انت فرحي اللي عاش يا عنيه ..وانت ..انت اللي خايفه عليا

انت فرحي اللي عاش يا عنيه ..وانت ..انت اللي خايفه عليا

Thursday, July 29, 2010

عايزه اتعلم

                        عايزه اتعلم 
آخـد ومديـش
اجرح ومبكيـش

                        عايزه اتعلم
احول الصراخ لضحكات
والدموع لطعنات

                        عايزه اتعلم
استمتع بالتجريح
واتفرج ع الدبيح

                         عايزه اتعلم
ابتسم ف براءة الأطفال
وإن كنت شيطان ف الأفعال

                         عايزه اتعلم
أنسى انتظار التقدير
وأدوس ع الصغير والكبير

                          عايزه اتعلم
معملش حساب الضمير
والذمه قابله للتغيير

                           عايزه اتعلم 
أبيـع  و أخــون
واخدع ولا أصون

                           عايزه اتعلم 
أبقى دايــماً قــويه
والحق يبقى ف إيديه

**********

20 comments:

Hannoda said...

طيب ايه علاقة الحق و القوة بس بكل اللي اتقال
و ايه الهدف من كل اللي عاوزة تتعلميه؟؟

بوست اسلوبه جميل و كلماته قوي بس معناه غريب

رحــــيـل said...

ياااااااااااه
حمد الله ع السلامه
:))
يارب تكوني بخير

اوقات بنحتاج نتعلم ده بس الزمن كفيل انه يعلمنا هنتعلم نقسى ومع لاوقت نعرف امتى نقسي وامتى نحن وكل حاجه هنعملها فى وقتها

واحشااانى كتير

ms128 said...

gamda gedan gedan gedan w lw an ma3niha 3aks ba3dha w da ma3nah anek bat7wli takoni sharira bs el5air gowali aktr mn elshar w da a7sn baktirrrrrrrrrrrr

harmless said...

ماكانش العشم

rack-yourminds said...

بعتقد أن هذا الكلام الغريب والقاسي لا يصدر الا من شخصيه تركيبتها خلاف كل هذا

زُمُرده said...

Hannoda

اولا : الحق محتاج قوه تحميه وتدافع عنه
مينفعش تكوني على حق وتكوني ضعيفه او متقدريش تقفي في وش الظالم وتحاربيه حتى لو باسلوبه

ثانيا: لما تكوني شريره بعقل وحكمه
هتقدري تتعاملي مع كل حسب درجه خيره او شره
يعني الطيب هتعامليه بطيبه والشرير بالمثل
يبقى مظلمتيش حد

يارب اكون وضحت وجهة نظري

زُمُرده said...

رحــــيـل
ياااااااااااااااااااه وحشتيييييييييييييييني اوووووووي

الله يسلمك ياقمر
انا بخير مادمتي بخير ولسه فكراني ومنوراني

والله جبتي المفيد
لخصتي بوستي وشرحي لهنوده ف سطر
يا قدراتك يا قمر

ربنا اعلم اد ايه وحشتيني

زُمُرده said...

ms128

لحمدلله انها عجبتك
كلنا جواه خير وشر
يمكن يتطبع بالخير ويتصرف بيه اكتر
بس ف وقت لازم تتعلم تكون شرير تقدر تاخد حقك من قلب الاسد
تقدر تحمي نفسك ومشاعرك والحق من غير ما تظلم

زُمُرده said...

harmless

لالالالالالالالالالالالا مقدرش على كده
العشم اكبر بكتير
اديني فرصتي اشرح طيب

زُمُرده said...

rack-yourminds

اكيد والا مكنتش احب اتغير
يمكن اقدر املك زمام موقفي مره

SAYED SAAD said...

حمد الله على السلامة يا عروسة البحر

لو ده اللي انتى عايزاه يبقي عشم ابليس في الجنة

الطبع يغلب التطبع يعنى اللي معدنة اصيل لا يمكن يعرف يغيرة

كونى بخير

mesh2dra said...

السلام عليكم

حلوة اوى.. وياريته ينفع
بس للاسف قبلك حاولوا وفشلوا
مش بيقولك اللي فيه داء ما بيبطلوش :D

كمان حاجة
مش معنى ان الواحد ما بيعرفش يظلم اللي اذاه ولا يبيع اللي باعه ... الخ مش معنى الكلام ده انه يكون مش قوى
المهم انى اكون عارفه احافظ على نفسي من وقوع الظلم عليا والانتقاص من حقي بطريقة مشروعة سواء باللي موجود في البوست او غيره

عايزه اتعلم انسى انتظار التقدير
عادة لا تنتظرى تقدير من احد .. يكفيكى تقديرك لذاتك

بوستك حلو واسلوبك جميل ورقيق اوى :))

سلاماتى

mesh2dra said...

السلام عليكم

حلو اووووى .. ياريته ينفع
بس للاسف قبلك حاولوا وفشلوا
مش بيقولك اللي فيه داء ما بيبطلوش :D

كمان حاجة
مش معنى ان الواحد ما بيعرفش يظلم اللي اذاه ولا يبيع اللي باعه ... الخ مش معنى الكلام ده انه يكون مش قوى
المهم انى اكون عارفه احافظ على نفسي من وقوع الظلم عليا والانتقاص من حقي بطريقة مشروعة سواء باللي موجود في البوست او غيره

عايزه اتعلم انسى انتظار التقدير
عادة لا تنتظرى تقدير من احد .. يكفيكى تقديرك لذاتك

بوستك حلو واسلوبك جميل ورقيق اوى :))

سلاماتى

romansy said...

كل عام وانت الى الله أقرب
ولفعل الطاعات أسبق
وإلى الجنة أرغب
رمضان كريم

momken said...

اعتقد انك عاوزة تتعلمى حجات قيل عنها


علم لا ينفع وجهل لا يضر


تحياتى

زُمُرده said...

SAYED SAAD

الله يسلمك ويخليك ليا

عشم ابليس ف الجنه
طمنتني خاااااااالص يعني مفيش امل
طيب قولي حاولي
يمكن اقدر
الدنيا وحشه اوووي
معلش بقى
خدبالك منك

زُمُرده said...

mesh2dra

نورتيني مرتين
مره بالزياره والتانيه بكلامك

كلامك مضبوظ لازم نملك القدره اننا ندافع عن نفسنا ونقدر ع اللي يظلمنا
وياريت لو نقدر نمنع ظلمه لينا ولغيرنا
بس ساعات من كتر ما نشوف بيبقى الحرص افضل وانك تكوني مستعده ويقظه للدفاع عن حقك ونفسك دوما

التقدير كلمه بسيطه
بس مفعولها سحر بيدي راحه نفسيه ونوع من الرضا
طبعا لما يكون التقدير ف محله

نورتيني وهستناك دايما
بس اوع تقولي
مش قادره
:))

زُمُرده said...

romansy

رمضان كريم والله اكرم
وتسلم ع الدعوات الحلوه دي

كل رمضان وانت بصحه وسلامه

زُمُرده said...

momken

خير الكلام ما قل ودل
اهو وعلم يمكن ينفع ف يوم
ومش هيضرني لو استخدمته صح
بل هيحميني ويحمي غيري

نورني دايما

romansy said...

كل سنه وانتى طيبه ورمضان كريم
احنا لو اتعلمنا هنتعلم كتير قوى قوى قوى قوى


طمنينا عليكى


تحياتى