفس المكان
هو البحر....بموجه...وهواه ...ورملته...وصخوره...وشمسه ...نفس المكان
اوقات افرح ...كل المصريين بييجوا لحبيبتي..اسكندريه
وساعات بغير من حبهم ليها
واحس ان هواها للإسكندرانيه بس
وممنوع لغيرهم...بغير على بنات اسكندريه وشبابها
واسعد وقت لما الشتا يهل
والمطره ترخ واتمشى على بحرها
اعد العشاق والمجانين اللي زي
واقول ما أحلاكي يا اسكندريه

الصديق المخلص said...

اية دة كلة بوست رائع بجد و فلاش رائع لسكندرية حبيبتنا كلنا و بلدنا الجميلة و اغنية جميلة اكيد زيك
اسكندرية بلدنا كل الناس اللى دخلوها وعاشوا فيها حتى لفترة قصيرة حبوهة جدآ يبقى اللى اتولد و اتربى فى شوارعها حيقدر يستغنا عنها أو هية تستغنى عنة متيألى مفيش أم تقدر تستغنى عن ابنها هى دة اسكندرية و كمان مفيش ابن يقدر يبعد عن امة أو يستغنى عنها و هو دة الأسكندرانى
و بأذن الله ربنا حيوفقك و تعودى لحن أمنا الكبيرة اسكندرية الجبيبة و الجميلة

زُمُرده said...

To***الصديق المخلص***
اشكرك جدا على كلامك الرقيق ده
بس لما تعمل سليد شو وتنزل بنفسك تصور حاجه جميله...يبقى اكيد هتطلع جميله
لما تكتب عن كل حته في اسكندريه هتطلع جميله
لأنها هي الجميله
كلامك صحيح اسكندريه بتأثر في المصيفين اللي يادوب بيقعدوا ايام
أما اللي اتربى فيها ....فحدث ولا حرج

على فكره انا في اسكندريه
بس مع ذلك بتوحشني

Hannoda said...

وحشتيني

زُمُرده said...

***Hannoda****
انت اللي وحشتينيييييي
مووووووووووت
اكتر مما اقدر احتمله
مفتقداك

الصديق المخلص said...

أهلا بيكى فى اسكندرية
اسكندرية نورت
بس مش علشان انتى فى اسكندرية تنسى مدونتك و تنسينا يعنى نقدر نقول عليكى عودة العصفورة الى عشها الجميل أو عودة السمكة الى شطها و بحرها المفضل صح
على فكرة انا كمان فى اسكندرية

زُمُرده said...

***الصديق المخلص***
والله انت زي العسل
ربنا يكرمك
انا مقصره في المدونه

بس غصب عني
مشغوله
بس هانت بعمل بوست ضارب
ربنا يستر
شكرا لسؤالك
ايه رايك في الجو اليومين دول يجنن
مش كده

الصديق المخلص said...

طبعآ يجنن و كمان زمردة موجودة فية دة مش يجنن و بس دة يهبل كمان
المهم متتأخريش فى البوست الجديد علشان انتى اتأخرتى قوى بقالى ساعة مستنى حتيجى امتة متتأخريش و لو عزتى حاجة فى اسكندرية أطلبى احنا أخوات و القضية واحدة وربنا يستر
سلام و اشوفك فى بوست جميل بأذن الله

زُمُرده said...

***
الصديق المخلص****
ههههه
ماشي يا مان
الأسكندرانيه لبعضيهم
متقلقش
عليا
وشكرا على ذوقك وكلامك الجميل

الصديق المخلص said...

اية يا عصفورة اسكندرية خلصتى تصوير ولا ابعتلك صور لسكندرية انا مستنى البوست ولسة مجاش
أو جة مجاش ادينا مستنيين
كفاية تأخير لو سمحت

زُمُرده said...

****الصديق المخلص****

السلام عليكم
البوست وصل يا باشا
تسلملي ويسلملي سؤالك عني
بس انا غيرت الفكره
او بمعنى تاني اجلتها
واديك اول واحد عرف
سلام

سلمــــَى said...

السلام عليكم ،،
بجد يا زمرده أنا أول مره أدخل ع ،البلوجر بتاعك لأنى خبرتى بالمدونات قليله جدا بس بجد عجبتنى أوى ما شاء الله

ندخل فى الموضوع بقى ،،
بالنسبه لاسكندريه دى فأنا بحبها جدا بفرح جدا اما اسمع اسمها مش عارفه ليه
مع انى مش اسكندرانيه
انا كل اما تيجى رحله ايام المدرسه اسكندريه مكنتش بفوتها وفى الجامعه كذلك ،،
ما شاء الله أول بشوف شط اسكندريه بحس احساس تانى خالص ،،
ومتهيألى كل شعب اسكندريه قلبه صافى زى بحرها
بجد انا بحسدكم علشان انتوا منها ،،انا دخلت ع المدونات الى انتى مسجلاها عندك ،،اغلبهم من عندكم زعلت جدا وقلت يا ريتنى كنت عايشه هناك
جوها ده بصراحه بيخلى اللى مش مبدع يبدع ،، واللى مش بيعرف يكتب شعر هيكتب شعر ،، واللى مش بيعرف يرسم مناظر طبيبعيه جميله هيعرف ،،ما شاء الله بقللك احساس تانى خالص ،،
انا مش عاوزه اطول عليكى بس صدقينى انتى لو سبتينى هكتبلك مطويات شعر فيها ،بلاش أفتح باقى هههههه
بس كان نفسى أوى قبل ما انهى كلامى انكوا تشاركونى فى مدونتى انا لسه عملاها ونفسى أوى تشاركونى بردودكم واراءكم الجميله دى ،،
وكمان عاوزه استفسر عن بعض الحجات فى تنسيق المدونات يا ريت لو أمكن التواصل معاكم ،،
شكرا ليكم
وجزاكم الله كل خير
اسفه جدا على الاطاله
السلام عليكم

زُمُرده said...

***** سلمــــَى *****

نورتيني يا جميله
بجد مش عارفه اقولك ايه
فرحتيني جداجدا بزيارتك الجميله
وكلامك اللي يدوخ
انا تحت امرك اي حاجه لو اعرفها مش هتأخر ولو معرفهاش ابحث واسأل عليها
اكيد هآجي واعلق واتكلم براحتي
وسعيلي السكه بقى
ههههههه

اسكندريه
انا بموت في اسكندريه والبحر
بس عارفه مش كل الناس بتتعلق بنفس الشيء بنفس الدرجه
المهم يكون عند الشخص احساس علشان يشوف ويتأثر
ومش كل الاسكندرانيه حسينها زي بعض

يفرحني حبك لاسكندريه
بس وحياتك بلالالالاش حسد

انا فاصله الاسكندرانين عن باقي المدونين عندي
فانت اكيد دخلتي عليهم

طولي براحتك
البيت بيتك
وملوش لزوم الاسف
ماشي يا جميل

د/اجدع بنوته said...

اسكندريه دى بجد .. كلام ايه يكفيها

انا روحت شرم اللى الكل عمال يقول عنها وعنها وعنها

محستش فيها بربع الاحاسيس اللى بحسها ف اسكندريه

السما نفسها البحر وشوش الناس اللى معديه ..مبحسش فيها بقمة الزمن

لو اتسابت ممكن افضل قاعده ع الشط ف المنتزه العمر كله

اسكندريه بكل مافيها ببيوتها والطرق بتاعه .. مطرها وانفاقها ونواتها

بتعملى حاله م الشجن صعب ان حد يلاقيها وصف او سبب

تحياتى ويابختكممممممم انكم عايشين فيها

زُمُرده said...

***** د/اجدع بنوته *****

ومازال البحث جاريا عن سبب روعة تأثير الاسكندريه
في قلوب أهلها وروادها.....كلامك جميل
مقدرش اقول بعده كلام
بس اول ما تجي اسكندريه
لالالالالالالالازم تنوريني

Anonymous said...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

情趣用品,情趣用品,情趣,情趣,情趣商品

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

Anonymous said...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘