انت فرحي اللي عاش يا عنيه ..وانت ..انت اللي خايفه عليا

انت فرحي اللي عاش يا عنيه ..وانت ..انت اللي خايفه عليا

Friday, August 20, 2010

لهيبي ولهاليبي


يوم طويل ... دوشه وزحمه ولف كتير
حر وشمس... ورطوبه ومن ده كتير
دوخه وهده... ولا عادش في تفكير

خنقه من مواصلات زي علب السردين
عماله اجري وألفّ وألم صبر السنين
اصبر واتصبر لحد ما اطفي لهيب الحنين

ع السلم بنط خطوه ورا التانيه
ما هي هانت وهبقى معاه ف ثانيه

ماهو واحشني .. والشوق جوايا عاصرني
من ست ساعات سبته ع النّنيّ
ف ليالي الشتا البارده حضنك يدفيني
وف نار الصيف الوالعه... برضه بترضيني

أفكاري راحت ومن دماغي اتنططت
وكل حته ف جسمي خلاص اتشعوطت

الشوق ساحبني ليك بلهفه مولعه
غرامي ناااار.. وبيك راضيه ومسلمه
بمزاجي جايه من غير حوارات ولا تكتكه

وآدي الموبايل والباب ولا حد يقطع خلوتي
يلا ... اطفي لهيبي ولهاليبي
عوضني اللي راح واسقيني
انعش العطشان وصب ف وريدي
يا دُش .. ميتك الساقعه تحييني
ودي نعمه يا رب صونها واحميها

********

12 comments:

Ahmed Fahmy said...

انا حاسس بيكي اوي عشان انا هاخد دش قبل الصلاة
:D
ربنا يريحنا كلنا من الحر ده يا رب
و مايقطلعناش مياه ابدا
:D :D

(احمد سكر ) said...

جيتى ع الوجيعه يا بندقه

ميه ودش ف الحر دا

دا يبقى حاجه اخر تومااام

رئيس جمهوريه نفسى said...

أنا حبارك بس على عودة بندقة للتدوين اصلي من زمان ما جتش هنا

حمد لله ع السلامة

ms128 said...

gamda 2wi ya ba5t eldosh anek bat7bih kol el7ob da

romansy said...

ايه يا عم الكلام اللى بيرطب ع القلب دا

ماشى يا سيدى اومل بقى البحر امامكم على طووووووووووول
احنا نعمل ايه بس

Hannoda said...

قلبتيني في مشاعر لقيت الدش فآخرها
خدعة حلوة يا بندقة :))

تدوينة شقية و دمها خفيف
والمكان لسة واحشني و فكرني بايام غالية

ماتقوليش على لهيب الحنين "اطفى" ..وفكرتيني بهاجس احسار المية عن مصر

Alaasalim2 said...

السلام عليكم

كلام جميل وفكرة حلووة
:)

أسعدني المرور على مدونتك الجميله واستمتعت جداً بتصفحها

hasona said...

كل عام وأنتم من عواده
وكل سنة وانتم بخير
وأسعدكم الله في عيد الفطر

Mohamed Gabriel said...

ف ليالي الشتا البارده حضنك يدفيني
وف نار الصيف الوالعه... برضه بترضيني
رائع ما كتبتى ودمتى مبدعة
تحياتى

Anonymous said...
This comment has been removed by a blog administrator.
زُمُرده said...

ღღ:::Romancii:::ღღ

ياااااااااارب ومتنساش تدعيلنا

----------------------------------
احمد سكر

لالالالا انا مبجيش على حد ابداااا
نورتني يا سكر
---------------------------------
رئيس جمهوريه نفسي

الله يسلمك بس انا مجتش زيك من فتره ومش عارفه التزم هنا اعمل اييييييه؟؟
نورتني بطلتك عليا
---------------------------------
Ms128
شوفت الزمن ملقتش حد احبه اقعدت احب الدش
ههههههه
مرسي لذوقك
---------------------------------
romansy

لا امامنا ولا خلفنا
مفيناش من قر وبعدين يعني اغير سكني واخلي العنوان
2 بحر اسكندريه الموجه 5
---------------------------------
Hannoda

دائما لدينا الجديد
هههههههههه
لازم اخدك من سكه المشاعر دي
اصل ف الحر ده مبيبقاش لينا طاقه نعمل اي حاجه ولا حتى نحب

احلى ما ف التدوينه انها عجبتك
لا مش هطفي هسيبها ولعــــــــه
ولو شاطره ابقى كلمي المطافي
ههههههههه
----------------------------------
Alaa Salim - علاء سالم
وعليكم السلام
انا اللي سعدت بمرورك وتصفحك واتمنى ان مدونتي البسيطه تكون عجبتك
والتدوينه دي خصوصا

نورني دايما
--------------------------------
hasona
اسعدنا واسعدكم واسعد كل المسلمين ف كل مكان
--------------------------------
Mohamed Gabriel
اشكرك بشدددددده
يارب استطيع ان ابدع واسعد ل من يقرأ لي
نورتني وتنورني دايما

Anonymous said...

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 – العدالة الاجتماعية .. وأطفال الشوارع والذين يملكون كل شىء .
5 – ضرورة الاتحاد مع السودان لتوفير الغذاء وحماية الأمن القومى المصرى.
6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

لمزيد من التفاصيل أذهب إلى مقالات ثقافة الهزيمة بالرابط التالى
www.ouregypt.us