انت فرحي اللي عاش يا عنيه ..وانت ..انت اللي خايفه عليا

انت فرحي اللي عاش يا عنيه ..وانت ..انت اللي خايفه عليا

Wednesday, March 5, 2008

رئيس جمهورية نفسه






وأنا ماشي في الدنيا حزين

بسعى لهدف ويقين

لقيتك وسط دوشة السنين

صديق غالي سكنّ ننّ العين

دوقني الأشعار ومن الفن ألوان

عشنا وياه الفرح زمان

قاسمناه الوجع والحزن

وطوينا الآلام كمان

وخلاص بقينا راضيين

نامت العيون مطمنيين

للأمل عايشين مستنيين

وفجأه صحيت من غفلة العين

بصرخة الصمت المسكين

على جرح ينزف أنين

مزروع بأشواك الحنين

فُراق عليه مجبُورين

صفعه من أغلى الغالين

محمود الريس المتين

خطف دقات الزمن

وحجّر دموع العين

نسى إزاي يصون

هُنا عليه في لحظة جنون

رحل من عالم التدوين

بدون سبب رزين

دفن وياه الحنين

وذكريات السنين

وبعتلنا كلمتين

سلام يا غاليين

مهما طالت السنين

هنفضل متأكدين

إنه راجع وأدينا مستنيين

يضّي محمود المكان

ويرسم بصمته ع الزمان
********************
تحديث
عاد الرئيس لقصره من جديد
حمدلله على السلامه

14 comments:

همسات دافئه said...

الله ياذمرده
لمسه جميله اوى منك
انا كمان زعلت عليه اوى
حاسه انى مبقتش بعمل فى حياتى غير انى اتحايل على المدونين انهم ميقفلوش بلوجاتهم
:(
حاجه تزعل
لسه عندى امل انه يغير رأيه
شيماء

د/اجدع بنوته said...

انا اضايقت جدااااا

مش اوى بس

بس مش بادينا حاجه

تحياتى ياحنين

وفعلا طول عمرك صاحبة واجب

Unknown said...

يااااااه
كويس ان حضرتك رجعتي تاني
أنا
أما المدون اللي ساب التدوين ده
أنا عاقبته بطريقتي
!!!!!!!!!!!!1

Hannoda said...

إتفاجئت بالخبر ده ولو اني ماكنتش من المترددين بكثرة على مدونته لكن كنت بحبها جدا و بحب تعليقاته عندي وبحترمها جدا

الكلمات حلوة جدا يا زمردة وباين فيها قوي قلبك اللي بيلتصق كعاده بالناس و يتعلق قوي و يحب قوي

وعموما في العالم ده أجمل مشاعر حب بشوفها و بعيشها و بتفرج على قلوب كتير عايشينها


يارب يرجع تاني زي صاحبتنا اللي رجعت
عارفاها؟

:)

تحياتي

كاميليا بهاء الدين said...

سبحان الله

من أيام يازمردة قولتى انك ماشية
وجيت اشد ايدك ترجعى
مع ناس كتير حبوكى

وبعدها انا كمان قولت اني ماشية
وناس كتير بحبهم وبيحبونى مدوا ايديهم
ومن الاعماق شدونى
قبل الغرق في الصمت

ودلوقت محمود قال انه ماشى
وكلنا بنمد ايدينا له علشان يرجع تانى

عالم غريب
بنسلم الراية لبعض
راية - لسة فيه أمل-ارجع معانا

انا عندى أمل كبير
ان محمود يستريح شوية
ويستعيد نشاطه وحماسه
ويرجع تانى
يرجع
باسرع
مما نتخيل
باذن الله تعالى

مرحبا بعودتك صديقتى المشرقة دوما

كاميليا

رئيس جمهوريه نفسى said...

رغم انى مش عارف من حقى اعلق ولا لا على البوست ده بس جاى اقولك شكرا مش على البوست الى انتى عملتيه لا شكرا على وقفتك جنبى فى الموقف الى كنت فيه اى نعم اتكلمنا مع بعض ومعرفتنا قصيره بس بجد الموقفين بتاع البوست ووقفت جنبى فى مشكلتى كانو يعنو عندى الكثير بجد
فشــــــــــــــــــــــكرا

زُمُرده said...

*****
همسات دافئه*****

ربنا يكرمك
لو مكناش نقف جنب بعض وقت الشده
يبقى ايه لزوم الاصدقاء

ربنا يجزيك عنا ويقويك
متحرميناش منك

زُمُرده said...

*****د/اجدع بنوته *****

ربنا يكرمك يا عسوله

بس لكل منا ظروفه اللي بتسود الدنيا في لحظات معاه

وبعدين ربنا يفرجها

ربنا ما يجيب حاجه تضايقك

زُمُرده said...

***** أنا إنسان *****

ههههههههههه
حلوه عاقبته دي

سبحان الله ربنا جعله سبب يخرجني ويرجعني تاني

اشكرك جدا ع اهتمامك
ربنا يكرمك

زُمُرده said...

***** Hannoda *****

محمود شخصية محترمه جدا واي انسان يعرفه يسعد بمعرفته جدا

يارب تبقى من زواره دايما

اما مشاعري
فانا بحب الناس وبتفاعل معهم
اعيش فرحهم وحزنهم

الحمدلله ربنا جعله سبب لرجوعي
حتى لو رجوع مؤقت

وحشتييييييييييني

زُمُرده said...

***** كاميليا *****

ازيك يا كامي

سبحان الله رأيك تمام رايه وبنسلمها لبعض

ربنا يكرمك ويقدرنا نكون دايما جنب بعض ونعين بعض


مكنش ينفع افضل بعيده
حسيت اني لازم اخرج واعبر
حتى لو كان خروج مؤقت
ربنا ما يحرمني منك

زُمُرده said...

***** رئيس جمهوريه نفسى*****

وش احمرررررررررررررررر

خيرك سبق

مادمت اقدر اساعد مش هتأخر
وخصوصا لما يكون انسان محترم ويستاهل
مش بس نقف جنبه
لالالالالالالالالالا
ده احنا نسوي الهوايل

نورت تاني يا محمود
صديق غالي للأبد

ادم المصرى said...

استاذه زمرده تدوينك جمييييييييييل جدا جدا بجد وعجبنى موت موضيعك كلها جميله
ياريت اتشرف بحضرتك الى مدونتى استفيد من ارارائك معى سام عليكم

زُمُرده said...

***ادم المصرى ***

نورتني يا ادم

بس انا زمرده لا انا استاذه ولا غيره

مرسي ع كلامكك وذقك
وجيالك
وسع السكه
ههههههه