عايزه اتعلم
آخـد ومديـش
اجرح ومبكيـش
عايزه اتعلم
احول الصراخ لضحكات
والدموع لطعنات
عايزه اتعلم
استمتع بالتجريح
واتفرج ع الدبيح
عايزه اتعلم
ابتسم ف براءة الأطفال
وإن كنت شيطان ف الأفعال
عايزه اتعلم
أنسى انتظار التقدير
وأدوس ع الصغير والكبير
عايزه اتعلم
معملش حساب الضمير
والذمه قابله للتغيير
عايزه اتعلم
أبيـع و أخــون
واخدع ولا أصون
عايزه اتعلم
أبقى دايــماً قــويه
والحق يبقى ف إيديه
**********
19 comments:
طيب ايه علاقة الحق و القوة بس بكل اللي اتقال
و ايه الهدف من كل اللي عاوزة تتعلميه؟؟
بوست اسلوبه جميل و كلماته قوي بس معناه غريب
ياااااااااااه
حمد الله ع السلامه
:))
يارب تكوني بخير
اوقات بنحتاج نتعلم ده بس الزمن كفيل انه يعلمنا هنتعلم نقسى ومع لاوقت نعرف امتى نقسي وامتى نحن وكل حاجه هنعملها فى وقتها
واحشااانى كتير
gamda gedan gedan gedan w lw an ma3niha 3aks ba3dha w da ma3nah anek bat7wli takoni sharira bs el5air gowali aktr mn elshar w da a7sn baktirrrrrrrrrrrr
ماكانش العشم
بعتقد أن هذا الكلام الغريب والقاسي لا يصدر الا من شخصيه تركيبتها خلاف كل هذا
Hannoda
اولا : الحق محتاج قوه تحميه وتدافع عنه
مينفعش تكوني على حق وتكوني ضعيفه او متقدريش تقفي في وش الظالم وتحاربيه حتى لو باسلوبه
ثانيا: لما تكوني شريره بعقل وحكمه
هتقدري تتعاملي مع كل حسب درجه خيره او شره
يعني الطيب هتعامليه بطيبه والشرير بالمثل
يبقى مظلمتيش حد
يارب اكون وضحت وجهة نظري
رحــــيـل
ياااااااااااااااااااه وحشتيييييييييييييييني اوووووووي
الله يسلمك ياقمر
انا بخير مادمتي بخير ولسه فكراني ومنوراني
والله جبتي المفيد
لخصتي بوستي وشرحي لهنوده ف سطر
يا قدراتك يا قمر
ربنا اعلم اد ايه وحشتيني
ms128
لحمدلله انها عجبتك
كلنا جواه خير وشر
يمكن يتطبع بالخير ويتصرف بيه اكتر
بس ف وقت لازم تتعلم تكون شرير تقدر تاخد حقك من قلب الاسد
تقدر تحمي نفسك ومشاعرك والحق من غير ما تظلم
harmless
لالالالالالالالالالالالا مقدرش على كده
العشم اكبر بكتير
اديني فرصتي اشرح طيب
rack-yourminds
اكيد والا مكنتش احب اتغير
يمكن اقدر املك زمام موقفي مره
حمد الله على السلامة يا عروسة البحر
لو ده اللي انتى عايزاه يبقي عشم ابليس في الجنة
الطبع يغلب التطبع يعنى اللي معدنة اصيل لا يمكن يعرف يغيرة
كونى بخير
السلام عليكم
حلوة اوى.. وياريته ينفع
بس للاسف قبلك حاولوا وفشلوا
مش بيقولك اللي فيه داء ما بيبطلوش :D
كمان حاجة
مش معنى ان الواحد ما بيعرفش يظلم اللي اذاه ولا يبيع اللي باعه ... الخ مش معنى الكلام ده انه يكون مش قوى
المهم انى اكون عارفه احافظ على نفسي من وقوع الظلم عليا والانتقاص من حقي بطريقة مشروعة سواء باللي موجود في البوست او غيره
عايزه اتعلم انسى انتظار التقدير
عادة لا تنتظرى تقدير من احد .. يكفيكى تقديرك لذاتك
بوستك حلو واسلوبك جميل ورقيق اوى :))
سلاماتى
السلام عليكم
حلو اووووى .. ياريته ينفع
بس للاسف قبلك حاولوا وفشلوا
مش بيقولك اللي فيه داء ما بيبطلوش :D
كمان حاجة
مش معنى ان الواحد ما بيعرفش يظلم اللي اذاه ولا يبيع اللي باعه ... الخ مش معنى الكلام ده انه يكون مش قوى
المهم انى اكون عارفه احافظ على نفسي من وقوع الظلم عليا والانتقاص من حقي بطريقة مشروعة سواء باللي موجود في البوست او غيره
عايزه اتعلم انسى انتظار التقدير
عادة لا تنتظرى تقدير من احد .. يكفيكى تقديرك لذاتك
بوستك حلو واسلوبك جميل ورقيق اوى :))
سلاماتى
اعتقد انك عاوزة تتعلمى حجات قيل عنها
علم لا ينفع وجهل لا يضر
تحياتى
SAYED SAAD
الله يسلمك ويخليك ليا
عشم ابليس ف الجنه
طمنتني خاااااااالص يعني مفيش امل
طيب قولي حاولي
يمكن اقدر
الدنيا وحشه اوووي
معلش بقى
خدبالك منك
mesh2dra
نورتيني مرتين
مره بالزياره والتانيه بكلامك
كلامك مضبوظ لازم نملك القدره اننا ندافع عن نفسنا ونقدر ع اللي يظلمنا
وياريت لو نقدر نمنع ظلمه لينا ولغيرنا
بس ساعات من كتر ما نشوف بيبقى الحرص افضل وانك تكوني مستعده ويقظه للدفاع عن حقك ونفسك دوما
التقدير كلمه بسيطه
بس مفعولها سحر بيدي راحه نفسيه ونوع من الرضا
طبعا لما يكون التقدير ف محله
نورتيني وهستناك دايما
بس اوع تقولي
مش قادره
:))
romansy
رمضان كريم والله اكرم
وتسلم ع الدعوات الحلوه دي
كل رمضان وانت بصحه وسلامه
momken
خير الكلام ما قل ودل
اهو وعلم يمكن ينفع ف يوم
ومش هيضرني لو استخدمته صح
بل هيحميني ويحمي غيري
نورني دايما
كل سنه وانتى طيبه ورمضان كريم
احنا لو اتعلمنا هنتعلم كتير قوى قوى قوى قوى
طمنينا عليكى
تحياتى
Post a Comment