انت فرحي اللي عاش يا عنيه ..وانت ..انت اللي خايفه عليا

انت فرحي اللي عاش يا عنيه ..وانت ..انت اللي خايفه عليا

Wednesday, November 14, 2007

تشويش ششششششش





اسكندريه اجمل عروسه
في رداء الشتا


غيوم وسحب وقطرات المطر
نشوره تهز القلب
وسقعه ترعش البدن

*****

نغرق في التفكير في المستقبل لدرجه تنسينا الحاضر
فلا نعيش المستقبل ونفقد الحاضر


*****


لحظات الإنتظار...لحظات....قد تسرق دقائق
ساعات...ايام...اسابيع
شهور....سنوات
وتظل أمّل و أطول لحظات
*****





كثيرا نعيش كأننا لن نموت
واذا متنا...اتنسينا..كأننا لم نعش أصلا
*****

نستعجل في الطفوله الكبر
ولما نكبر نتمنى الطفوله


*****

نخسر صحتنا لهثا وراء المال
ثم ننفق المال لمحاولة استعادة الصحه
*****

عندما نكون شبابا نعشق بجنون

وعندما نشيخ نصبح مجانين إذا عشقنا

*****

صعب تجبر حد يحبك

بس ممكن تبقى شخصيه محبوبه

30 comments:

Hannoda said...

كلمات متفرقة من هنا و هناك تدل على تشتت
على زحام مشاعر
و اللي مايعرفكيش يقلق
و اللي يعرفك يقول شرودك شكله واخدك في لفة طويلة هنا و هناك
و حزنك شادد عليك بزياده

و اللي اعرفه مخليني أقول لو اعرف بس آجي اسكندرية و الفها معاك وتعدي ساعات و سنين
الصور معبرة قوي
و أكيد عارفة قد ايه قلبي اتاخد مع صور اسكندرية

أقولك حاجة؟

كلماك حسسني انه طالع من قلب حاسس انه عجز ووصل لنهاية المسار
مش عارفة صح انا ولا ايه
لكني عارفة الاحساس ده .. و أخشى عليك منه

اسكندراني اوي said...

ايه ده
من هنا وهنااااااك؟؟؟

بس احلى حاجه الكلمتين بتوع اسكندريه

تحياتي

Dr. Diaa Elnaggar said...

هذا التناغم بين الصورة المرئية والفكرة جميل جدا، وتأملاتك المكتوبة هنا، تستحق فعلا التوقف عندها بالتفكير العميق في معناها.

بس اللي مش فاهمه، ازاي تسمي البوست ده بعنوان "تشويش شششششششششش"، ده المفروض يبقى اسمه، "تشويق، ههههههههههههههه"

لو تسمحي أستعير بعض العبارات وأضعها في باب "تأمل معي" في مدونتي مع الاشارة إليك بطبيعة الحال كصاحبة العبارة الأصلية.

عميق تحياتي

ضياء

كاميليا بهاء الدين said...

زمردة
تشرفت بزيارتك لمدونتى.. وسعيدة لانها أعجبتك

بوست جميل .. مزج فنى رائع بين الصور والحكمة التى تليها

لك تحياتى

كاميليا

Unknown said...

كلمات جميلة وصور معبره واحساسا عالى الى بجد خلانى اغادر معك الى عالمك الى انا حاسس أنه ملئ بالمفارقات حزن سعاده فرح سرحان تركيز مفردات كتير متفرقه
ولكن أسكندريه وجوه يعمل أكتر من كده

Desert cat said...

الله عليكى وعلى صور اسكندرية فى الشتاء اللى اخدت قلبى
حبيبتى تسلمى على البوست الرقيق ده
تحياتى ليكى يا قمره

زُمُرده said...

To*****
Hannoda*****
تسلميلي ياعسل
زحام مشاعر....هههه
طب ما انا قولت تشويش شششش
ده انا كنت كاتبه بوست أطول
بس قولت اختصر لحسن تفتكروني بكتب من قبري
ماشي يا ستي تعالي وهلففك وتعبك لحد ما تقولي حقي برقبتي

قلبي عمري ما يعجز مادام بالحب عمران
متخفيش عليا....ده انا مصري اسكندراني جامد طحن

زُمُرده said...

To*****اسكندراني اوي*****

آآآه تخيل من هنا وهناك
اكيد احلى الكلام عن اسكندريه
واللي يحسوا اكتر اسكندراني اصيل

زُمُرده said...

*****د. ضياء النجار*****

هههههه تشويق وتشويش ششششش

اشكرك جدا على مرورك اللي اسعدني بشده
يشرفني انك تستعير كلماتي المتواضعه
وان كنت آآآجي ايه في فكرك وكلامك ؟؟

أهو على الأقل في يوم من الأيام حد يقراها ويقول هي فين؟؟؟ربنا يرحمها حيه ولا ميته
هههههههه

زُمُرده said...

*****كاميليا *****

الحمدلله اني وفقت في المزج بين الصور وافكاري
واشكرك على زيارتك الجميله
ومدونتك جميله جدا

زُمُرده said...

*****ابن اسكندرية*****

اولا:اشكرك لتشريفي مدونتي التمواضعه
وبقولك :اييييييوه ياجدعان ابن اسكندريه نورني

ثانيا: ركز شويه معايا هتلاقينا كلنا دنيتنا مليانه حب وفرح وحزن وسعاده ومفارقات وموج عالي شويه..هادي شويه
و تختلف بطبيعة الشخص في التأثر والتأثير

ثالثا: الحمد لله اني عرفت اخليك تتجي لعالمي يا ابن اسكندريه

نورت المدونه ياابن بلدي

زُمُرده said...

*****Desert cat*****
تسلميلي وتنوريني على طول
امال لما تعيشي في عروسه البحر المتوسط؟
احلى زمان ومكان يبقى اسكندريه في الشتا
اينعم الجو اشرق تاني بعد البوست
بس لسه مستنيه شتا اسكندريه

مشروع انسان said...

ما شاء الله
المدنة عاملة زى صفحة رسم
كلمات جميلة
بس فعلا مش ممكن تجبر حد انه يحبك
بس ممكن تكون شخصية محبوبة
الحب ده بيجى كده ربانى كمان
يعنى ممكن اعمل الخير وكل اللى يحبب
الناس فيا
وميحبونيش
وربنا اذا احب احدا احبه اهل السماء
واذا احبه اهل السماء احبه جبريل
واذا احبه جبريل
وضع له القبول فى الارض
ربنا يرزقنا حبه

زُمُرده said...

*****امام الجيل*****
مرحبا بيك في مدونتي الصغيره
جميل اوي كلامك
يمكن لأني برسم وبحب الرسم
بس الأكيد انك حساس ومشاعرك حلوه
و الله عندك حق ممكن تعمل كل اللي يحبب الناس فيك و ميبقاش ليك نصيب من حبهم واهتمامهم
ربنا يستجيب ليك ويرزقنا حبه ويألف القلوب ويكون لمدونتي نصيب في قرب الناس
يارب
شكرا على تشريفك الجميل

الصديق المخلص said...

صورك تحفة انتى صورتيهم قريب بس مرسى جدآ على الجولة الجميلة المتفرقة فى الصور و الكليمات
دى بقى اللى بيسموهة أقوال مأثورة
بس بجد بوست رائع
بس لية التشوش لية مفيش تركير انتى عارفة لو الأنسان يركز فى كل حاجة بيعملها يبقى حيعملها صح و عمرة ما يعدها تانى
حتى الحب لو الواحد ركز فية حيعرف يختار حبيبة اللى يعيش معاة العمر و يعرف يمتلك كل احاسيسة و وجدانة علشان ركز فى الحب و أخلصلة
زمردة بلاش التشوش حولى تلغى الفكرة من دماغك و ركزى فى هدف علشان حالة التوهان اللى انتى فيها دى
انتى لسة فى اسكندرية ولا مشاتى

زُمُرده said...

*****الصديق المخلص*****
شكرا على اهتمامك
انا في اسكندريه
ده في صور كتيييييييييير
بس قلت لتقولوا اني اتجننت ومش لاقيه حاجه اعملها غير التصوير
عارف نيللي الفنانه
كان في فوازير ليها او حاجه كده
كانوا يقعدوا يشدوا اللعبه
وتقول :دي بتاعتي ...لأ دي بتاعتي
لغايه متتقطع العروسه في ايديهم

انا كده متشتته
يمكن الكلام طلع مني
صح او حكمه او حقيقيه
بس مش ده البوست اللي كنت عيزاه
التاني قريب اول ما اتظبط
هحاول اركز ادعيلي
شكرا جداجدا
هي الأوقات دي اللي بتحسسك مين بيفتكرك
سلام

Soooo said...

ياااااااا
تصدقي ان اخر خاطره دي جات في الجون بجد

فعلا .. صعب ان اي حد يجبر اي حد يحبه .. لكن سهل انه يبقى محبوب


بجد بجد بجد .. خطيييييييييره



سلامووووووووووز

الصديق المخلص said...

زمردة انتى لسة فى اسكندرية و انا كمان فى اسكندرية ان شاء الله البوست اللى جى حيبقى اجمل بس تبقى تشيليلى شوية صور لحبيبتنا اسكندرية انتى متشوشة علشان مبسوطة انك فى اسكندرية سعات الفرحة لما تكون من القلب بتعمل حالة جنان او عدم تركيز فى كل شيئ لأنك عيزة تعملى كل حاجة فى نفس الوقت و بسرعة علشان ما فيش حاجة تفوتك صح

زُمُرده said...
This comment has been removed by the author.
زُمُرده said...

*****Soooo*****
وجون وجون وجوووووووووووووون
بس الأخيره ؟؟
احمدك يارب
ممكن تفاح
بلاها موووووووووووووز
مليت المدونه منه

Hannoda said...

بعد الشر عليك من القبر يا تحفة

وحشتيني يا اسكندراني مصري جامد طحن
:)

انت زيالعسل و الله العظيم
يا...

هيييي كنت حاسيح

Ehab said...

مدونتك شكلها حلو قوي
عقدتني بصراحه
ما علينا هم الأسكندرانيه كلهم حلوين وروشين كده
نوريني على طول
تحياتي الى اسكندريه حبيبة قلبي
واحلى بلاد الدنيا
سلااااااااااااااااااااااام

زُمُرده said...

*****الصديق المخلص*****
ازيك نورتني ونورت المدونه
الحمدلله ان الصور والكلام عجبك
من ناحيه الصور لأسكندريه فاطمن خالص
انا طول ما انا ماشيه بصور
ده النهارده وامبارح كنت في جوله ويا البحر والمطر والموج
بس اييييه جنااااااااان

عندك حق في كلامك بس انا في اسكندريه ومبفارقش غير قليل جدا
بس في لحظات بحسه قرب اوي
الموت
وببقى نفسي اطبع كل صوره وكل مكان جوايا
معلش مشوشه احيانا لأني مببطلش تفكييييييير

زُمُرده said...

*****Hannoda*****
ياسلالالام
توك ما افتكرتي اني وحشتك؟
سيحي سيحي
ده احنا عيال جامده طحن
والدنيا ان مالت عندلها
ولا يهمك انتي للي وحشاااااااااني
بجنون

زُمُرده said...

*****الشنكوتي الكبير *****
سلام كبييييير قوي قوي
للاسكندرانيه وعمنا الشنكوتي الكبييييير اوي اوي
نورتني بجد وفرحتني زيارتك
بس مش تتعقد دي مدونه عاديه جدا
جمعتنا احلى بلد ودايما باذن الله

عصفور اسكندرية said...

السلام عليكم
مدونتكم منوره
احلي حاجه اسكندريه ساعه المطر
تبقي المياه من كل حته مناعلي منكم ومن اسفل منكم ومن جانبكم في البحر

بس بجد المدونه جميله من صورها
شكرا لتشريفكم لي في مدونتي
لكم جزيل الشكر

Unknown said...

نخسر صحتنا لهثا وراء المال
ثم ننفق المال لمحاولة استعادة الصحه

كلمه جامده قوى يا زمرده

كلام جميل واجمل ما فيه تصويره
ايه هششششششششش دى
متزقيش كده انا ماشيه لوحدى
هههههه

زُمُرده said...

*****لماضة*****
ازيك يا عسل
انا برضه اقولك هششششش
انا بقول شششششششششش
ايوه ياستي مهما يضيعوا صحتهم
وانتوا تاخدوا فلوسهم
واحنا نديهم الدوا
واهي ماشيه

ده ذوقك هو اللي جميل
واسلوبك الحلو

د/اجدع بنوته said...

كثيرا نعيش كأننا لن نموت
واذا متنا...اتنسينا..كأننا لم نعش أصلا

صح كده

الاول انا بموت ف اسكندريه فشكرا جدا ع كل صورها الجميله اللى حطاها هنا

وكمان ع السليد شو اللى حطهولها ف الويب باج بتاع حضرتك

ثانيا مش هقعد كل شويه اقولك كلامك واحاسيك واسلوبك والحجات دى

لان خلاص انا تعبت اوى م تكرار الكلام دى

واسمحى ااقولك

زمرده .. المتحدث الرسمى باسم قلبى

تحياتى

زُمُرده said...

***** د/اجدع بنوته *****
والله ما لاقيه كلام
وش احمرررررررررررر
مكسسسسسسسسسسسسسسسسوف

انا بعشق اسكندريه
والسليد شو ده ثلاث ارباع صوره وصور المدونه
انا اللي صورتها فعلشان كده بعتز بيها اوي وتلاقيها قريبه مني

حلوه المتحدث الرسمي دي
ياجميله تقولي متقوليش كله وصل
من القلب للقب